¹ Islael waas nba jan bienŋ nb nan naakuut saakab, nan niib tuta saakab, nan niib kobi saakab, nan kunkɔnkɔnna saakab nba dintuun kpanbal tuuona na, k jiin l inba kul tié niib na bɔktin po. b baalu nan b kunu, ŋmalk kul, binn ŋmaali k ul ni, kuuonn kul din tu tié niib tuta punle nan ŋannae. ² Sinsinn ŋmaalk bija. U kuuonn din tié niib tuta piinle nan ŋanna. ³ u din nyii pélé naakuk nié, k ŋmakt-l sinsinn ŋmaalk kuuonn na saakab. ⁴ ŋmaalk nba pukin munle tie Dodai yal, k u tié a hohi yaabuonn. K mik lo f tie wunba waa u paak. u kuuon din tié niib tuta piinle nan ŋanna. ⁵ K ŋmaalii ŋanta ni tie b e naya yal, k u tie manntua Jehoya da bija ŋuae din tie nijaana piinta na saakua, k u bis a. a.mi sabad gaal u setu. u kuuonn din tié niib tuta piin le nan ŋanna. ⁶ Beneja maŋ din tié kunkɔnkɔn daann-é niib piinta na ni, buuaé bie din tié l niib piinta saakua ; k amisadad, u bija dintie u kuuonn saaka yennuae. ⁷ Banna paak, ŋmalii ŋanna ni din tié l niib piinta saakua ; k amissadad, u bija din tie u kuuonn saaka yennuae. ⁸ Banŋmu paak ŋmaalii ŋanŋmu ni din tié can ba schamehuth, wunba tie Jisalchit nua ; ku kuuonn din tie tuta piinle nan ŋanna. ⁹ Banluob paak ŋmaatii ŋanluob ni din tié I la yal ku tie Ikes bija, k nyii t ekoa. u kuuonn din tieniib tuta piinlenan ŋanna. ¹⁰ Banlole paak, ŋmaalii ŋanlole ni din tie héle t yalk u yii pelonn, eflaim waas ni; u kuuonn din tié niib tuta piinle nan ŋanna. ¹¹ Banniin paak, ŋmalii ŋanniin ni, din tié sibkai yal, ku nyii huskat duuo ni, ŋaan tié sela naakuuk nilŋ. u kuuonn din tie niib tuta piinle nan ŋanna. ¹² banyia paak, ŋmaalii ŋanyia ni din tié abiesel yal, ku nyii anatof, k l be benjaminn buuolu yent ni u kuuonn din tié niib tuta piinle nan ŋanna. ¹³ piik paak, ŋmaatii piik ni, din tié mahalai yal, ku nyii netofa. u din nyii sela naakuuk nié. u kuuonn din tie niib tuta piinle nan ŋanna. ¹⁴ piik nan yen paak, ŋmaalii piik nan yen ni, din tié benaja yal, ku nyii pilatonn k l be eflaim yent ni u kuuonn din tie niib tuta piinle nan ŋanna. ¹⁵ piik nan banle paak, ŋmaalii piik nan ŋanle ni din tié heldai yal, ku nyii netofa, u din tie, otniel yaabouuoné, ku kuonn din tie niib tuta piinle nan ŋanna. ¹⁶ sana nba naétié Islael buolu piik nan ŋanle na tuandanm: lubénite nba tuandanɔ: elisel, ku tie sikli bija; simeonite nba tuandanɔ: schefatiaa ku tie maaka bija; ¹⁷ lévite nba tuandanɔ: haschabia; ku tie kemuel bija; k nyii dlon tsadok naakuuk ni. ¹⁸ Juda tuandonɔ: elihu, ku tié david ninja; Isakaltuandɔ: omli ku tié micael bija; ¹⁹ sebulon tuandanɔ: Jischemela, ku tié abdias bija; naftali tuandanɔ: Iclimof, ku tié asliel bija; ²⁰ eflain waas tuandanɔ: hosés, ku tié Asasia bija; manassé naakuuk bɔkl niib tuandanɔ: Joel ku tié pedaja bija ; ²¹ manassé naakuuk bɔk liel niib k sa tu Galaad tuandanɔ: Jiddo, ku tie zakali bija; benjamin: tuandanɔ Jaasiel, ku tié Abnel bija. ²² Dan tiéb tuandanɔ: Azalel, ku tié Jelocham bija. ŋanmaé din tie Islael naakuut saakab. ²³ David din k kan naasin paaunŋ nba k baal bina piile k gal na, nikant, kinaan kangbenu din senn mɔsonn nan u saa te Islael tiéb n pɔt nan ŋmaabla nba be sanpaaponae. ²⁴ Job, tsluja bija, din piin k kaan nikant, ŋaan din kgbenn, k kangbennu wutuol nba duo Islael paak na ku dat b tuba, nikant na paak, l paak, niib na munn kann din k dien pukin kpanbal david kaada saakɔkni. ²⁵ Azmaveth, wunba tié Adiel bija nae din golii kpanbal mɔktin paak, Jonathan, Ozias bija din golii kpaant mɔkiny paak l digbangbenŋa ni, nan digbanbis ni, nan tinŋ na kul po. ²⁶ k ezli, wunba tié kelub bija na golii kpaant tuona paak. ²⁷ k Schimei, din nyii lama na, golii daan tiluana kpaant, k zabdi, wunba din nyii schefann na golii tiluana daan tuuona paak. ²⁸ k baal hanan, wunba din nyii guédel na golii kpai saanii nantilontii nba be kunkona paak nan paanu ni na; k Joasch, mun golii kpan paak diit ni. ²⁹ kschithlai, wunba nyii salonn na din golii nai paak kin ba k b din kpaalb salonn na, k safat, wunba tie Adlai bija na golii nai paak baat ni. ³⁰ Kobil, wunba nyii Ismael buuolunina din golii yokyokt paak; k Jechdia, wunba nyii mélonof na din golii bomii paak. ³¹ k Jaziz, wunba yii hajal buuolu ni na din golii bonkobbit paak; b kul na din tie kpanbal david faadilde. ³² Jonathan, david baa waal din tié kpaantuaé, k tié nua nba mɔk yan, k bia mɔk banm; k Jehiel; wunba tié hakmoni bija na din be kpanbal waas buole. ³³ Ahitofele din tie kpanbal kpantua-e; k huschai, wunba nyii alk na din tié kpanbal n yuuak-é. ³⁴ Ahitofel puuol poe, k Abiatal nan Je Hoyada, wunba tie benaja bija na, ji din tien kpanbal na kpaan tieb. Joab-e din tie kpanbal na kunkɔnkɔnna saakua.