¹ n tie nan tiit puuk nba be Salaon na, k bia tie nan puuk nba be be baauk ni. ² Tiik puuk nba fan k gaal kunkoni bianŋnba, n nae k n saa paan yuak fan k gaal u bonpoi lieb. ³ Nan tilon tiik nba ŋan k gaal liel k be fuol sinsuuk ni na, n nae k n ton tua ŋan k gaal u jaab lieb. N luon k mii kaal u maasu, k u l luanai man n pal ni. ⁴ U te k n kua ŋaak nab mɔk daan ninŋe, k linba k u mɔk n paak tie lon me. ⁵ Sonmitin man nan tiluan kola, paant n paal man nan tiluan mɔna, k man n yial lonm baatuko. ⁶ K u nuu ganŋ i be n yul paak, k u niititu i baalin min! ⁷ Selusalem bonpoi, n pal man i paak, k n golii k i tie nan pialɔ nan kuak nba be kpannt ni nae, i daa fiintin i daa fintin n lonm ŋan k l yuo daa k bal. ⁸ n lontua kunkɔle na! ŋɔe na, u baat k tiin jual paak, k yuuk kunkona paak k baat n buol. ⁹ N lontua tie nan kuak ko kuajak nba tie bianŋnba nae. Ŋɔe na, u sie juonn lanpuol, k goli taolu bonn ni, k goli laat diuk ni. ¹⁰ N lontua pak k yetin ma! fiit, n juak, n juaŋanŋ k bal n buol! ¹¹ K man gotl, siɔuk gaale, saak ji k ba k saana. ¹² tiipuuk be tinŋ ni, yuonba k ti saa yin yaani baala, k t gbia lanjelik kunkɔl kpaant ni. ¹³ Kinkaana piin mɔnnuwa, k wonŋ yaat nan tiipuuk nubilu. N yuak fiit baal, n yua ŋanŋ baat! ¹⁴ A tie nan ŋman daajuuk nba be taanfiɔk ni k boli u mɔnŋ nae, ŋaant k man got a numpo, ŋaant k man gbat a kunkɔl; k maan a kunkɔl tiee suon n na k a numpo fan ninpo. ¹⁵ Suot lunlona na k tulit, luntonbis nba biil t tiiluana kpaant; k man t tiluana yinn puukɔa. ¹⁶ Mine yen n yuak, k u mun yenin; u kpaal u pei tuutu bila nie. ¹⁷ Yuonba k l tu tan ya linyent, k bunboonn n cial na, jent n buol! N lontua ki tie nan kuak ko kuojak nba tu tiin jual paak bɔktl bianŋnba na.