¹ N bija, i tien na ma piaka linba, k daa ban k tanmit. ² I dia n maan na, ki tan nann, non ningbankaal nba tuu guu ninbina binŋinba na, k a sii mɔk manfuol. ³ I dia n maan na ni paunŋ ninŋ, k bia diaa pal ning. ⁴ Jiin yanfuon k u tie a niipuo, k jii subnii u ti a yuak. ⁵ K lin guula puo saan weiu ninŋ, non ba mɔk bandelmaan na ninŋ. ⁶ N daan be n tɔkalbonn buole, k dɔkl cincénn k got. ⁷ K la naasinpaauŋ naba k b yan da k cie, ŋaan k b ninŋ k la yenua ku tie yanka daanua. ⁸ Ŋua daan sonm k saa sɔnjala gungɔnt bua nee ninŋe, sian minba k puo cincuonn na bena, k u gal sɔnnu nba kpia u yaak na. ⁹ L daan tie dajuoko, k sua k yaa linbɔnn. ¹⁰ K puo na tuokua, puona daan lia nan jantonn na k daan tie Selmii. ¹¹ U daan tie puo nba mɔk pale, k bia k tiin fei k sonm sanjala paak yuo kul. ¹² U daan tu sie sanjala paake, nan niibinba be sian ninba, nan sɔnngonta buol, k gu jab. ¹³ U daan kakin sua nae, k balua, k got u nunŋ po, ŋaan yet a: ¹⁴ L bo tie k min mann malunŋo dinna; kn manna. ¹⁵ L paak k n nyii k kpaana, k ji tuoka. ¹⁶ N ji cabʒann cincenn nba nyii Ijipt nae, k lat n godo paak. ¹⁷ N mii tulaali nba k b yii miil na, nan da loes nan sinamone n duanu paak. ¹⁸ Baat na, k tin dual l paak k ten yente sannyiɔk k jelin k gbuo. ¹⁹ K l maan n sɔlua kaa ŋaak, u yaat k saan sial powa. ²⁰ U jii lilie nan pokl, u saa jen ŋmaa paanŋe wa. ²¹ U jii lanonnae k kpalua, k muat u mɔb po. ²² L yuo na k jua na ji wei puo na k saa, nan ba tuu saa nan naab naakpibuol na, nan waatua nba k b lolua k yaan buo na. ²³ Ka ka nan pienu ŋmuuk saalua, nan noinŋinba tuu yuukl k saan ku balukninŋne, u k mi nan u manfual be kun ninŋe. ²⁴ Mɔtana jik, n wass gbintl man, k gbat linba k n yien na. ²⁵ A daa t ka niɔnŋ kua l puo. A daa t ka niɔnŋ kua l puo buolu ninŋ, a daa waa u sɔnni. ²⁶ Puo manŋ biil jab bonciann, k b yab bonciann binba k u kpiib. ²⁷ U ŋaak, tie kun sɔnnue, l saa kpientinŋe.