¹ Webo toyelele kweebelela musune wa mu Israelite nyoko na imbelele yakwe kaiya kumbi a mana webo wayuba kuli nzhyinzhyo; webo mahyimpe weelele kuzhyipilula kuzhyileta kuli nguwe. ² Naa kuti mu Israelite nyoko tali kuhwaahwi andiwe, nakuba kuti ambweni tomuzhyi, nkokuti webo weelele ku muleta munyama ku ng'anda yako, alimwi munyama abe aa ndiwe kuhiikila aka mukapaule muka mwini, alimwi kwamana ukamupiluhyile walo mukamwini. ³ Webo weelele kucita umbona buya aku mbongolo yakwe; weelele kucita umbona aku cisani cakwe; webo weelele kucita umbona kuhwumbwa kucintu icizhyimina ca mu Israelite nyoko, kuhwumbwa cintu ico ncaakazhyimizhya alimwi webo waciyana; webo toyelele kulihyisa. ⁴ Webo toyelele kulangilila imbongolo naba musune wa mu Israelite nyoko kalele wawila anhyi muzhyila a kulihyisa ulwako omwini kuhvwa kuli nzhyinzhyo; webo mu mahyimpe weelele ku mugwahyilizhya kwiibuhya kuti yiimikile alimwi. ⁵ Mukaintu tayelele kusama zhyisani zhya mulombwana, alimwi nokuba mulombwana tayelele kusama zhyisani zhya bakaintu; nkaambo kuhwumbwa uucita zhyintu izhyi ncisesemyo ku Mwami Leza Leza wenu. ⁶ Naa kuti citeente ca muyuni cayanika kumbele ilyako munzhyila, kuhwumbwa mu cisamu naaba anhyi, kacikwete abana naa mayi mukati, alimwi wayana abanyina ulihyite atwana naa a mayi, webo toyelele kubweza banyina antoomwe a twana. ⁷ Uleelele mu bwini ku muleka banyina kuunka, pele twana webo inga wabweza watola. Kobamba malailile aya kutewa zhyintu zhyika kweendele kabotu webo, alimwi akutewa ukali yungizhyizhye mazuba aako aakupona. ⁸ Ciindi noyaka ing'anda impya, webo uleelele kubamba buyalo ubwaciluli cako kutewa utakaleti bulowa atala ilya ng'andu yako kuti umwi muntu waloka kuhvwa waalya atala. ⁹ Muta kahyangi zhyihyango mu muunda wako wa masaansa kubika imbuto zhya mihyobo yobile, kutewa kuti butebuzhyi boonse butaka tolwi kubusena busalala, imbuto njokahyanga alimwi abutebuzhyi ubwa mu muunda wa masaansa. ¹⁰ Utalikulimi kohvwolekele musune a imbongolo antoomwe. ¹¹ Toyelele kusama cisani camulembe wakabambwa kuhvwa kuboya bwa mbelele alimwi a milembo antoomwe. ¹² Webo weelele kulibambila mayayila a zhyooko zhyone zhyacisani cako ncosama ulwako. ¹³ Atwaambe naa kuti mulombwana wabweza mukaintu kutwala, alimwi wamana waunka kuli nguwe uyo mukaintu, wamana wamucimwa uyo mukaintu, ¹⁴ a kumu tamukizhya twaambo utwa micito wuuhya insoni alimwi akubika izhyina libyaabyi alinguwe uyo mukaintu, kwaamba, 'Mebo ndakabweza mukaintu uyu, pele ciindi nindaka muswena ahwaahwi, kunyina nindakayana citondezhyo ca bunakalindu muli nguwe.' ¹⁵ Nkokuti bawihyi alimwi aba banyina muhyimbi beelele kubweza icakutozhya bunakalindu bwakwe ku bakando kumulyango wa munzhyi. ¹⁶ Bawihyi muhyimbi beelele kwaambila bakando kuti, Mebo ndakapa mwanaangu muhyimbi ku mulombwana uyu kuba mukaintu wakwe, alimwi walo ula mucimwa. ¹⁷ Amubone, uyu mulombwana watamikizhya mukaintu zhyintu zhyuuhya insoni a kwaamba, ''Mebo nyina nindakayana mumwana wenu citondezhya bunakalindu bwakwe.'' Pesi nceeci citondezhya buna kalindu bwa mwanaangu.' Mpoona balakayala masani kwaa hvwungulula kumbele lya bakando bamu munzhyi. ¹⁸ Balo bakando bamu munzhyi uyo beelele kubweza mulombwana uyo aku musubula; ¹⁹ alimwi beelele kumu hyinikizhya kubbadela mulungo wa mwaanda omwi wama shekeli aa nsiliva, akupa bawihyi muhyimbi, akaambo ka kuti mulombwana wakalete lezhya impuyo imbyaabi kuli nakalindu wa Israel. Mukaintu weelele kuba mwinakwe; takukeeleli ku mulombwana kumuleka mukaintu mumazuba aakwe oonse. ²⁰ Pele kuti naa ici cintu nca mahyimpe, kwaamba kuti citondezhya bunakalindu bwakwe tocakayanika mu muhyimbi, ²¹ nkokuti beelele ku muleta ansengwe uyo muhyimbi ku mulyango wa ng'anda yawihyi, alimwi bamalombwana bamu munzhyi wakwe muhyimbi beelele kumuhwusa mabwe kumuuma mane kuluhwu, nkaambo wacita cintu icisampuzhya mu Israel, kucita mucito mbuli muhvwuule mung'anda ya wihyi; alimwi mwebo buya mulaka kwihya bubyaabi kuhvwa akati kenu. ²² Naa kuti mulombwana wayanika ulilele a mukaintu uutwelwe ku mulombwana uumbi, nko kwaamba boonse bobile beelele kuyayiwa, mulombwana wakalele aa muka muntu alimwi a mukaintu ulwakwe; alimwi buya mwebo mulaka kwihya bubyaabi kuhvwa mu Israel. ²³ Naa kuti kuli muhyimbi nakalindu uutazhyi mulombwana, uutangilwe kale ku mulombwana, alimwi uumbi mulombwana wa muyana mu munzhyi a kulala anguwe, ²⁴ kamu babweza boonse bobile ku mulyango wa munzhyi, akubauma kubawaala mabwe icaku bayaya. Mweelele kumu waala mabwe muhyimbi, nkaambo taakalila cakupozhya, nokuba kuti wakali mu munzhyi. Mweelele kumuuma mabwe mulombwana, nkaambo wabihyila mukaintu wahyi munzhyinyina; alimwi mwebo buya mulaka kwihya bubyaabi akati kenu. ²⁵ Pesi kuti mulombwana wamuyana mu muunda muhyimbi uutangilwe kale, a ku mwaazanganya wamukwata a kulala anguwe muhyimbi, nkokuti mulombwana walike uwalala aanguwe muhyimbi nguuyelele kuhwa. ²⁶ Pele kwalo ku muhyimbi mwebo mutaciti cintu; kunyina cinyo nyoono ceelele luhwu mu muhyimbi. Mukaambo aaka cili mbuli muntu walwana hyi munzhyi nyina a ku muyaya. ²⁷ Akaambo ka kuti muhyimbi waka muyana mu muunda; muhyimbi uyu uutangilwe wakoongolola kulila, pele kunyina wakakonzhya ku muhvwuna. ²⁸ Naa kuti mulombwana wayana muhyimbi nakalindu uutazhyi mulombwana pele kata tangilwe, alimwi kuti naa wamwaazanganya kumukwata a kulala anguwe, alimwi kuti babonwa, ²⁹ nkokuti mulombwana wakalala aa muhyimbi weelele kupa ma shekeli aa nsiliva aali makumi osanwe kuli bawihyi muhyimbi, alimwi muhyimbi weelele kuba mwinakwe, nkaambo wakabihizhya muhyimbi. Tacikeeleli kumutanda kuhvwa muhyimbi mu mazuba aakwe oonse mulombwana. ³⁰ Mulombwana tayelele kubweza muka wihyi kuti abe mwinakwe; tayelele kunyanga wihyi insana izhya lutwalo lwakwe.