1
Salmon yanŋ nba ne mant man k cie yanii yanii kula .
2
Jiin a mɔb k muat n tankpinn! k maan a lonm man k i gal daama.
3
A nibilu man k tie nan bonnu nubit nie k a sann tie talali nba k b mii ne L paake tien k Sakpaanbit ne luona.
4
Jii min k baal nanin a buol! k tin cial ! k a sii tie n kpanbal, k jiin k kua nanin a diuk ni k tin saan ki mɔk palpienn nan kpinkpanmuk a yaa paak, k nyu k gbuo ki luonn lieb. L tie mɔniie nan sapaam kul luona.
5
Jelusalem sapaam, n bɔne ŋaan n fan, n bɔna nan kedal niib lanbont nie.ŋaan fan nan nanjont nba juaan kpanbal salomo ŋaak ni ne.
6
Laa goli gbanan bon te ne yanni, k maan yennu cua k bonn n gbanant ne. N naa bonpɔi wutua bu duo n paake, k b te k n gu-ubtilonti kpaab ne n tilonti kpaab ne n jik fit k guuli.
7
Fin nba k n pal luona wantin saninba k a sa saan nan a pei k bin ŋman. sianinba k b saa foi yensiik ni; Bia paake k n sii tie nan wunba bot nea pekpalei ne buoli?
8
Fin nba mantik k tie puo ŋannɔ puok kul sinsiigni, a kii mi maa kpaal pei sianinba, fan nyi ki waa pei bukaa; k kpaal a buunii k lii kpia pei ne lanbont.
9
N yuak a te k jab nan tannanŋ nba tuu te faalaon tanjalona nba daal tantolit ne niamua bianŋinba.
10
A kpianii mantik fan nan tutua paa k a tulu fan nan tuliat nba ŋan nie.
11
T saa Jii salin salinmona nan salinpiena k ŋanm laam k tula.
12
Kpanbal kal u yial ninŋe, ŋaan k u talali na nubl k kuann.
13
N lontua ne dua n biaa paake, k nubil nan bonnu nubit nba k b yi mil ne.
14
N lontua ne tie nan tipuut nba be daan tiini kpant nba be Engedi nie
15
N lontua, a mantik fan paa, a mantik fan! a ninbina ne mantik k nyili k fan nan ŋmanjelpieni ne.
16
N lontua a mantik k fan, a mantik k maant n pal! t dindua buol fan nan muat nie.
17
T ŋaak jaantalik sii tie kpeki, k l sanpaapo daat si tie nasei.