¹ Tamweelele kutuulila Mwami Leza wenu musune noiba imbelele ikwete kampenda nokuba cintu cimwi cibyaabi, nkaambo ico inga caba cisesemyo ku Mwami Leza Leza wenu. ² Kuti naa kwayanwa akati kenu, mukati kamanjililo amakkalilo aa munzhyi nouba omwi walo Mwami Leza Leza wenu njamupa mwebo, ³ kuhwumbwa mulombwana naba mukaintu uucita cibyaabi kubuhyu bwa Mwami Leza Leza wenu alimwi akusotoka cihvwuminano cakwe, kuhwumbwa yooyo wakaunka akupaila ba leza bambi alimwi akubakomba, nokuba kukomba izuba, nouba myezhyi, nokuba cimwi ica makamu aamwizeulu mbuli ntoongwezhyi - kakunyina ncindakamulailila mebo - ⁴ alimwi naa muntu wakamwaambila kuti cakakombwa, antela mwebo mbumwakateelela kuti wakakomba, nkokuti mweelele kukapaula mahyimpe eeni. Kuti kaali mahyimpe eeni alimwi kuti cisesemyo ici cakacitika mu Israel, mboobu mbomweelele kucita. ⁵ Mweelele kumuleta uyo mulombwana naa mukaintu, wacita cibyaabi ici, kumilyango ya munzhyi wenu, uyo nguwena mulombwana naa mukaintu,akumuhwusa mabwe kuhikila ahwe. ⁶ Kumilomo yabakamboni bobile, nobaba bakamboni botatwe, uyo muntu uuyelele kuhwa nakonzhya kuyayiwa; pesi kuti nkukumulomo wakamboni omwi buyo tayelele kuyayiwa pe. ⁷ Matanhyi aabakamboni ngayelele kutaanguna kuhwusa mabwe akumuyaya, kwamana munhyi nokwaba matanhyi aabantu boonse; alimwi obuya mulakakwihya cibyaabi kuhvwa akati kenu. ⁸ Kuti naa kwabuka kaambo akamuyumina mwebo kukabeteka - ambweni mubuzhyo wa twaambo twakutila bulowa nouba uuli buti, na tumwi twamuhyobo wakaambo kakulwanina lubono nokaba kalibuti, antela makani aakutululana iyinguma kwamuhyobo nouba buti - twaambo twakukazhyanya mumilyango ya minzhyi yenu - nkokuti amukatutole kubusena uko Mwami Leza Leza wenu mbwaakasala. ⁹ Mweelele kuunka kubapaizhyi, abalunyungu lwaka Levi, alimwi akumubetehyi uuli kubeleka aciindi ico; mulakalomba lugwahyo kulimbabo, alimwi balakamupa bukosozhyi bwa mulandu bweelele.. ¹⁰ Mpoona mweelele kucita umbona mbobamulailila kuti mucite, uko kubusena Mwami Leza mbwayakusala. Amukacenjele kuti mukatobelezhye kucita zhyoonse nzhyobamuyiihya. ¹¹ Amukautobele mulawo ngobamuyiihya, alimwi amukacite umbona ubweendelana akuyeeya nkobamupa. Mutabi nomuleya kuli nco bamwaambila, nokuba kululyo nokuba kulumwenhyi ¹² Kuhwumbwa muntu uucita lunyanhyo, tateeleli icaamba mupaizhyi wiima kubeleka kumbele ilya Mwami Leza Leza wenu nokuba caamba mubetehyi - uyo muntu ulahwa; mwebo mulakakwihya kumaninina cibyaabi kuhvwa mu Israel. ¹³ Bantu boonse beelele kuteelela a kuyoowa, alimwi akutanyanhya limbi pe. ¹⁴ Mwahyika buyo kunyika iyo yalo Mwami Leza Leza wenu njamupa, alimwi mwamana kukona akwiihvwuba alimwi mwakanka akupona mulinjiyo, alimwi mwamana mwaamba, 'Ndalibikila mwami wangu ndimwini uutindele, umbona mbulizhyihyi zhyoonse zhyituzhyingulukile mbozhyikwete bami,' ¹⁵ mpoona aawo inga mwasala mweendelezhye pele mweelele kubona mahimpe kuti mwami ngomwasala ulwenu nobeni ngonguwe Mwami Leza Leza wenu ngwaasala. Mweelele kubika mwami wenu uusalwa kuhvwa akati kabanyoko. Mutabi nomubika muhvwa mahyi wakule, uutali munyoko, kuti a mweendelezhye mwebo. ¹⁶ Pele uyo muntu teelele kuli hvwuzhyila imbizhyi mwini, nokuba kupa kuti bantu bakapiluke ku Egypt kutewa azhyazhye imbizhyi zhyinjizhyinji, nkaambo Mwami Leza wakali kwaambile kuli ndimwe, 'Tamukapiluki limbi munzhyila iyo alimwi peepe.' ¹⁷ Uyo muntu atabi natwala bamakaintu banji banji bakwe, kutewa moyo wakwe utakatolwi kumbi. Teelele kulilundaikila mali manji manji aa nsiliva a ngolide. ¹⁸ Lilya naabikwa akukkala acuuno ca bwami bwakwe, weelele kulilembela ulwakwe mwibbuku ilipetwa makani aa mulawo uyu nguwena, kuhvwa ku mulawo uuli kumbele lya bapaizhyi, abali mba Levite. ¹⁹ Ibbuku lipetwa ili lilembelwe mulawo lyeelele kuba limwi anguwe, alimwi alibale lyoonse mubuumi bwakwe boonse, kutewa akacikonzhye kwiiya kulemeka Mwami Leza Leza wakwe, mu kukonzhya kubamba mazwi oonse aali mu mulawo uyu alimwi amu malailile aambeta izhyi, kuti azhyibambe. ²⁰ Akucite uku kutewa moyo wakwe utalisumpuli atala lya babunyina basankwa, alimwi kutewa atabi naleya kuhvwa ku milawo, kuleya kululyo nakuba kulumwenhyi, wamana uloongola mukupona kwakwe kwa mubulelo bwakwe, walo ulwakwe alimwi alunyungu lwakwe akati kabana Israel.