1 Yenfuom k yiknii ? banm k dont u kunkɔlii? 2 kunkona nba kpia sanjoko, k yenfuon tua k bia sie sankat taana ni, 3 K kpia tanmoï, duo kunkua buol, tanmoï nuak ni u te ku yikni gbia: 4 Jab, n yikin k tien yinm e, k n kunkɔl piak tien nifosaalk waasa. 5 Kangbata na, tunmiin man banm; bonjata na tunmiin man yan. 6 Gbiin man, kman n mɔk bongbenŋa k sa pak, k n mob piak k tunt linba sonii e, 7 K maan n mob muantl balmɔnii-e, k n mogbana k luon faak; 8 Maanm nba kul nyi n mob ni tie bamɔni-e, l k mɔk siala faak a mi tuntunn paak; 9 L kul yiien k tul wunba mɔk yan, k tuak k tul binba la nunfanm. 10 I luon man n kpaani na ki cie lik li, k bia ki luon banm na ki cie liktann nba mantik nyili; 11 Maan yenfuom ŋan cie laabinŋanna, l ŋan k cie bona nba kul mɔk daau k. 12 Min, yenfuom, n mɔk gannŋannu dudukt, k bia mɔk banm dudukt. 13 Yennu jaŋmaantnu, banbiil sanjok, nan faak mobona, ma nan linba-e ne. 14 Kpaami nan saa nu liik tie yale; mi tie banm panŋ tie n yale. 15 M in ne te k kpanbala dia doi k kpanbal waas ŋmantl linba tuak; 16 Min ne te k bet, nba li nuaana, bubula kul dia doi tingbonŋ paak. 17 N luuon binba luuonnin-me, binba tɔkinta tu lan-me. 18 Mɔkint nan baaktl, nyuat nba wɔi nan balmɔni be nannin. 19 N luaan-e cie liktann, k bia cie liktan nyinyil, k n buol nyuat cie likli. 20 N sonm balmɔni sanjok ni-e, nan sanjobit nba soni-ni, 21 K fit k tul bonŋana binba luonin, k gbiien b ŋei mɔkint. 22 Kangbennu sint nan mine, u tuuona pinpiik tie mine yaayuoni-waa. 23 Mine din tie bonnan sinsine, k sua sial daa kaa k tan fit nan tingbɔnŋ 24 N din mal yuo nba k sua mɔkl daa ka, k kpenu nba mɔk nyun daa ka; 25 B din malin me-waa k tan fit nan juua, nan kunkona. 26 U daa di k nan tinŋ, nan tiini, nan tansankin cinn kawa 27 Yuo nba ku din jonn san paak, n din be-e; yuo nba k u din buant buant buan kunkunn mɔkl paak, 28 Nan yuo nba ku din tabin sanpagbant sanpaapo, nan nba k nyun tɔ mɔkgbenŋl nyun tona ni nan panŋ, 29 Nan yuo nba ku di wann mɔgbenŋl nba sa diin sianba, k fit k nyun daa puotl gaal wa buan k diin bianŋ nba, nan nba ku di bil tingbɔnŋ fiakl, 30 N din be tuuon paak e u buol k tuun daal kul wa luon linba, k jelin k kisali u buol, 31 K jelin tinŋ nba tie bon kunkunne paak, k laat n palpiien lom nifosaali sunsuuk ni 32 K mɔtane, n bonjai, i gbiinin man, palpiien k tul binba tuuak n sanjot! 33 I gbiin man kpaami, fit ki tie yen fodanm, i daa nyikt. 34 Palpien k tul nua gbiinin, k goli daal kul n tanmoi, k bia gu jaana ne! 35 K maan wunba lan, la manfuol e, k bia la kangbennu sonml. 36 ŋaan wunba tun biit k tulin nuuant u siek-e binba kul yitmin kuume.