ATCHAMADO_BEN-wud_neh_text

Ɛta 5

¹ Ŋcuwó kidə́ wó siwó codé wó nɔvi Yudatɔwo ŋu. ² Ɖə̀wó lə́ nubə́, miawó, mianvi ŋucuviwó kiɖə́ miavi nyɔrúnviwo mi sugɔ, gaŋkéà, gbɔxó mian nɔ agbə́à woɖela nànmi brafó. ³ Amɛnbuwó bə́:micɔ mianbéwo wànyi bɔ̀wó kidə́ mia xówó nàn nɛn mian xɔ brafa lə́ fifɛ́ ŋɔrï. ⁴ Amɛn buwó lə́ nubə́, ɛlə́ nenme bé mian dó ɛhó nen miànva cɔ mia ɛnukuwó tú ɛfɛ̀n də́ ɛgàn tà. ⁵ Ʋɔàmian gotó wɔɖə́ sigbə́ wó goto ɛnɛn, mianviwé lə́sigbə́ woviwó ɛnɛn; vɔa kpɔ sigbə́ wolə́ nanbə́ mià sò mian viwó gbɔxó i dunú ɛnɛn, mi sà mianvi nyɔrunvi ɖəwó vɔ, ŋsɛn ŋlə́ miàn si óo, mian bo wo trɔzun amɛnbutɔ. ⁶ Ké ŋsé ɛnyɔààn ŋwɔ xomɛ̀nfiɛn sugbɔ sugbɔ. ⁷ Ké ŋbu ɛtamɛn có àn: ŋbu ɛfɔ̀n. Amɛn ciciwo kidə kojo ɖotɔwó, i ŋnunɛn wó bə́: milə́ dɔn mianviwo jiá amɛnwo bɔ xixradəwó gəɖəgəɖə. ⁸ I ŋnunənwó bə́: miawo mixɔ mian nɔnvi Yuɖatɔwó kəwó xrəawo; i mianwó miva lə sà miawo ŋtà mianɔviwó, i mianwó i miansawó i miansawó nen! Ɛɖa ɖo krəɖə́ wó ŋkpɔ ɛnyɔn ɖəkən ila ŋsə ɖo ŋu óó. ⁹ I ŋ nú bə́: ɛnu kə milə wɔaà nnyɔn óo. Ŋ na nyɔn bə́ mian zɔn lə Mawu vɔnvɔn mən an, Nən ɛdu bù mən tɔwó ŋka kò mi an? ¹⁰ Ɛnyə ca, nɔvinyənwó kìɖə tiŋ dɔ cɔviwó mi do ɛhó kidə Brafo nənwó. Miancɔ wó kəwó. ¹¹ Micɔ wó bodə́ nyigban nən wo ɛgba, wanyibowó, amitibowó kidə́ wó xɔwó, ɛhó Brafo, wanyi, ami aməwó lə alɔfán ji kə nyi jidəji kə mibə́ woà tu nən mian nən wo ɛgba. ¹² Wó ɖo ŋu bə́: mian cɔə̀ nənwo, i mi ŋka gbə biɔ ɛnuɖə co wó gbɔ óo i mian wɔdə ɛnyɔ kə ɛnuan wó ji. ¹³ I ŋ xuxu tiŋ awu ɛjitɔ ilə́ nu bə́: Mawu na xuxu amən ɖəsiaɖə́ kə nka wɔdə ɛnyɔàn jia do có yə́ xomən, amen an yə nu nɔn aməsiwo na xuxu nən aci alɔ gbalə! Ɛha bɔbɔa seó nu bə́: nan vàmɛn enən. Mi kafu Mawu ɛdukɔa wɔ də́ ɛsə́ ji. ¹⁴ Có gbona kə wo doŋ anyigban ji kpɔtɔ lə Yerusalem, dumə gan Artaxsasta yə ɛxo ɛwuiatɔ səyi ɛgbaén civɛ mən, ɛnyən kidə nɔnvinyənwó ɖə́kən ŋɖu anyigbanji kpɔnu ɖəkən óo, kəkənən ɛxo wuiɛvɛ. ¹⁵ Jɛŋkɔ nən ɛnyan an, Anyigbanji kpɔtɔ ɖəcà tɔawó xɔnən enukui kidə wəin lə ɛdumən viwo sì kiɖə Saki hoka; ɛdɔ cɔviwó cá hɔnən ɛnu lə ɛdumənviwò sì. Có Mawu vɔnvɔn mən nyan ŋwɔ nənnən nu ɖəkən óo. ¹⁶ Sə wu à, ŋ dó asi ɛgri mən mən an mən,i mi ŋ xrə́ ɛbo də́ nyigban ɖəkən o&o, tiŋ dɔcɔviwó seé ca wɔ ɛdɛɔ. ¹⁷ Amən Alɔfa dəka kufàn i nɔn Tavutó kidə́ŋ; Yudatɔwó kidə́ ɛsédɔwɔtɔwo&, Tojo nən amən kə có ɛdu vó vómən an wó. ¹⁸ Ɛnukə́ wo ɖanən ɛŋukəkə́ ɖəsiaɖə́a i nyi, lalacu, Agbo amádən, kidə́ xɛviwo; i ɛŋu kə́kə́wo sia ɛŋu kəkəwoa, wo danən wanyi kə́ la sún an. Gankə à, nyə ŋ biɔ anyigbanji kpɔtɔ yə́ nu nannan amədə ó, ɖobə́ ɛdu mənviwó ilə́ wɔ ɛdɔ. ¹⁹ Tiŋ Mawu ka ŋrɔŋ bə́ o, ɖoŋu ɛnyən lə ɛmɔn nyɔgbi ji, co ɛnyom kə ŋwɔ nən ɛdukoa!