¹ हे हमार उद्धारकर्ता परमेश्वर यहोवा , हम दिन के आऊर रात के तोहरे आगे चिल्लात आयल हयी। ² हमार प्रार्थना तोहरे तक पहुंचअ , हमरे चिल्लाये के ओरी कान लगावा ! ³ काहे की हमार प्राण क्लेश भरल हव, आऊर हमार प्राण अधोलोक के लग्गे पहुँचल हव । ⁴ हम कबर मे पड़अवाले मे गीनल गयल हयी ; हम बलहीन आदमी के तरे हो गयल हयी । ⁵ हम मूर्दा के बीच छोड़ल गयल हयी, आऊर जवन घात होके कबर मे पड़ल हयन, जेके तु फेर स्मरण नाही करतअ आऊर ऊ तोरे सहायता रहीत हयन, ऊ सब के तरे हम हो गयल हयी । ⁶ तु हम के गड़हा के तल ही में, अन्धेरा आऊर गहीरा जगह मे रखले हयअ। ⁷ तोहार जलजलाहट हमरे उपर बनल हुअल हव , आऊर तु अपने सब तरंगन से हमके दुःख देहले हयअ। ⁸ तु हमरे पहचान वाले के हमसे दुर कइले हयअ; आऊर हमके ओनके नजर मे घिनौना कइले हयअ। हम बन्दी हयी आऊर निकल नाही सकीत; ⁹ दुःख भोगत-भोगत हमार अँखियन धुन्धला गइलिन । हे यहोवा, हम लगातार तोहके पुकारत आऊर आपन हाथ तोहरे ओरी फइलावत आयल हयी । ¹⁰ का तु मुर्दा के खातिर अद्भूत काम करबअ? का हमार लोग उठके तोहार धन्यवाद करीहन? ¹¹ का कबर मे तोहरे करुणा क , आऊर विनाश के दशा मे तोहार सच्चाइ क वर्णन करल जाई? ¹² का तोहार अद्भूत काम अन्धकार मे, या तोहार धरम विश्वासघात के दशा मे जानल जाइ? ¹³ परन्तु हे यहोवा, हम तोहार दोहाई देहले हयी; आऊर भोर के हमार प्रार्थना तोहरे तक पहुँची। ¹⁴ हे यहोवा, तु हमके काहे छोड़अलअ? तु आपन मुँह हमसे काहे छिपावत रहअलअ? ¹⁵ हम बचपनअ से दुःखी वरन् अधमुआ हयी, तोहसे भय खात हम अति व्याकुल हो गयल हयी। ¹⁶ तोहार गुस्सा हमरे पर पड़ल हव; ओ भय से हम मिट गयल हयी। ¹⁷ ओन दिन भर पानी के तरे हमके घेरले रहअलन ; ओन हमरे चारो ओर दिखाई देलन। ¹⁸ तु दोस्त आऊर भाईबन्दु दुनो के हमसे दुर कइले हयअ; आऊर हमरे जान-पहिचान वालन के अन्धकार मे डाल देले हयअ।