¹ हे यहोवा, हमार नाहीं, हमार नाहीं, बलुक आपन नाम‌ क महिमा आपन दया अऊर सच्चाई के निमित्त करअ ² जाति-जाति के लोग काहें कहअ पावअ, "ओनकर परमेसर कहां रहलन?" ³ हमार परमेश्‍वर त स्वर्ग में हयन, ऊ जवन चहलन उहअ कइलन. ⁴ उ लोगन क मूरत* सोना-चांदी ही क त हव, उ मनुष्यन के हाथ क बनावल हव , ⁵ ओनकर मुंह त रहला लेकिन ऊ बोल ना सकतीन, ओनकर आंख त रहला लेकिन ऊ देख ना सकतीन ⁶ ओनकर कान त रहला लेकिन ऊ सुन ना सकतीन, ओनकर नाक त रहला लेकिन ऊ सूंघ ना सकतीन ⁷ ओनकर हाथ त रहला लेकिन ऊ छू ना सकतीन, ओनकर गोड़ त रहला लेकिन ऊ चल ना सकतीन; अऊर ओनकर कंठ से कुछ भी आवाज ना निकाल सकलिन. (भज. १३५:१६-१७) ⁸ जइसन ऊ हयन ओइसहीं ओनकर बनाववाला हयन; अऊर उनपर भरोसा करअ वालन भी ओइसहीं हो जइहन ⁹ हे इस्राएल, यहोवा पे भरोसा रखा! तोहार सहायक अऊर ढाल उहअ हयन ¹⁰ हे हारून क घराना, यहोवा पे भरोसा रखा तोहार सहायक अऊर ढाल उहअ हयन ¹¹ हे यहोवा के डरवइयन, यहोवा पे भरोसा रखा! तोहार सहायक अऊर ढाल उहअ हयन ¹² यहोवा हमके याद कइलें हयन; ऊ आशीष देईहन; ऊ इस्राएल के घराना के आशीष देईहन; ऊ हारून के घराना के आशीष देईहन ¹³ का छोटा का बड़ा जेतना यहोवा क डरवइयन हयन, ऊ ओनके आशीष देईहन (भज. १२८:१) ¹⁴ यहोवा तोहके अऊर तोहरे वंश के भी ढेर बढ़ावत जईहन ¹⁵ यहोवा जवन आकाश अऊर धरती क बनाववाला हयन, ओनके ओर से तोहके आशीष मिलल हव ¹⁶ स्वर्ग त यहोवा क हव, लेकिन धरती ऊ मनुष्यन के देहले हयन ¹⁷ मुर्दा जेतना चुपचाप पड़ल हयन, ऊ त यहोवा क स्तुति नाहीं कर सकलन, ¹⁸ लेकिन हमने यहोवा के अब से लेके हमेशा तक धन्य कहत रहबला यहोवा क स्तुति करा!