ATCHAMADO_BEN-wud_neh_text

Ɛta 4

¹ Kə́ Sambala sə́ bə milə mɛn ɛgrià, ə́wɔ xomɛn fiɛn sugbɔ. ² Ɛkó yudatɔwo, i nú lə́ Sojawó kidə́ nɔviàwó ŋkuvimɛn bə́: Ɛdɔ kəï yudatɔ mawɔganɖə àwó lə̀ wɔ? Miàn viɖə̀ kpɔ à? Wɔawɔ vɔsà à? Woàwɔɛ̀ və̀à? Woà gbɔ agbə́ ɛkpeà wóà? ³ Tebì, Amoritɔ cə́ i jétə dɛ́gbɔ, i yeca nu bé: waà lə́ mɛn ɛgria kpoŋ!nɛn ɛtɔvuɖə́ doà, alɔ wó gri nan wó mú! ⁴ Sɛ̀, ŋdo& egbɛɖà nɛn Mawu bə́: óó axotɔ mia Mawù, ɖoto mi ɖəbə́ wo lə́ doŋkpɛ̀n nù. Nanɛn wo ŋkpɛn doa mɛn nà trɔ jə́ woji, i nán nà wòà ji wó nɛn wòa zùn amənjro lə̀ anyigban bú ji. ⁵ Ka miɔnŋkuvi də́ wó ruvɔnwó ji óó, wɔ nuvɔnwó ŋka bú lə tɔ ŋkuvi men óó, ɖobé wó wɔnu baɖa kidə́ ɛgri men tɔwó. ⁶ Séwuà, mia men ɛgria séé, ɛdumen viwó wɔɛdoa kidə́ ɛji. ⁷ Sanbala kidə Tebi kidə arabiatɔwo kidə Amoritɔwo kide Asdonitɔwó sə́ bə́ ɛdoà lə́ yi ŋkɔa, i wo lə́ gba ɛxɔà wóà, wó wɔ xomɛn fiɛ̀n súgbɔ. ⁸ Wó códédú lə yəwoa kpə ahúa Yerusalem duà i la hən xùnyan xunyan va ɛduamɛn. ⁹ Mi dogbeɖa nen mia Mawu, ï dzɔ ɛdu nu lə́ nyidɔn kidə́ ɛzan bə mianɔn fafamɛn. ¹⁰ Amə̀ kəwo nɔn yuda wo nu bə́, ɛgan vɔ nen amɛn kə́ dró agbànwó, i ɛnú gbàngbànwó sugbɔ; mi ŋka teŋ men ɛgriawo óó. ¹¹ Mian kə́tɔwó lə̀ nu bə́: wó ŋka kpɔ aló i sə́ aló i la nyàn gbɔxó mìan dó dé womɛn óó, i mian wúwó i dɛɔà là nɔn ɛtə̀. ¹² Vɔa Yuɖatɔwó kélə́ wo mɛnan wó va zɛn afɔ nen mi zéwó, i sawé ɛmɔn kə́ wo ka cɔ va miagbɔa wó nɛnmi. ¹³ Yə́ i dɔ i ŋlə́ feca dé anyigban xuxuawo ji, axonu ɖəsiaɖə́ kiɖə́ tikprɔ, yə́ ataŋ kidə́ kànàkanà kə́ mian kətɔwó nyàn bə́ wónànmi ɛtó krànàn, ¹⁴ Ŋ bú ɛnu kələ́ jɔa kpɔ i có djeté i nu nen ɛsétɔwo kidə́ ɛdumɛntɔ kpɔtiawo bé: Miŋka vɔnvɔ̀n nɛn wo óó! Mi ɖo ŋu Mawú gàŋgáŋ kə̀ dò vɔnvɔ̀n, nɛn mia wɔ ahua də́ mian nɔnviwó nu, dénu nn ɛm‌ʤɩă viŋi wo, denu nen mian siwo kid ¹⁵ Kə́ mian kətɔ̀wó nyòn lə̀ wónánmi ɛtó kràn à, Mawu dahen wo doɖowó, i mi trɔyi ɛgriawo mɛnmɛn ji, amɛn sia amɛn kidə́ yə́ tɔ. ¹⁶ Có gbonàn àn, ɛdɔwɔtowó mànmàn mɛn lə́ wɔɛdɔ, manmamɛn kptiawo lə́ akprɔwó, akpoxɔnuwó, ataŋu wo kidə́ ɛwiwó kidə́ ahuawɔnùwó i nɔ Yudatɔwó, ¹⁷ Kə́ lə ɛgriawó mɛnmɛn jià wogbɔ ɛkɔ lɔtɔwó lə̀ wɔɛdɔ kidə́ alodə̀kà i wo lə́ ahuawɔnu də́ alɔ ɛvə̀atɔmɛ. ¹⁸ Amɛn kə́ lə́ men ɛgriawó tà ɛwi də́ari gbɔxo ilə́ wɔɛdɔ. Ɛkpɛnkutɔ ya nɔn ɛgbɔynɛn. ¹⁹ Ŋ nunɛn Ameganxo wo kidə́ ɛsidɔwɔtɔwo bə́ ɛdɔa kəkə́ ɛta, i mi mandə́mɔn, mi diŋdi lə́ mia ɖəkiwo gbɔ. ²⁰ Ɛnan bə́ nɛnmi sə́ ɛkpɛ̀nàn yə́ ɖiɖià, misuɛdu va miagbɔ léləlà. Mian Mawua àwɔ̀ ahuà nɛnmi. ²¹ Nɛn mi yi ɛdɔa jià nen, ŋucu nànmanmèn lə́ akprɔwó dé alɔmɛn có nyìdɔ yexɔdodogamen seva gakemə wrə́tiviwo dóà. ²² Ŋnu nɛn amɛn kəwó lə́ Yerusalem dua và mɛn wó bə́ amɛn siamɛn nan dɔn ɛzan kidə́ wò mawudɔwɔtɔ́; íwà wɔ ɛdɔ̀ lə̀ ɛnyidɔmɛn. ²³ Mi ŋka có gbé mian awudodo doə̀ óó, ɛgnɛn, tiŋ fofowo, tiŋ dɔ cɔ tɔwó kidə́ ɛzan ji nɔntɔwó kə́ kprɔŋ doawóà: axuawɔnu kidé ɛci ilə̀ miàn lɔwomɛn.