¹ हे यहोवा, जे हमरे संगे मुकदमा लड़अलन, ओनकरे संगे तू भी मुकद्दमा लड़ा; जे हमसे युद्ध करअला, ओनसे तू युद्ध करा। ² ढाल अउर भाला लेके हमार मदद करअ बदे खड़ा होवा। ³ बर्छी के खींचा अउर हमार पीछा करअ वालन के सामने आके ओनके रोका; अउर हमसे कहा, की हम तोहार उद्धार हई । ⁴ जे हमरे प्राण क ग्राहक हव उ लज्जित अउर निरादर होव! जे हमरे हानी क कल्पना करअला, उ पीछे हटावल जांए अउर ओनकर मुँह काला होव! ⁵ उ हवा से उड़ जाए वाले भूसी क तरे होंव, अउर यहोवा क दूत उ सब के हाँकत जाए! ⁶ उ सब क रस्ता अनिहार अउर फिसलहा होव*, अउर यहोवा क दूत उ सब के खदेड़त जाए। ⁷ काहे कि अकारण उ सब हमरे बदे आपन जाल गड्ढा में बिछईलन; अकारण ही उ सब हमार प्राण लेवअ बदे गड्ढा खोदले हयन। ⁸ अचानक उ सब पे विपत्ति आ पड़अ! अउर जवन जाल उ सब बिछअईले हयन ओम्में उ खुदअ ही फँसअ; अउर ओहि विपत्ति में उ खुदअ पड़अ ! (रोम. 11:9,10, 1 थिस्स. 5:3) ⁹ लेकिन हम यहोवा के कारण अपने मन में मगन होईब; हम ओनके करल गयल उद्धार से हर्षित होइब। ¹⁰ हमार हड्डी-हड्डी कही, “हे यहोवा, तोहरे तुल्य के हव, जे दीन के बड़ा-बड़ा ताकतवरन से बचावअला, अउर लुटेरन से दीन दरिद्र लोगन क रक्षा करअला?" ¹¹ अधर्मी गवाह खड़ा होवअलन; उ सब हमरे पे झूठा आरोप लगावअलन। ¹² उ सब हमसे भलाई के बदले में बुराई करअलन, इहाँ तक की हमार प्राण ऊब जाला। ¹³ जब उ लोग रोगी रहलअन त हम टाट पहिनले रहे*, अउर उपवास कर-करके दुख उठावत रहे; हमके हमरे प्रार्थना क जवाब नाहीं मिलल। (अय्यूब 30:25, रोम 12:15) ¹⁴ हम अईसन भावना रखत रहे की माना उ हमार संगी वा भाई हयन; जईसे केहु माई बदे विलाप करत हो, वईसहीं हम शोक क पहिरावा पहिनले सिर झुकाके शोक करे। ¹⁵ लेकिन जब हम लँगड़ाए लगे तब उ लोग खुश होके इकठ्ठा भईलन, नीच लोग अउर जेके हम जानत भी ना रहे उ हमरे विरुद्ध इकठ्ठा भईलन; उ हमके लगातार फाड़त रहअलन; ¹⁶ आदर के बिना उ सब हमके ताना मारअलन; उ हमरे पे दाँत पीसअलन। (भज 37:12) ¹⁷ हे यहोवा, तू कब तक देखत रहबअ? ए विपत्ति से,जेम्मे उ सब हमके डलले हयन हमके छुड़ावा! जवान शेरन से हमारे प्राण के बचा लअ! ¹⁸ हम बड़ा सभा में तोहार धन्यवाद करब; बहुत लोगन के बीच हम तोहार स्तुति करब। ¹⁹ हमार झूठ बोलअ वाला दुश्मन हमरे विरुद्ध खुशी मनावअ न पावअ, जे अकारण हमार बैरी हव, उ आपस मे आँखन से इशारा करअ न पांवअ। (यूह15:25,भज69:4) ²⁰ काहे कि उ लोग मेल क बात नांही बोललअलन, लेकिन देश में जे चुपचाप रहअला, ओनके विरुद्ध छल क कल्पना करअलन। ²¹ अउर उ सब हमरे विरुद्ध मुँह पसार के कहलन; "आहा, आहा, हमने अपने आँखन से देखले हई!" ²² हे यहोवा, तू त देखले हयअ; चुप मत रहा! हे प्रभु, हमसे दूर मत रहा! ²³ उठा, हमरे न्याय के बदे जागा, हे हमार परमेश्वर, हे हमार प्रभु, हमार मुकद्दमा निपटावअ बदे आवा! ²⁴ हे हमार परमेश्वर यहोवा, तू अपने धार्मिकता के अनुसार हमार न्याय चुकावा; अउर उ सब के हमरे विरुद्ध खुश होवअ मत द! ²⁵ उ सब मन में न कहअ पावअ, “आहा! हमने क त इच्छा पूरा भयल!” उ सब ई न कहअ, “हमने ओके निगल गयल हई।" ²⁶ जे हमरे नुकसान से खुश होला ओकर मुँह लाज के मारे एक संगे काला होवअ! जे हमरे विरुद्ध बड़ाई मारअलन* उ लज्जा अउर अनादर से ढँप जाएँ! ²⁷ जे हमरे धर्म से खुश रहअला, उ जयजयकार अउर आनन्द करअ, अउर लगातार करत रहअ, यहोवा क बड़ाई होवअ, जे अपने दास के कुशल से खुश होला! ²⁸ तब हमरे मुँह से तोहरे धर्म क चर्चा होई, अउर दिन भर तोहार स्तुति निकली।