¹ हे यहोवा गुस्सा में आके हमके झिड़क न द, अउर न जलजलाहट में आके हमार ताड़ना करा! ² काहे कि तोहार तीर हमके लगल हव, अउर हम तोहरे हाथ के नीचे दबल हई। ³ तोहरे क्रोध के चलते हमरे शरीर में कउनो आरोग्यता नाहीं; अउर हमरे पाप के चलते हमरे हड्डी में कउनो चैन नाहीं। ⁴ काहे कि हमरे अधर्म के कामन में हमार सिर डूब गयल, अउर उ भारी बोझा के तरे हमरे सहअ से बहरे हो गयल हव ⁵ हमरे मूर्खता के पाप के चलते हमार घाव सड़ गयल अउर ओसे बदबू आवत हव*। ⁶ हम बहुत दुःखी हई अउर झुक गयल हई; दिन भर हम शोक क पहिरावा पहिनले हुए चलत-फिरत फिरत हई । ⁷ काहे कि हमरे कमर में जलन हव, अउर हमरे शरीर मे आरोग्यता नाहीं। ⁸ हम निर्बल अउर बहुत ही चूर हो गयल हई; हम अपने मन के घबराहट से कराहत हई। ⁹ हे प्रभु हमार सब इच्छा तोहरे सम्मुख हव, अउर हमार कराहब तोहसे ना छिपल हव । ¹⁰ हमार दिल धड़कत हव, हमार बल घटत जात हव; अउर हमरे अँखियन क रोशनी भी हमरे में से जात हव । ¹¹ हमार दोस्त अउर संगी विपत्ति में अलग हो गइलन, अउर हमार कुटुम्बी भी दूरी जा के खड़ा भईलन।(भज. 31:11, लूका 23:49) ¹² हमरे जान क गाहक हमरे बदे जाल बिछावअलन, अउर हमरे नुकसान क कोशिश करअवाले दुष्टता क बात बोलअलन अउर दिन भर छल क योजना सोचअलन। ¹³ लेकिन हम बाहिरा के तरे सुनबअ ना करीला, अउर हम गूँगा के तरे मुँह ना खोलीला। ¹⁴ बल्कि हम अईसन मनुष्य के तुल्य हई जे कुछ नाहीं सुनअला, अउर जेकरे मुँह से विवाद क कउनों बात ना निकलत। ¹⁵ लेकिन हे यहोवा, हम तोंही पे आपन आशा लगईले हई; हे प्रभु हमार परमेश्वर, तोंही जवाब देबअ। ¹⁶ काहे कि हम कहली, “अइसन न होवअ कि उ सब हमरे पे आनन्द करंअ; जब हमार पाँव फिसल जाला, त हमरे पे आपन बड़ाई मारअलन।" ¹⁷ काहे कि हम त अब गिरअ ही पे हई; अउर हमार शोक लगातार हमरे सामने हव*। ¹⁸ ए बदे कि हम त अपने अधर्म के प्रकट करब, अउर अपने पाप के वजह से खेदित रहब। ¹⁹ लेकिन हमार दुश्मन अनगिनत हयन, अउर हमार बैरी बहूत हो गयल हयन। ²⁰ जवन भलाई के बदले में बुराई कअलन, उ भी हमरे भलाई के पीछे चलअ के वजह से हमार विरोध करअलन। ²¹ हे यहोवा, हमके छोड़ न द! हे हमार परमेश्वर, हमसे दूर मत होवा! ²² हे यहोवा, हे हमार उद्धारकर्ता, हमरे सहायता बदे जल्दी करा!