¹ हे प्रभू तू पीढ़ी से पीढ़ी तक हमरे बदे धाम बनल हयअ। ² ऐसे पहिले की पहाड़ उत्पन्न भयल, या तु धरती आऊर जगत क रचना कइलअ, वरन् अनादिकाल से अनन्तकाल तक तोंही परमेश्वर हयअ। ³ तू मनुष्य के लऊटा के मट्टी में ले जालअ, आऊर कहअलअ, हे आदमियन लऊट आवा! ⁴ काहे कि हजार साल तोहरे नजर में अईसन हव, जईसन कल क दिन जवन बीत गयल, या जईसे रात क एक पहर। ⁵ तु मनुष्यन के धारा में बहा देलअ; उ सब सपना से ठहरअलन, ऊ सब भोर के बढ़अवाली घास के तरे होलअन। ⁶ उ भोर के फुलअला आऊर बढ़अला आऊर सांझ तक कट के मूरझा जाला। ⁷ काहे कि हमने तोरे कोध्र से भस्म भयल हई; आऊर तोहरे जलजलाहट से घबरा गयल हई। ⁸ तू हमने के अधर्म के कामन के अपने सामने, आऊर हमने के छिपल पापन के अपने मोहे के ज्योति में रखले हय। ⁹ काहे कि हमने क कुल दिन तोहरे क्रोध में बीत जाला, हमने आपन साल शब्द के तरे बिताईला ¹⁰ हमने के उमर क साल सत्तर त होला, आऊर चाहे बल के कारण अस्सी साल भी हो जाए, तऊने पे भी ओकर घमंड खाली शोक ही शोक हव; काहे कि उ जल्दी कट जाला, आऊर हमने जात रहिला। ¹¹ तोहरे क्रोध क शक्ति के आऊर तोहरे भय के योग्य तोहरे रोष के के समझअला? ¹² हमने के आपन दिन गिनअ क समझ द की हमने बुद्धिमान हो जाई। ¹³ हे यहोवा, लऊट आवा! कब ले? आऊर अपने दासन पे तरस खा! ¹⁴ भोर के हमने के अपने करुणा से तृप्त करा, की हमने जीवन भर जयजयकार आऊर आनन्द करत रही। ¹⁵ जेतना दिन तू हमने के दुःख देत अइलअ, आऊर जेतना साल हमने कलेश भोगत आल हयी ओतना ही साल हमने के आनन्द द। ¹⁶ तोर काम तोरे दासन के, आऊर तोहार प्रताप ओनकरे सन्तानन पे प्रगट होवअ। ¹⁷ हमने के परमेश्वर यहोवा क मनोहरता हमने पे प्रगट होवअ, तु हमने के हाथे क काम हमने बदे दृढ़ करा, हमने के हाथन के कामन के दृढ़ करा।