¹ हे परमेश्वर तू, जेकर हम स्तुति करिला, चुप मत रह!. ² काहें कि दुष्ट अऊर कपटी मनई हमरे खिलाफ मुंह खोलले हयन, ऊ हमरे बारे में झूठ बोललन ³ ऊ लोग बैर के बातन से हमके चारों ओर से घेर लेले हयन, अऊर बेकार में हमसे लड़लन (यूह. १५:२५) ⁴ हमरे प्रेम के बदले में ऊ हमार चुगली करलन, लेकिन हम त प्रार्थना में लीन रहिला ⁵ ऊ लोग भलाई के बदले में हमसे बुराई कइलन अऊर हमरे प्रेम के बदले में हमसे बैर कइले हयन ⁶ तू ओके कऊनो दुष्ट के अधिकार में रखा, अऊर कऊनो विरोधी ओकरे दाहिना ओर खड़ा रहा ⁷ जब ओकर न्याय करल जाई, तब ऊ दोषी निकली, अऊर ओकर प्रार्थना पाप गिनल जाई ⁸ ओकर दिन कम होवअ, अऊर ओकरे पद के दूसरा ले! (प्रेरि. १:२०) ⁹ ओकर बच्चा अनाथ हो जा, अऊर ओकर मेहरारू विधवा हो जा ¹⁰ अऊर ओकर बच्चा दर-दर भटकअ, अऊर भीख मांगत फिरअ; ऊ लोग के अपना उजड़ल घर से दूर जाके टुकड़ा मांगअ के पड़ि! ¹¹ महाजन फंदा लगाके, ओकर सब कुछ ले लअ*; अऊर परदेसी ओकरे कमाई के लूट लअ. ¹² केहू ना होवअ जवन ओकरे पे दया करत रहअ, अऊर ओकरे अनाथ बच्चा पे केहू तरस मत खायअ. ¹³ ओकर वंश नाश हो जा, दुसरका पीढ़ी में ओकर नाम मिट जाई. ¹⁴ ओकरे पितरन क अधर्म यहोवा के याद रहअ, अऊर ओकरे माई क पाप न मिटअ ¹⁵ ऊ लगातार यहोवा के सामने रहअ, ऊ लोगन क नाम धरती से मिटअ. ¹⁶ काहें कि ऊ दुष्ट, दया करअ भूल गयल बल्कि गरीब अऊर दरिद्र के सतावत रहलन अऊर मारअ के इच्छा से दुखी मनवालन के पीछे पड़ल रहत रहलन ¹⁷ ऊ श्राप देवअ से खुश रहत रहलन, अऊर श्राप ओकरे पे आ पड़ल; ऊ आशीर्वाद देवअ से खुश ना होवत रहलन, एहीसे आशीर्वाद ओसे दूर रहल. ¹⁸ ऊ श्राप देवअ कपड़ा के समान पहीनत रहलन, अऊर ऊ ओकरे पेट मे पनि के समान अऊर ओकरे हड्डी में तेल के समान* समा गयल. ¹⁹ ऊ ओकरे बदे ओढ़अ क काम दे, अऊर फेंटा के समान ओकरे कमर में हमेशा कसल रही ²⁰ यहोवा के ओर से हमरे विरोधी लोगन के, अऊर हमरे खिलाफ बुरा कहअवालान लोगन के इहअ बदला मिली. ²¹ लेकिन हे यहोवा प्रभु, तू अपने नाम के निमित्त हमसे बरताव करअ; तोहार दया त बड़ा हव, एहीसे तू हमके छुटकारा दअ ²² काहे कि हम दीन अऊर दरिद्र हई, अऊर हमार दिल घायल भयल हव

²³ हम ढलत परछाई के समान जात रहिला; हम टिड्डी के समान उड़ा दिहल गइल हई . ²⁴ उपवास करत-करत हमार गोड़ कमजोर हो गयल; अऊर हमरे में चर्बी न रहअ से हम सूख गयल हई ²⁵ हमार त ऊ लोगन से नामधराई होवला; जब ऊ लोग हमके देखलन, तब कपार हिलावलन. (इब्रा. १०:१२-१३

लूका२०:४२-४३)

²⁶ हे हमार परमेश्वर यहोवा, हमार मदद कर! अपने दया के अनुसार हमार उद्धार कर! ²⁷ जेसे ऊ लोग जानअ कि इ तोहार काम हव, अऊर हे यहोवा, तू ही इ कइले हयअ! ²⁸ ऊ लोग हमके कोसत त रहलन, लेकिन तू आशीष द! ऊ लोग त उठत ही लज्जित होवअ, लेकिन तोहार दास आनंदित होवअ (१ कुरि. ४:१२) ²⁹ हमरे विरोधी लोगन के अनादर रूपी कपड़ा पहिरावल जाई, अऊर ऊ लोग अपने लाज के कंबल के समान ओढ़अ ³⁰ हम यहोवा क बहुत धन्यवाद करबला, अऊर बहुत लोगन के बीच में ओकर स्तुति करबला ³¹ काहे कि ऊ दरिद्र के दाहिना ओर खड़ा रहीहन, कि ओके प्राण-दण्ड देववाले लोगन से बचावअ