¹ Mwebo muli bantu ba Mwami Leza Leza wenu. Mutali kulinengauli ulwenu, nokuba kukwihya masusu amwi akubuhyu bwenu a kaambo ka bahwu. ² Nkaambo mwebo muli cihyi icibikilwe amabali ku Mwami Leza Leza wenu, alimwi Mwami Leza wamusala mwebo kuti mube bantu aba kuli hvwubila ulwakwe muka mwini, kwiinda bantu boonse abali atala ilya nyika. ³ Mwebo tamweelele kulya kuhwumbwa cintu icitondwa. ⁴ Aba mba banyama mbo mukonzhya kulya mwebo: musune, imbelele, alimwi aimpongo, ⁵ nakanhya, kakonze, lubondwe, nanja, injelele, a lweengu, alimwi a munyumbwe. ⁶ Mulakonzya kulya kuhwumbwa banyama abakwete inhwumba zhyaa ndeene, nko kwaamba kuti, bakwete inhwumba iandaana kobile, alimwi bala tanhwuna nchaa selula. ⁷ Pesi nokuba boobo, mwebo tamweelele kulya bamwi banyama iba tanhwuna nchaa selula nokuba abakwete inhwumba zhyaa ndeene kobile: mbuli inkamela, kasulwe, alimwi a cibila; nkaambo aaba bala tanhwuna ncaa selula pele tabakwete inhwumba nzhyaa ndeene, tabasalali kuli ndimwe pe. ⁸ Ingulube taisalali kuli ndimwe ayalo nkaambo ikwete inhwumba zhyaa ndeene pele taitahwuni ncoya selula; tasalali kuli ndimwe pe. Mutabulyi buyani ubwa ba bbekeni pe, alimwi mutakwati amitunta yabo. ⁹ Kuzhyintu izhyi izhyili mumeenzhyi mwebo inga mwalya: kuhwumbwa icikwete tuyaambyo alimwi a makwa; ¹⁰ pele kuhwumbwa izhyinyina tuyaambyo alimwi amakwa mwebo tamweelele kulya pe; tazhyisalali kuli ndimwe. ¹¹ Boonse bayuni abasalala mwebo inga mwa lya. ¹² Pele aaba mbabayuni balo mbomuteelele kulya: hikwaze, hyikube, cungwe, ¹³ hyatoongo, a bimbe, amihyobo yoonse yaba lubanze. ¹⁴ Tamweelele kulya kuhwumbwa muhyobo waba cikwaangala, ¹⁵ a impowani, alimwi a hyikolyo, hyilukobo, amuhyobo kumbwa wa bahikakonze, ¹⁶ tumba, cibeengelele, nhyiyaswi muumba, ¹⁷ kakukubwi, hyihwundwe, hyimuhika. ¹⁸ Tamweelele kulya inkulekule, amihyobo ya matoongola yoonse, ing'anga yabayuni, alimwi a kaseseko. ¹⁹ Boonse bauka bakwete mababa, bauluka cibunga tabasalali kulya kuli ndimwe; tabeelele kuliwa pe. ²⁰ Mwebo mulakonzhya kulya zhyintu zhyoonse zhyuuluka izhyi salala. ²¹ Tamweelele kulya kuhwumbwa ica cintu icilihwila cini; inga mwacipa buyo muhvwa kule uyo uuli mu milyango iyenu, kutewa walo acilye buyo; nokuba ku cisambala icalihwila kumuhvwa kule. Nkaambo mwebo muli cihyi icibikilwe amabali ku Mwami Leza Leza wenu. Mutabi nomwiika mwana ampongo mu mukupa uwaka banyina. ²² Mahyimpe muleelele kupilula kwa kumi ukwa butebuzhyi boonse ubwa nseke zhyenu, izhyo nzhyo mukwihya mu muunda mwaka a mwaka. ²³ Muleelele kulya kumbele lya Mwami Leza Leza wenu, kubusena ubo mbwayakusala mwini kuti abike cikkalilo ica zhyina ilya kwe, ica kumi canseke yenu, ica waini mupya, alimwi aica mahwuta eenu, alimwi abana bakusomona aba butanga bwa ng'ombe zhyenu alimwi abutanga bwa mbelele zhyenu, kutewa mwebo mwiiye lyoonse mbwalemekwa Mwami Leza Leza wenu. ²⁴ Naa kuti muhyinzo mulanhwu boobo cakuti webo tokonzhya kucibweza icakumi cako, a kaambo kakuti ku busena uko Mwami Leza Leza wako nkwayakusala kuhyimpa izhyina lyakwe nkulaale a nkohvwa webo, nkokuti, lilya Mwami Leza Leza mwini wakuleleka webo, ²⁵ ulaka cisambala kutewa abe mali, wamana waanga mali aako mwitanhyi ilyako, a kuya kubusena ubo Mwami Leza Leza wako nkwaya kusala. ²⁶ Kulya webo wahyika ulakaula ico ncoyanda: naa ning'ombe, imbelele, waini naa cakunywa cikola, nokuba kuhwumbwa ncoyanda. Wamana ulakalya okuya kumbele ilya Mwami Leza Leza wako a kukondwa, webo alimwi aba ng'anda yako. ²⁷ Uyo mu Levite walo uuli mu milyango iyako webo - utamusowaili pe, nkaambo unyina cibeela antela lukono andimwe. ²⁸ Kumamanino kuhwumbwa kwainda myaka yotatwe mulakaleta izhya kumi zhyoonse izhya butebuzhyi mumwaka omwi nguwena, alimwi mulaka ciyobola mumilyango yenu; ²⁹ alimwi mu Levite, akaambo kakuti unyina cibeela antela lukono andimwe, alimwi a muhvwa kule, alimwi abanyina bama wihyi, alimwi abamuka muhwu abo abahite mumilyango iyenu, balakaboola a kulya alimwi baka kkute. Amucita buya kutewa Mwami Leza Leza wenu a kamu leleke mwebo mu milimo yoonse iya itanhyi ilyako njocita webo.