¹ हे परमेश्वर, हमार हृदय स्थिर हव, हम गाईबला, हम अपने आत्मा से भी भजन गाईबला। ² हे सारंगी अऊर वीणा जागा! हम आप सबेर होत जाग उठबला! ³ हे यहोवा, हम देश-देश के लोगन के बीच में तोहार धन्यवाद करबला , अऊर राज्य-राज्य के लोगन के बीच में तोहार भजन गाईबला। ⁴ काहे की तोहार करूणा आकाश से भी ऊंचा हव, अऊर तोहार सच्चाई आकाशमण्डल तक हव ⁵ हे परमेश्वर, तू स्वर्ग के ऊपर हयअ! अऊर तोहार महिमा पूरा धरती पर हव ! ⁶ एही से कि तोहार प्रिय छुड़ावल जाएं, तू अपने दहिना हाथ से बचा लअ अऊर हमार बिनती सुन लअ! ⁷ परमेश्वर अपने पवित्रता में होके कहले हयन, "हम खुश होके शेकेम के बांट लेब, अऊर सुक्कोत के तराई के नपवाईबला। ⁸ गिलाद हमार हव, मनश्शे भी हमार हव; अऊर एप्रैम हमरे कपारे क टोप हव; यहूदा हमार राजदण्ड हव । ⁹ मोआब हमरे धोअ क बर्तन हव, हम एदोम पर आपन जूता फेंकबला, पलिश्त पे हम जयजयकार करबला ॥ ¹⁰ हमके गढ़ वाले नगर में के पहुंचाई? ऐदोम तक हमार अगुवाई के कइले हव? ¹¹ हे परमेश्वर, का तू हमके त्याग नाही देहलअ*?, अऊर हे परमेश्वर, तू हमरे सेना के आगे-आगे नाही चललअ । ¹² द्रोहीयन के विरुद्ध हमार सहायता करा, काहे कि मनुष्य क सहायता बेकार हव ! ¹³ परमेश्वर के सहायता से हम वीरता देखाईबला, हमरे द्रोहियन के ओनहीं रौदिहन ॥