1
Nyiɔk n duanu niŋ kpaan u nba k paal wonɔ; n kpaan k kin laanɔ.
2
K fii k lin duokul paanapak na yial kul buol, k kpaan nba kin paal luonɔ k kin laanɔ.
3
Duo gul tieb cetin kin poib a: ii k laa u nba k paal luonɔ-ne?
4
N kpaan bo gaalib nna k laa u nba kin paal luonɔ; kinsuolɔ k diau k saanɔ n naa baa ŋaak u nba maal na diukin.
5
N puol Jerusalem bonpoii, na paanni nan pialii nba be kpaatin na, ii daa fintmaan, daa fintmaan lom, k fit u fiinɔ.
6
Ŋmee kua muukin nan muunyut na, miil nan waaltog sunsukin nan kpinkpenta tilal jenna?
7
Gotl Salomon kanŋ niŋ mɔk siijin paala piilob Israel tiŋ.
8
B kul dia jukbanjeiye, k bobin kunkɔn; sua kul nyia u juk banjiak u siake, k fit kɔ na u nba saa lekɔ.
9
Kpanbal Salomon jii Liban daate k maa u kanŋ.
10
U dii jii salimpeenae ki pɔl l dansei k jiin salinmɔna k pɔl l muusulpo, jerusalem ponpoi buom.
11
Sion ponpoi nyin naa k got kpanbal Salomon, lia niipiti nba kuu naa daan lannɔ u puo kuant daal, u paal mann daal.