¹ Yanfuon ma u ŋaak, caan jana ŋanlolee. ² U kpii u bonkobt, k ŋmat u danmunŋ k ŋanm u tebt ^{3 4} U tun nba tie bonpuoii na, k b munt do santanani. ⁴ U ba k mi siakl n kua n na : u yet binba tie yuukpena na: ⁵ Baat man k dii man n jiet , k bia nyu n danmunŋ nba kin ŋmat na. ⁶ Nyin a mɔnŋ k mi sial ninŋ, ŋanne k a si fuo, k sɔnm suubni ninŋ! ⁷ li tie ka ŋmaktl nulua nba tie dontin mɔnŋ dan no, u sii suki a ee, a i kpan biit dan no a saa la ⁸ danŋ. A da ŋmaktl dontin mɔnŋ dano nan jaŋmani ku si nama, a ŋmakt yanfodano k si lona. ⁹ Tuulin yanfodano, lin ŋanm k puuk no yanfonn, wann kasi dano k linpuknua bannu. ¹⁰ Yanfon pinpiik tie kpangbenuk jaŋmani e ; k niŋanm bamin tie subni. ¹¹ Yanfon na pak e ka daana puki, k a manfuol bina yabtl. ¹² Li tie ka mɔk yanfon, yanfon si tie a yaale; Amuni laauu, a kua e saa jii falaa. ¹³ Puo nba mɔk fuut tie watua e, u nba k mi sial k tie liinŋ. ¹⁴ Puo manŋ kaal u ŋaak tanmobin e kok paak, duo sinsik ni. ¹⁵ K yikin nan danm nba gaal, k tuak b sɔnnii n na : ¹⁶ Au nba tie liinŋ n kua n na ! k maat nan bin ba k sub: A ¹⁷ nyunjankam man , k panu jian kam nyakii. ¹⁸ ŋann u k mi nan lenŋee k kpenm be, k waa jii binba be kpintinŋ.