¹ Vɔ̀sà tɔé gàngàn Eliasib kidè Èvià vɔsatɔ̀ wó có, i wó arígbɔwó hɔ̀ i dò əhɔn nú; wókɔ grikpóa ŋu có Méa gria gbɔ i va ɖo Hananeel gria gbɔ. ² Yèríkó yə mənwó mɛn gei lə́ wó kpahó; Sakurú Imri viwó wo cawó mɛn gri kə lə́ wókpaxó. ³ Hasena viŋucuwó tútɔmɛnran gbowó, wódó hɔn i gbà xɔà idó granù əhɔ̀n i trɔ dó ɛhɔn gakpówó. ⁴ Le wó kpaɖəkàà Meremet i nyi amɛn kə jra ɛgri kə kprɔwódóa dó, ŋ uri yə̀ ví, Hakoz yə́ tɔgbuiyɔví. Lə́ wó kpaxóà, Mesulam, Mecezabel vi, Behiya yə́ tɔgbuiyɔvi i kprɔwó dó, Ɛgri kə kprɔwo cáwó dóà, Zadok, Baana yə vi i lə́ jradóə́. ⁵ Sə̀ ŋ kprɔ wó doà, Tekoatɔwó jra akpa ŋnaxódó, vɔ́à amɛn ɖə́wó də́ alɔ xotó yə́ dɔ̀àmən ó. ⁶ Yeyada, Peseah yə̀vi kidə́ Mesulam, Besedya yə̀ vi, wó i nyi amɛn kə jra agbo xóxóa dó, wó do xɔanwo, i do granú də́ŋú kidə́ gakpo gra xɔnwó nən. ⁷ Amɛ kə̀ gbə̀ jra ɛgri kə́kprɔə̀ dòa i nyi Metotya, Gibeontɔ kídə́ Mizpatɔ búwó kə́ có anyigban kpɔtɔ yé gàn nyinyi yə̀ gamən lə́ ago ŋnàn ji. ⁸ Uziel, Xarhaya yə́ vi kə́ nyi awrɔdɔ wɔtɔà wɔdɔ kidə̀ wó, i Xananya kə̀ nyi cɛ́rú ɖàtɔa i jra gri kə̀ kprɔə̀à dó seŋvàgrikpó gbajàà gbɔ̀. ⁹ Refaya Xur yə vi wɔdɔ kidéwó, Xur, Yerusalem yə́ kpaɖekaxó yə́ nutomɛn ji kpɔtɔ i í nyí. ¹⁰ Yedaya, Harumorf yə̀vi jra akpa kə̀xó trɔgbə̀ kprɔə̀dóà, lə̀ yé kpaɖə̀kàà, Hahuc, Hacabnia yə́ vi jraɛ̀dó. ¹¹ Ɛgria yə̀ kpabuxó kidə́ əzókpaawó xɔ, Milkiya, Harim yə́ ví kidə́ Hasub Pahut Moab yə̀ vì wó i jràwo dò. ¹² Lə́ kpaɖə̀kà à, Salum, Halohes yɔ̀vì kə́ nyí Yerusalem yə̀ nutómə manmanmɛn akpa aməvəàtɔa, kidə́ ɛvia nyɔnruviwó wó í jraə̀ dó. ¹³ Hanum kidə́ Zanaatɔwo i jra barimən yə́ Hɔàn wó dó. Wó dó hɔanwó, granuanwó kidə́ gakpé gra hɔ́àn wó. Wó mən gri mə́trù dinŋdinmə̀ sakiɖə́kà sə́và ɖó ɛkɔnrú gbó gbɔ. ¹⁴ Malkiya, Rexab yə̀ vi kə̀ nyí amə̀gan lə̀ Bet Xakerem àn jrà ɛkɔnri gbóà ɖó ɛ ɖó xɔàn, granú kidə́ gakpó grà xɔnwó nən. ¹⁵ Calum, Col Hozə́ yə̀ vi, amən kə̀ nyí aməgan lə̀ mispa nutówóməan í jra ɛtɔmən yixó gboadó. Ɛ doɔ i də xɔn nú, granu kidé gakpó gra xɔnwó nən. Ɛ mə́n Selax yé tankú yé grikpówó, lə́ təbɔ ɛfiɔ yə́ tí dódó kpàgbɔ kə́kə́ səŋyi David yə́ dùmə̀n. ¹⁶ Səŋtià, Néhémia Abzak yé vi kə nyi aməgàn lə̀ Bet-zur nutomə̀ yə̀ mamanmɛn à ca jra gria dó cókə́kə́ Calum yə̀ sənxó sə̀ vɛ ɖó David yé yɔdó gbɔ, i va dó ɛdé ké wó kú i səŋ wɔ tankú àn gbɔ ì dodə́ jiɖutɔwó xomən. ¹⁷ Seŋtià, Leviviwó cà jra gria yə̀ akpà ɖəwó xó: Banivi Rehum jradó akpaɖə́xó, i lə̀ yə̀ kpaɖə́kà à Hosabya amən kə nyí keila nutomɛn yə̀ manmanmɛn ji kpɔtɔà jra akpà kə̀xó va kprɔ Rehum tɔdóà dó. Ǝwó dɔà də́ yə́ nùtómɛn nú. ¹⁸ Lə́ ya ŋgbəà wó nɔnviwó wɔdɔ, Bavoù Henadad yə̀ vi kə̀ nyi Keilor-nutómɛn yə̀ mamamən amənvəàtɔ yi kpɔtɔa jra akpa kə́ xó kpɔ Rehumtɔ dóà. ¹⁹ Amən kə́ jra ɛgri kə̀ yə̀ kpaxoà é nyi Ezer, Yóòsuà yə́ vi, kə̀ nyi aməngàn lə̀ mizpaà jradó ɛgrià yə̀ kpabúxó, kə̀ kpànkɔ̀ ahúawɔnuxɔ̀ lə́ zógòji. ²⁰ Baruk, Zabai yə̀ vì, jradó akpabú xó kidə́ və̀və̀dódó cókə̀kə̀ zógòàji seŋ vayi vɔsatɔgàngàn Eliazib yə́ gbónu. ²¹ Lə yə́ yomə́àn, Meromot, Hakoz yə̀ vivi jíjí yuri yi vi jradóakpa bú xó cókə́kə́ Eliazib yə̀ xógbɔ; səŋvà Eliazib yə́ xóà vɔ xó. ²² Lə̀ yə̀ yomə̀an, vɔsatɔwó kə̀ có Yerusalem yə́ nutówómə̀an wó wɔdɔ̀. ²³ Lə̀ wó yómẹ̀an, Benyamin kidə̀ Hasub wó wɔdɔ̀ lə̀ ŋkɔ́, seŋ kprɔwo dóà Azaria. ²⁴ Lə́ wó ŋgbəà, Binui, Henadab yə́ via mɛn ɛgri có Azar yə́ xoa gbɔ səŋ yi zogoó ji. ²⁵ Uzaï yə vi Palal, mengria co zoo& ji seŋ yi ɛganxoà gbɔ ï Pedaya, Paros yɔvi kprɔaə̀ dó. ²⁶ Gbedoxɔmə dɔwɔtowó kə́ nɔ Ofel toà jià wó mɛn ɛgri vaɖo ɛci gbɔ lə̀ ŋdɔ dótoxó. ²⁷ Lə̀ wo ŋgbə̀à, Tekoatɔwo mɛnɛgri sə dodə́ ofel tóà gbɔ. ²⁸ Lə̀ ɛsɔ hɔaǹn wó tamɛ̀nan, wawuxɔ men dɔwotɔwó ɖə̀siɖə mɛn ɛgri lə̀ wó xó yə́ ŋkɔ̀. ²⁹ Zadok, Imer yə̀ vi ca mɛnɛgri lə́ akpabuxó lə̀ yə̀ xó yə́ ŋkɔ̀. Semaya, Sekania yə̀ vi kə́ nyi agbonujolà kprɔə̀ dó. ³⁰ Ɖə́ wo ŋgbəa, Selemia yə̀ vi, Hanun, Zalaf yə ŋcùvi amadrɛatɔ kidə̀ Mɛsulam, Berekia yə̀ vi wo mɛnɛgri lə̀ wo xɔ̀xɔ̀wo nú. ³¹ Malkiya, Sikaɖaŋu wɔtɔ̀wó domɛtɔ men ɛgria vadodə́ Mawu xɔmɛndɔwɔtɔwó xɔxɔnú kidə́ asisinɔnwó xɔxɔnu lə́ zogoà ji. ³² Sikaɖoŋu wɔtɔwó kidə́ asisinɔnwó mɛnɛgri có zogoà ji seyi aringbɔwó xɔnù.