ATCHAMADO_BEN-wud_neh_text

Ɛta 6

¹ Nyə́ ŋ do ɛ́hɔ̀àwó, gbɔxó, sanbállat Tobi kidə́ Arabiatɔ Gessen kidə́ miàn fútɔ kpɔtiàwó see bə ŋtrɔ mə̀n ɛgri kpàà i afiɖə́ ŋgbə́ midə́ oó. ² Sanballat kidə́ Gessen dóŋə́n ɖiɖaŋ bə́: Và nə́n miàn dógo lə́ ɛdú kə́ wó yonə̀ bə́ Ono yə̀ Baria mə̀a. Wó ɖóə́ bə́ yòà wɔ dakà kidə́ ŋ. ³ Ŋdó ɛŋɛ̀ndóà ŋu diɖawó bə́: ɛdɔ gàŋgàn ɖə́ka lə́ assinyə́ i ŋkàwɔ̀, kə nàn bə́ nyə̀n ŋka təŋvà oo, nən ŋvàà ɛdɔà là nɔ ɛtə́. ⁴ Wó wɔ yɔyɔ inan mɔki pə̀pə̀pə̀ ɖiɖaŋ sə́nə̀n, ɖóŋti ɖə́ka i ŋnanwó ɖiɖà. ⁵ Sanballat gbə́ dɔ yə́ dɔ yə́ dɔcɔvi ɖiɖáŋ Sə̀amàntɔàntɔ, i i lə́ yɔyɔ wóɛmàn də̀ àlɔmə̀n ɖə̀. ⁶ Wó ŋrɔ̀ də̀mə̀n ɖə̀ bə́: Amənwó lə̀ nú lə́ i Gasmu bə́, ɛwó kidə́ Yuɖatɔwó miɖóə̀ bə́, yə́wóà jə̀ ágrán, yə́ i dɔ i ɛlə́ mə̀n ɛgri kpàà, i elə́ ji bə́ yəà ɖufiɔ nə̀nwó, ⁷ Ɛcàn ɛnyɔnudə̀ tɔwó, nə̀n wa ɖə́ ɛgbəfan lə̀ Yerusalem bə́: Ɛwónyi Yuɖa fiɔ. Ɛnyɔàn là ɖó ɛfiɔ gbɔ. Và, nən mià lə̀ enyɔàn kpɔ. ⁸ Ŋdoŋu ɖiɖa Sanballat bə́: ɛnyɔ̀ kə́ ɛlə́ núan ŋlə́mə̀n oo, ɛnyɔ̀ i i nyi i i ɛlə́ kpà! ⁹ Amən hinànwó seé ji& là do vɔ̀ŋvɔ̀ nən mi, i lə́ bui bə́: miàn gbɔjɔ, i ɛdɔà ŋkà wúnú o&o. Óo Mawu, doŋ ŋusə̀n! ¹⁰ Ŋ yi Semaya gbɔ, Mehetabeel vi delaya yə vi. Ɛtu ɛhɔn dətaé i lə́ nu bə́: có miàn yi Mawu xomə̀n də́ ə́dú, Aló amən yə dóŋ dómən, mian tú ɛhɔànwo; ɖobə́ wó gbɔ̀nɔ̀ ɛ̀wó wúgbə́, ɛsanmən i wó kà và wúwó. ¹¹ Ŋ dóŋu bə́: Amən sigbə́ enyə̀n la sìà! Amən sigbə́ ɛnyən ɛnən kə̀i là ɖo Mawu xomə̀n i là nɔn agbə́ nyən ŋ yikɔé óó. ¹² Ŋ doə́ jəsi bə ŋ nyi Mawu yə́ amən dɔdɔ inyi óo. Sanballat kidə́ Tobi i dɔə̀ ɖiɖa bə̀ nàn và brɛŋ i wó nə̀ ɛxó. ¹³ Kə́ ŋ ɖuji ɛnən àn, ɛbui bə́ màn vɔvɔn, i la kprɔ ɛyə́ dó i là jə́ ɛnuvɔən mə́n; ganamən mà ɖiɖi ɖə́kinyən i la ɖu ɛŋu kpən. ¹⁴ Ɖoŋu, óo tiŋ Mawu, Tobi Sanballat, wónú wɔnàwó! ɖoŋu Noadia ca, Mawunyɔnudətɔ nyrɔru, kidə́ Mawunyɔ nuɖə̀tɔ kpɔtiawó kə́ ji bə́ yéwòa dó vɔnvɔn ŋán wócà! ¹⁵ Mə mɛn egrikpàa jrɔdə́ ŋkə́kə́ ɛwivɔ atɔàn lə Elul wrə́timən, lə́ ŋkə́kə hokaciwó civə́àtɔ ji. ¹⁶ Kə́ miàn futɔwó sə́à, ɛdukɔ kə́ xixradomiàwó lə́ vɔŋvɔ; ɛŋkpɛn gaŋgàn lə̀wó, i wɔ nyɛn bə́ tó Mawu yə́ amənuvə́və́ mən i wu ɛdɔa nù. ¹⁷ Ɛgà ŋnà mən àn; Yuda Amə̀gan də́wó kidə́ Tobi ŋrɔnɔ enu nən wo dəkiwó. ¹⁸ Ɖobə́ Yudatɔ sugbɔ lə́ ekadədəmən kidə́ə́ tó ɛnoɖuɖu mən, ɖobə́ Sexanya, Arx vi yə́ vi cu inyi, i ɛvia ɖə́ Berexya vi Mesulam yə́ vi nyɔru vi. ¹⁹ Wó nu yə́ nyɔ nyɔgbi lə ɛgbɔnyən, i wó cɔnən tiŋ eŋəndowó yi nən. Tobi ŋrɔnə́ woéma ɖiɖaŋ nə assé dó vɔŋvɔn ŋ.