¹ हम यहोवा क सब करुणा के विषय हमेशा गावत रहब हम तोहार सच्चाई पीढ़ी से पीढ़ी तक बतावत रहब ² काहे कि हम कहली, तोहार करूणा सदा बनल रही तू स्वर्ग में आपन सच्चाई के स्थिर रखबअ। ³ तू कहलअ, हम अपने चुनल हुए से वाचा बंधले हई, हम अपने दास दाऊद से शपथ खइले हई ⁴ हम तोहरे वंश के सदा स्थिर रखब; आऊर तोहरे राजगद्दी के पीढ़ी से पीढ़ी तक बनाए रखब। ⁵ हे यहोवा, स्वर्ग में तोर अद्भुत काम क, आऊर पवित्र की सभा में तोहरे सच्चाई क प्रशंसा होइ। ⁶ काहे की आकाश मंडल में यहोवा के तुल्य के ठहरी? बलवन्तन के लईकन में से के हव जेकरे साथ यहोवा क उपमा देवल जाई? ⁷ परमेश्वर पवित्र लोगन के गोष्ठी में अत्यन्त प्रतिष्ठा के योग्य, आऊर अपने चारों तरफ रहअ वाले से अधिक भय योग्य हव ⁸ हे सेनाओ क परमेश्वर यहोवा, हे यहोवा तोहरे तुल्य के सामर्थी हव तोहार सच्चाई त तोहरे चारों तरफ है! ⁹ समुन्दर के गर्व के तू ही तोड़अल जब ओकर तरंग उठअला तब तू ओके शांत कर देलअ ¹⁰ तू रहब के घात कइले के तरह कुचल डललअ आऊर अपने दुश्मनन के अपने बाहुबल से तीतर बीतर कइले हयअ। ¹¹ आकाश तोहार हव धरती भी तोहार हव जगत आऊर जवन कुछ ओम्मे हव ऊ सब के तू ही स्थिर कईले हयअ। ¹² उत्तर आऊर दक्खिन के तोंही बनइलअ; ताबोर आऊर हेर्नोन तोहरे नाम क जयजयकार करअलन। ¹³ तोहार भुजा बलवन्त हव; तोहार हाथ शक्तिमान आऊर तोहार दहिना हाथ प्रबल हव ¹⁴ तोहरे सिंहासन क मूल, धरम अऊर न्याय हव; करुणा आऊर सच्चाई तोहरे आगे-आगे चलअला। ¹⁵ का ही धन्य हव ऊ समाज जवन आनन्द के ललकार के पहिचानअला; हे यहोवा, ऊ लोग तोहरे मुख के प्रकाश में चलअलन, ¹⁶ ऊ तोरे नाम के हेतू दिन भर मगन रहअलन, आऊर तोहरे धरम के कारण महान हो जालन। ¹⁷ काहेकि तू ओनके बल क शोभा हयअ, आऊर अपने प्रसन्नता से हमने के सींग के ऊँचा करबअ। ¹⁸ काहे कि हमने क ढाल यहोवा के तरफ से हव, हमने क राजा इस्त्राएल के पवित्र के तरफ से हव। ¹⁹ एक समय तू अपने भक्त के दर्शन देके बात कइलअ, आऊर कहलअ, हम सहायता करअ क भार एक वीर पे रखले हई, आऊर प्रजा मे से एक के चुनके बढ़इले हई। ²⁰ हम अपने दास दाऊद के लेके, अपने पवित्र तेल से ओनकर अभिषेक कईले हई। ²¹ हमार हाथ ओनकरे साथ बनल रही, आऊर हमार क भुजा ओनके मजबूत रखी। ²² दुश्मन ओनके परेशान करअ न पईहन, आऊर न कुटिल लोग ओके दुख देवअ पईहन। ²³ हम ओनकरे दुश्मनन के ओनकरे सामने से नाश करब, आऊर ओनकरे बैरियन पे विपत्ति डालब। ²⁴ लेकिन हमार सच्चाई आऊर करुणा ओनकरे पे बनल रही, आऊर हमरे नाम के द्वारा ओकर सींग ऊंचा हो जाई। ²⁵ हम समुन्दर के ओनकरे हाथ के नीचे आऊर महानद के ओनकरे दहिना हाथ के निचे कर देब। ²⁶ ऊ हमके पुकारके कईहन, तू हमार पिता हयअ, हमार परमेश्वर आऊर हमार उद्धार क चट्टान हयअ। ²⁷ फिर हम ओनके आपन पहिलौठा, आऊर पृथ्वी के राजा लोग पर प्रधान ठहराइब। ²⁸ हम आपन करुणा ओनकरे पे सदा बनाए रखब, आऊर हमार वाचा ओनकरे बदे अटल रही। ²⁹ हम ओनकरे वंश के हमेशा बनइले रखब, ओनकर राजगद्दी स्वर्ग के तरह हमेशा बनल रही। ³⁰ अगर ओनकरे वंश क लोग हमरे व्यवस्था के छोड़ीहन आऊर हमरे नियम के अनुसार न चलीहन, ³¹ अगर ऊ हमरे विधियन क उल्लंघन करीहन, आऊर हमरे आज्ञा के न मनिहन, ³² तब हम ओनके अपराध क दण्ड सोंटा से आऊर ओनके अधर्म क दण्ड कोड़ा से देब। ³³ लेकिन हम आपन करुणा ऊ सब पे से न हटाइब, आऊर न सच्चाई त्यागके झूठा ठहरबला। ³⁴ हम आपन वाचा न तोड़ब, आऊर जवन हमरे मुंह से निकल चुकल हव ओके न बदलबला। ³⁵ एक बार हम अपने पवित्रता क शपथ खा चुकल हई; हम दाऊद के कभो धोखा न देब। ³⁶ ओनकर वंश हमेशा रही, आउर ओनकर राजगद्दी सूरज के तरह हमरे सम्मुख ठहरल रही। ³⁷ ऊ चाँद के तरह, आऊर आकाशमण्डल के विश्वासयोग्य साक्षी के तरह हमेशा बनल रही। ³⁸ तब भी तू अपने अभिषिक्त के छोड़लअ आऊर ओनके तज देहलअ, आऊर ओनकरे पे अति क्रोध कइले हयअ। ³⁹ तू अपने दास के साथ क वाचा के त्याग देहलअ आउर ओनकरे मुकुट के जमीन प गिराके अशुद्ध कइले हयअ। ⁴⁰ तू ओकरे सब बाड़ा के तोड़ डलले हयअ, आऊर ओकरे गढ़न के उजाड़ देले हयअ। ⁴¹ सब बटोही ओनके लूट लेवअलन, आऊर ओनकरे पाडोसियन मे ओनकर नामधराई होला। ⁴² तू ओनकरे विरोधियन के प्रबल कइला; आऊर ओकरे सब दुश्मनन के आनन्दित कइले हयअ। ⁴³ फिर तू ओनकरे तलवार के धार के मोड़ देलअ, आऊर युद्ध में ओनकर पाँव जमअ नाही देलअ। ⁴⁴ तू ओनकर तेज हर लेले हयअ, आऊर ओनकरे सिंहासन के जमीन पर पटक देले हया। ⁴⁵ तू ओनके जवानी के घटइलअ, आऊर ओनके लज्जा से ढाँप देले हयअ। ⁴⁶ हे यहोवा, तू कब तक लगातार मुह मोड़ले रहब तोहार जलजलाहट कब तक आग के तरह भड़कल रही। ⁴⁷ हमार स्मरण करा कि हम कइसन अनित्य हई, तू सब इन्सानन के काहे व्यर्थ सिरजले हयअ? ⁴⁸ कवन आदमी हमेशा अमर रही? का केहु अपने जान के अधोलोक से बचा सकअला? ⁴⁹ हे प्रभु, तोहार प्राचीनकाल क करुणा कहाँ हव, जेकरे विषय मे तू अपने सच्चाई क शपथ दाऊद से खइले रहलअ? ⁵⁰ हे प्रभु, अपने दासन के नामधराई क सुधि लअ; हम त सब सामर्थी जातियन क बोझ लेले रहीला। ⁵¹ तोहरे ऊ दुश्मनन ने त हे यहोवा, तोहरे अभिषिक्त के पीछे पड़के ओनकर नामधराई कइले हयन। ⁵² यहोवा हमेशा धन्य रईहन! आमीन फिर आमीन।