¹ जे परम प्रधान के छायल स्थान में बईठल रही, ऊ सर्वशक्तिमान के छाया में ठिकाना पाई। ² हम यहोवा के विषय में कहबला, ओन हमार शरणस्थान अऊर गढ़ हयन; ओन हमार परमेश्वर हयन जेकरे पे हम भरोसा रखीला। ³ ओन तोहके बहेलिया के जाल से, अऊर महामारी से बचईहन; ⁴ ओन तोहके अपने पंखन के आड़ में ले लेईहन, अऊर तू ओनके पैर के नीचे शरण पईबा; ओनकर सच्चाई तोहरे बदे ढाल अऊर झिलम ठहरी। ⁵ तू न रात के भय से डरबा, अऊर न ऊ तीर से जवन दिन के उड़अला, ⁶ न ऊ मरी से जवन अंधेरा में फईलअला, अऊर न ऊ महारोग से जवन दिन दुपहरिया में उजाड़अला। ⁷ तोहरे निकट हजार, अऊर तोहरे दहिने ओरी दस हजार गिरिहन, लेकिन ऊ तोहरे लग्गे न आ पईहन। ⁸ लेकिन तू अपने आँखन से नजर करबअ अऊर दुष्टन के अंत के देखबअ। ⁹ हे यहोवा, तू हमार शरणस्थान ठहरल हया। तू जे परमप्रधान के आपन धाम मान लेले हयअ। ¹⁰ ए हीसे कऊनो विपत्ति तोहरे पे न पड़ी, न कऊनो दुःख तोहरे डेरा के लग्गे आई। ¹¹ काहे कि ओन अपने दूतन के तोहरे निमित्त आज्ञा देईहन, कि जहां कहीं तू जा ऊ तोहार रक्षा करंअ। ¹² ऊ तोहके हाथों हाथ उठा लेईहन, अईसन न होवअ कि तोहरे पाँव में पत्थर से ठेस लगअ। ¹³ तू सिंह अऊर नाग के कुचलबा, तू जवान सिंह अऊर अजगर के लतड़बअ। ¹⁴ ऊ जे हमसे प्रेम कईले हव, ए हीसे हम ओके छोड़ाईबला; हम ओके ऊँचा जगह पे रखबला, काहे कि ऊ हमरे नाम के जान लेले हव। ¹⁵ जब ऊ हमके पुकारी, तब हम ओकर सुनबला; संकट में हम ओकरे साथे रहबला, हम ओके बचा के ओकर महिमा बड़हाईब ला। ¹⁶ हम ओके दीर्घायु से तृप्त करब ला अऊर आपन करल हुअल उध्दार क दर्शन देखाईब ला।