¹ Kuti naa kwabuka akati kenu munhyinhyimi naa hyikuloto maloto, alimwi naa kuti wamupa mwebo citondezhyo naa cigambyo, ² alimwi nakuti ico citondezhyo naa cigambyo cacitika umbona, mbuli mbwaka cikanana kuli ndimwe a kwaamba kuti, 'A tweende tutobele ba leza bambi, abo ba leza mbomwa takazhyiba, alimwi atubakombe balo,' ³ mwebo muta ateeleli mazwi aa munhyinhyimi uyo, naba aa hyikulota maloto uyo; nkaambo Mwami Leza Leza wenu umusunka kuti walo azhyibe kuti mahimpe hena mula muyanda Mwami Leza Leza wenu ca moyo wenu woonse alimwi a muuya wenu woonse. ⁴ Mwebo a mukeende kutobela Mwami Leza Leza wenu, a mumulemeke, kamubamba milawo yakwe, alimwi kamuteelela izwi lyakwe, alimwi mulaka mukomba walo a kuhyiminina kuli nguwe. ⁵ Uyo munhyinhyimi naba hikulota maloto uyo uya kuyayiwa, nkaambo kakuti wakanana izhya buzangi kulwana Mwami Leza Leza wenu, walo wakamuleta mwebo kuhvwa mu nyika iya Egypt, alimwi waka munununa kuhvwa mung'anda iya buzhyike. Uyo munhyinhyimi uyanda ku mukwela mwebo kuti muhvwe munzhyila iyo mwalo Mwami Leza Leza wenu njakamulailila kuti mweende. Aboobo amucikwihye icakumaninina cibyaabi kuhvwa akati kenu mwebo. ⁶ Nokuba kuti atwaambe munyoka musankwa, mwana musankwa uwa ba banyoko, naba mwana wako musankwa, naa mwana ako muhyimbi, naba mukaintu uwa mwihvwa lyako, naa mweenzhyi nyoko uuli mbuli buumi bwako kuli ndiwe, wakucengelela kucibali webo aku kwaambila kuti, 'Atweende swebo aku komba ba leza bambi abo mboota kazhyiba, noba ndiwe nokuba bahyinhyiku benu - ⁷ kuhwumbwa umwi watu leza utwa bantu abo abamu zhyingulukile mwebo, kuhwaahwi andimwe nokuba kule kule andimwe, kuhvwa ku lubahvwu lomwi kuhyiimpila inyika kuhyiikila kulubahvwu lumbi kuhyiimpila inyika.' ⁸ Tamweele kumu hvwumunina uyo nokuba kuteelela kuli nguwe, alimwi utabi nolekela liso lyako ku muhwila luse, alimwi toyelelele ku muyobola nokuba kumuhyisa bubyaabi. ⁹ Anukuti, webo mu mahyimpe komuyaya uyo; itanhyi ilyako lilaba ndeli taanguna alinguwe kukanka kumuyaya, mpoona kutobele itanhyi ilya bantu boonse. ¹⁰ Mumuhwuse mabwe mane kuluhwu kuuma a mabwe, nkaambo walo walikusola kukukwihya webo kuhvwa ku Mwami Leza Leza wako, uwaka muleta mwebo kuhvwa munyika iya Egypt, kumukwihya momulya mung'anda yabuzhyike. ¹¹ Boonse ba Israel balakateelela alimwi akuyoowa, alimwi takazumanani kucita bubyaabi ubuli boobu akati kenu. ¹² Naakuti wanhvwa umwi muntu kabandika kukwatikizhya minzhyi iyenu, iyo Mwami Leza Leza wenu njamupa mwebo kuti muponene mumo: ¹³ Kwatewa bamwi bantu babyaabi bahvwa akati kenu aku kwelelezhya bahyimunzhyi wabo uyo alimwi akubaambila kuti, 'Atweende swebo tuhvwe a kuya kukomba tu leza tumbi uto nto mwitekazhyi.' ¹⁴ Nko kwaamba mwebo mulaka bulanga langa bumboni, mwakapaula, alimwi aku nhvwuntauzhya ubweelele. Ilyo no mwayana kuti nka mahyimpe a kuhyoma kuti ico cintu icitondwa icili boobu cakacitwa akati kenu mwebo, nkokuti mukabweze ntaamu yakucita. ¹⁵ Mwebo mu mahyimpe mukabalwane bahyimunzhyi ba munzhyi uyo kubelehya icheba, kuunyonyoona cakumaninina alimwi a bantu boonse abali mumo, kubikilizhya kuyaya a zhyihwiiwa zhyakwe, kubelehya icheba. ¹⁶ Mwebo mulaka bunjika lubono kuhvwa mumo kubika akakati aanzhyila yabo alimwi akuutenta munzhyi, kubikilizhya a lubono loonse, cibe cituuzhyo cakutenta ku Mwami Leza Leza wenu. Munzhyi ulakaba cilwi ca kunyonyooka kukabe kutamani; taweelele kuya kuyakwa alimwi. ¹⁷ Kunyina nociba comwi icazhyintu izhyo izhyakabikwa amabali kuti nzhya kunyonyoona iceelele kukwatilila mwitanhyi lyako. Ici acikabe umbona ubu, kutewa kuti Mwami Leza akanyone kuhvwa ku kutenta ukwa bukali bwakwe, aka mutondezhye luse, a kuba aalweetelelo ali ndimwe, alimwi akumucita kuti muhvwule mu myeelwe, umbona mbuli mbwaka hyomezhya kuli bamauso. ¹⁸ Walo ulakacita ubu a kaambo ka kuti mulateelela kwizwi ilya Mwami Leza Leza wenu, icakubamba milawo yakwe yoonse iyi nji mulailila mwebo sunu, kuti mucite ceeco iciluleme mumeso aa Mwami Leza Leza wenu.