¹ Nomwaunka kunkondo kuya kulwana aba hyinkondonyoko, alimwi mwabona imbizhyi zhyabo, inkalaki, a bantu banji banji kumwiindilila mu bunji mwebo, tamweelele kubayoowa; nkaambo Mwami Leza Leza wenu uli aandimwe, ulwakwe walo wakamukwihya kuhvwa munyika ya Egypt. ² Nomwayanda kunjila kuya kulwana kunkondo, mupaizhyi weelele kuswenaswena akukanana ku bantu. ³ Aambe kuli mbabo kuti, 'Teelelela yebo , Israel, uyakukulwana abahyinkondo nyoko. Myoyo yenu itatyompwa. Mutabi no muyoowa nokuba kuzhyangama. Webo utabi noba yoowa balo. ⁴ Akaambo kakuti Mwami Leza Leza wako walo ulwakwe ngomuunka limwi kuyakulwanina ndiwe kuli ba hyinkondonyoko alimwi akukuhvwuna webo.' ⁵ Bahyilutwe beelele kubandika kubantu a kwaamba kuti, 'Hena nkwali mulombwana uuyakile ing'anda impya alimwi tana kwiisalazhya kwiipa kuli Leza? Uuliboobo kapiluka akuya ku ng'anda yakwe ataangune kwiisalazhya, kutewa atakahwili kunkondo alimwi mpoona iyo ing'anda yakwe kukiisalazhye uumbi muntu a kwiikkala. ⁶ Hena kuli omwi muntu uwakahyanga muunda wa michelo ya masaansa alimwi tana mpawa walya kale michelo ya muunda uyo? Uuli boobo aunke kapiluka ukwakwe, kutewa atakahwili munkondo kwamana michelo ya muunda wakwe ikaliwe kumuntu uumbi. ⁷ Hena kuli mulombwana uuliko uupangene amukaintu pesi tana mukwata uyo mukaintu? Uyo uuli boobo kapiluka kaya kwakwe kutewa atakahwili munkondo kwamana uyo mukaintu kukamutwale uumbi muntu. ⁸ Bahyilutwe babandike kuyakumbele kubantu baya kunkondo a kwaamba kuti, 'Hena kuli muntu uuliko aawa uukandukile naa ukwete buyoohwu mumoyo? Uyo uuli boobo aunke a kupiluka kwakwe kung'anda, kutewa atanyonganyi myoyo yababunyina kubatyompya mbuli myoyo wakwe mboubele.' ⁹ Bahyilutwe bamana buyo kubandika ku bantu, beelele kusala bakandokando babahyinkondo babalanga ¹⁰ Naamwakanka kweenda kuyakulihwoola kukulwana munzhyi, mubape cilombyo ca luumuno. ¹¹ Naa kuti abalo baingula ca luumuno alimwi akujula milyango yamanjililo aaminzhyi yabo kuli ndimwe, nkokuti bantu boonse abaya kuyanwa mukati ka munzhyi uyo bahyinikizhyiwe kumumanina milimo yenu akuba bazhyike benu kumubelekela mwebo. ¹² Pele nakuti bakaka cilombyo cenu ca luumuno kuli ndimwe, a kusala buyo kulwana andimwe, nkokuti uyo munzhyi amukausaale akubweza, ¹³ alimwi kwamana Mwami Leza Leza wenu wamupa kukoma a kuti wababika kunhyi a bweendelezhyi ubwenu, amuka yasaule akubayaya boonse bamalombwana abali mumunzhyi kwiinda mukubelehya cheba. ¹⁴ Pele ba makaintu, abana boonse, a lubono lwa zhyihvwubwa, alimwi azhyintu zhyoonse zhyili mumunzhyi uyo, alimwi azhyisaalo zhyoonse, mukazhyibweze mbuli nkanda maulu yenu. Amukalye akubelehya inkanda maulu yaba hinkondonyoko, abo Mwami Leza Leza wenu mbaamupa mwebo. ¹⁵ Amukacite umbona buya kuminzhyi yoonse yakule kule ankomubele, minzhyi iitazulilwi muminzhyi iyi iitobelene anhyi aawa. ¹⁶ Muminzhyi yabantu aaba yalo Mwani Leza Leza wenu njamupa mbokunga ncikono cenu, mwebo tamweleele kuhyiya nociba comwe bantu a banyama icipona. ¹⁷ Amukabayaye kunyonyoona caku manininzhya: ba Hittite, alimwi aba Amorite, bana Canaani, ba Perizzite, ba Hivite, alimwi aba Jebusite, umbona Mwami Leza Leza wenu mbwaamulailila. ¹⁸ Amukacite buya kutewa batakamuyiihyi kucita micito yanzhyila zhyabo zhyisesemya, mbuli mbobacitila tu leza twabo. Kuti naa amwebo mwacita mbuli mbabo, mulakabihyizhya Mwami Leza Leza wenu. ¹⁹ Naa kuti mwaukoma munzhyi akukwatilila kwa ciindi cilahwu, mbuli mbomubamba nkondo kuli nguwe kusaala, mutakabi nomuyaya zhyisamu zhyamunzhyi uyo kwiinda mukuzhyitema atweembe zhyalo zhyisamu. Akaambo ka kuti mulakakonzhya kulya michelo yamasamu ayo, nkokwaamba tamweelele kutema masamu pe. Kaiyi hena cisamu camusokwe acalo muntu icakuti mucilwane acalo ooba? ²⁰ Cita buyo ambweni zhyisamu zhyalo nzhyomuzhyi kuti tazhyiliwa michelo, izhyo inga mwazhyitema zhyawila anhyi; mulakayaka amasamu ayo milimo yakukoma akukwatilila munzhyi uyo umucitila inkondo mwebo, kuhyikila wawa.