¹ Lé éfiɔ Artaherha ho épé blavɛ gɔa mɛa lé Nisan ho létìà mɛa, ké aha wayin lé yiho ŋkɔ à, ŋtchɔɛ yi kui nɛ̀. Vɔvɔn tcha ŋlé mu o bé efiɔ lé o. ² Efiɔ tonam bé: Ŋka ŋti yi ŋkuwo mɛ lé nɛnɛ yi, vɔa owun lé lédɔ tchan oɖé, alo ogbɔdjɔ lé édjiwo mɛ yi? Tétéa vɔvɔn gaŋdé lɛm. ³ Yi ŋɖo yiŋti ni éfiɔ bé: éfiɔ nénɔ agbé tɛgbɛ! Lémɔ yi gné mahlɔn ŋkumɛ́ mɔ ké égni bé otɔzo yi gbã tata gnéwo ho nɔnɔmɛ tatawo. ⁴ Í màwú bé ɖoŋ ŋ bé: ɛnú vɔ́yì ɛ̀lé ji? gbéɖà i ŋlè doɖà nɛ́ ɛ̀jiŋkóri yé mawù, ⁵ Ŋlé ɖó ɛnyɔ̀àn ŋ nɛ̀ bé:Nɛ̀ anyɔ̀n ɛ̀fiɔ̀ ŋkɔ̀à, yè dɔ̀ cɔ̀ví là yi Yudà ɛdú kə́mɛ̀ yé dàdà kúkúwó yòdó léà í là trɔ̀ mɛ̀n. ⁶ Ɛ̀fiɔ̀ kə̀ŋ ɛ̀fiɔ̀ sí kànrɛ̀n də̀ɖɛ̀à, lé kàŋ sè bé: Ɛ̀ŋ kèkè nɛ́ń yi mà sé zɔ̀n ɛ̀mɔ̀àn, gbə́ yi màtrɔ̀ gbɔ̀ và? Ɛ̀nyɔ̀ ɛ̀fìɔ̀ ŋkɔ̀ bé mayi i ŋ nɛ̀ gàmɛ̀. ⁷ Ŋ trɔ̀ nuénɛ́ ɛ̀fìɔ̀ bé: nɛ́ ɛ̀fìɔ̀ kpɔ̀ bè ɛ̀nyɔ̀àn nàwɔ wóə̀ma ŋ nɛ́ ɛ̀fìɔ̀ kpɔ̀ bè ɛ̀nyɔ̀àn nà wɔ wóə́ma ŋ nɛ́mà cɔ̀ nɛ́ ɛ́dɛnjí yé nyigbàn jí kpɔ̀ tɔ̀ nɛ́ wà nànŋ ɛ̀mɔ̀n nɛ́ mà yi Yúda dúàmə́, ⁸ Wóə̀ma ɖéka mà cɔ̀ nɛ́ Ásàf ɛfiɔ̀ yé avéji kpɔ̀tɔ̀, nɛ́ àɖé ɛ́mɔ̀n nɛ̀ mà tɛ́ŋ ji àtí ké másè tàɛ́mɔ̀ ké làɖó yuda dúamə́, i là wɔ̀ ɛ́dúà yè gbó kidə́ ɛ̀hɔ̀ kémé màn vɛ̀ nɔ̀àn. Ɛ̀fiɔ̀ wɔé wóə́ma wó ŋ, ɖó bé Mawú yé àmé núvə̀və̀ yé àlɔ̀ lé ɛ̀ji nyɛ̀. ⁹ Ɛ́fiɔ̀ dɔ̀ àhúwà gànwó kìdé ɛ̀so kútɔ̀ wó, í cɔ̀ wóə́ma ŋrɔ̀n ŋrɔ̀n ɛ̀nwó ŋ, í mí yi í ŋ cɔ̀ wó nɛ́ ɛ̀dɛ̀n ji kpɔ̀tɔ́à wó. ¹⁰ Ké Sanebalat, horontɔ̀à kidə̀ amé kè kpɛ̀nɛ̀ də̀ŋúa Tobi ké nyí Amontɔ̀à wó sə̀ bə̀ ŋ va ɖóà, wó wɔ̀ hómɛ̀ fiɛ̀n súgbɔ̀ bè amə̀ ɖékà và ɛnyùɛn wɔgbé nɛ̀ Ísrael víwó. ¹¹ Ŋ và ɖóYerusalem, ŋwɔ̀ ŋ kéké amétɔ̀ bríbó. ¹² Vɔ̀à nyé ŋnàn i améɖékɛ̀n nà nyàn ɛdɔ̀ ké gbə́ tíŋ Mawu dɔ̀ŋ vààó. Lè ŋkéke amɛ̀tɔ̀àn tɔmɛ̀ yé zànmɛ̀àn, ɛ́nyé kidə́ ŋùcú ɖóó mi có i dó. Ɛsɔ̀kejí ŋ nɔ̀à də̀ɖə́ inyí ɛ̀ran ké kprɔ mìdó. ¹³ Ŋdó tó àgbé ké lé beríà mɛ̀àn i yikɔ̀ amlímàn dàn yé jɔ̀hó sè yikɔ̀ ɛ̀ran wó ɛ̀núɖùhó, Azɔnríàn mɛ̀àn, ŋlé butàmɛ̀ có Yerusalem yé grikpóké múanwó ŋú, kídé agbó ké ɛ̀zó fìɔn wó ŋú. ¹⁴ Ŋvà dó də̀ ɛ̀ci ji hó kidé tànkún ɛ̀fiɔé tɔ̀à gbɔ̀, i ɛ̀mɔ̀n ŋgbevà lɛ̀ í ɛ̀sɔ̀ kéji ŋlsə́à là gbé tóó. ¹⁵ Ɛ̀nàn bé ŋtó barià mɛ̀ lé zúbrú mɛ̀, i và dó də́ barimɛ̀ gbóà nú i sə́ dédə̀ ɛ̀dùamɛ̀. ¹⁶ Ɛ̀dúmɛ̀gàn wó də̀kɛ̀n ŋ nyàn fi i ŋ yi óó, wó ŋ nyàn ɛ̀nú ké ŋvɛ̀ wɔ̀ óó. Kéké và ɛgà hínanmɛ̀ àn, nyə́ ŋ nú ɛ̀nyɔ̀n ɖə̀kɛ̀n nɛ̀ yuda tɔwó óó, vɔ̀sà tɔ̀wó cà ŋ sé ɛ̀nyɔ̀n ɖə̀kɛ̀n óó, amé gànhó óó cà, ɛ̀sé wɔ̀tɔ̀ó, ɛ̀dùa lɔ̀ó jí kpɔtɔ̀ ó cà wó ŋsé ɛ̀nyɔ́n ɖə̀kɛn ó. ¹⁷ Ŋlè nùnɛ̀n wó hɔ̀ntɔ̀n bè: milə̀ kpɔ̀ nɔnnɔnmɛ̀ dùàdɔ̀nú kə́mɛ̀n mílə̀! Jérusalem kakà í ɛ̀zó fiɔ̀n yé gbówó! Mivà nɛ̀ míàn mɛ̀ Jerusalem grikpówó nɛ́ miàn ɖé ŋkpɛ̀n gàngàn ɖà. ¹⁸ Ŋ kà àsə́ŋ nə̀wó sígbé nɛ̀n mawú yé amɛ̀nùvèvè nɔ̀n ɛ̀ji nyɛ̀ ɖó, i nú ɛ̀nyɔ̀n ké ɛ̀fiɔ̀ núŋà nɛ̀n wó. Wó hɔ̀ ɛgbə̀ i nú bè: miàn có i mɛ̀ ɛ̀grià wó! Wó dó ŋsɛ̀n wo ɖeki wó lə́ càncàn nyɔ̀ɛ̀n hinàn ji. ¹⁹ Horonitɔ̀ Sanbalat, Tobija dɔ̀cɔ̀vì amonitɔ̀, kidé gesem Arab ŋucúà, ké wó sə̀ ɛ̀nyɔ̀àn, wó kómí i lə́ ɛ̀fún mi. Wó lé núbè: nyɛ́n milé wɔ̀ léléhúnà? milé citrə́ ɖé ɛ̀fiɔ̀ ŋúíà? ²⁰ Í ŋ ɖoŋ nɛ̀ wo bé: ɛ̀jiŋkori yé Mawú là nàmí ɛ̀ji ɖúɖú. Míawó, yé dɔ̀ cɔ̀vióó, míà có i mɛ̀n ɛ̀griwó; vɔ̀à miàwó yàà, tóhó àló jə̀nàn, àló ɛ̀nùɖə́ ké wà sɛ̀ŋ ɖóŋú mí lé Yerusalem ŋkóó.