¹ Bat Dafit din yiin Islael bat nba kul jelusalem ,ŋamme tie saakab nba golii buolu kul paak ,nan saakab nba golii tuona kul paak ,nan saakab nba golii nakuut paak ,nan saakab nba golii mɔkint nan bonkobit nba tie bat nba nan bonjaii yal ,k pukin bat ŋaak saakab kul nan kunkɔnkɔnna saakab nan nijaana kul ,k b taan lieb jelusalem . ² Bat Dafit din fiil set b tuann e k yet a:N naa waat nan n niib gbiintl k tuln ,N luon k n maa ŋaake k lii tie t yomdanɔ yennu mɔlol lakl nba tie u taakpaktil na dindualbuol .Ntien siil nan mn maa ŋaak k baakua wa. ³ ŋaan yennu manŋ betin a min kaa saa maa ŋaak k tulɔ k maan n tie kunkɔnkɔnnɔe , k kpii niib bonciann . ⁴ Timm Islael tieb yomdaanɔ yennu e gannin n baa ŋaatieb ni a,min nan n yaabuonaa e saa dia Islael tieb nan yuo nba kaagbennu .Udin nyinn juda buolue a bii tie tuann damm,k juda ŋaak ni k u gann n baa ŋaatieb .ŋaak na tieb kula ,ŋaan upaldin pien nan wun gannin k tienin Islael tieb kul bat. ⁵ Yennu tuln bonjaii bonciann , b kul manŋ,ŋaan yennu gann solomon e a wuu tie daanɔ nba saa di Islael naan nba tie ŋua yennu yal na. ⁶ Yennu betn a ,Abija solomon e saa maa n ŋaak .Ngann ŋuae k u sii tie n bik ,k n mun tie u baa. ⁷ Nsaa te k u naangbounŋ n wei ,lii tie k u dia n wannu nan sennu nan waa dial mɔtana bianŋnba na . ⁸ L paak n niib i be yennu nan Islael tieb kul tuonne na.N bielii maa yii saak i yomdaanɔ yennu sennii nba k u wannit na fanu ,k ln te k yin fit kua tinŋanŋ na ni yuo kul ,k tan gaan tul ii yaabuonaa nba saa wei puol na. ⁹ KDafit yet solomon a:Nbija solomon ,n biela nan ii mi a baa yennu ,kii jiantlɔ nan a pal kul nan a yan kul .Umi t dudukt nan taa luon lnba kul.Fii bal u buol u saa gaala wa ,ŋaan fii tulɔ kpinkpaal ,u saa nyikae fas-fas . ¹⁰ L ŋan k fan bann nan yennu e ganna ,a fan maa u kassi ŋaak .L paak,ii kakii k maa nan palcienn . ¹¹ Dafit din wann u bija solomon bianŋnba k u saa maa yennu ŋasaakak na ,nan l tiat binbebuol nan diliet nba pukn nan ,kassi yaa kassi buol,sianba k yennu sii nyikt cabt biit . ¹² U bia din tulɔ lola nba kul k u mɔk u dudukt ni ,k jiin dindont nan diit nba kul lintil ,nan diit nba k yennu ŋaatiat nan piinii nba k b tien yennu na sii be l ni. ¹³ Dafit bia din wannua bianŋnba k u saa taan manntieb nan lefit tieb k wannb baa tuu sii tuun b tuona bianŋnba yennu ŋasakak na ni ,nanbaa bia sii ŋamii yenjiantu tuontubona bianŋnba . ¹⁴ Dafit din wann salimpiena nan salimmona bianŋnbae k b saa jii k ŋamm jiantu tuotunbuona manŋ . ¹⁵ Nan bianŋnba k b saa jii ŋamm fitil kul nan fitsaenta. ¹⁶ nan salimpiena tiebula ,nan salimmona tiebula nba k b tuu saa jii paanu kuna k paan l paak k tul yennu . ¹⁷ Ubia din wannib baa saa jii salnŋana k l yab bianŋnba ,k ŋamm l diit mɔyaalii nan senii nan boba ,nan baa bia saa jii salimpiena nan salimmona k l yab bianŋnba k ŋamm senii . ¹⁸ nan baa bia saa jii salnŋana k l yabnt tie bianŋnba k ŋamm binbintl nba k b sii dia bonnunubt k jokt muu l paak .Udin wannib baa saa tien bianŋnba k nan salima toluk k tul bona nba mɔk kpinkpant nba nba lat yennu mɔlol lakil na paak. ¹⁹ Bat Dafit din yet a;Llnba na kul tie ŋmakta nba k yennu mɔnŋ din wannime k n dian . ²⁰ Bat Dafit din ŋamm yet u bija solomon a :Ii wakii k cie a pal piint tuonn na kii tuun ,k daa te k sua gɔii-ani,k t yomdaanɔ yennu nba k n jiantilɔ na sii be nana u kan nyikaani ,ŋaan u sii be nan nan faa tan saa gbenn jiantu ŋasaakak na paak tuona. ²¹ Manntieb nan Lefit tieb e yen tuona nba sii tuun yennu ŋasakak na ni .Tuontuna be ,k sua kul fit tuun tuonn nba k u tumii,k tien siil nan bn somma ,saakab nan niib na kul be a nuu ni.