¹ हे यहोवा, हमार प्रार्थना सुना; हमरे गिड़गिड़ाये पे कान लगावा। तू जे सच्चा आउर धर्मी हयअ, ए बदे हमार सुन ल, ² आउर अपने दास से मुकद्दमा मत चलावा, काहे कि कऊनों प्राणी तोहरे नजर में निर्दोष ना ठहर सकअला। (रोम3:20, 1कुरि 4:4, गला 2:16) ³ दुश्मन त हमरे जान क गाहक भयल हव; ऊ हमके चूर कईके मट्टी मे मिलईले हव, आउर हमके बहुत दिन के मरल के तरे अँधियारे में डाल देहले हयन। ⁴ हमार आत्मा अंदर से बेचैन हो रहल हव, हमार मन विकल हव। ⁵ हमके प्राचीनकाल क दिन याद आवत हव; हम तोहारे सब अद्भुत कामन पे ध्यान करत हई, आउर तोहरे हाथन के काम के सोचत हई। ⁶ हम तोहरे ओरी आपन फइलाए हुए हई; सूखा धरती के जईसन हम तोहार प्यासा हई। (सेलाह) ⁷ हे यहोवा, जल्दी से हमार सुन ल, काहे कि हमार जान निकलअ ही पे हव। हमसे आपन चेहरा मत छुपावा, अईसन न होवअ कि हम कब्र में पड़ल लोग के तरे हो जाईं। ⁸ सबेरे अपने करुणा क बात हमके सुनावा काहेकि हम तोंही पे भरोसा रखले हई। जऊने रस्ते पे हमके चलअ के हव उ हमके बता द काहे कि हम आपन मन तोहरे ही ओरी लगावत हई। ⁹ हे यहोवा, हमके दुश्मनन से बचा ल; हम तोहरे ही आड़ में आ छिपल हई। ¹⁰ हमके इ सिखावा की हम तोहरे इच्छा के कइसे पूरा करी, काहे कि तू हमार परमेश्वर हयअ। तोहार भली आत्मा हमके धर्म के रस्ते पे ले चलअ! ¹¹ हे यहोवा, हमके अपने नाम के निमित्त जिलावा! तू जे धर्मी हयअ, हमके संकट से छुड़ा ल ! ¹² आउर करुणा करके हमरे दुश्मनन क सत्यानाश करा, आउर हमरे सब सतावअ वाला के नाश कर द, काहे कि हम तोहार दास हई।