¹ kpanbal Dafid din yet niib na kula ''Nbija salomonn-e tie daanua nba k yennu gannua , ŋaan u pɔta k daa k mɔk yan Tuonn nba tie lin tun na paal bonciann , k maan ŋasaakak na k tie nisaali yal ka, ŋaan l tie kagbenu yale . ² N yabil bonciann k lon tiat nba saa maa yennu ŋsaakak nawa , l salinmɔna , nan salinpie na , nan kutmɔnt , nan kutlaana, nan taabii , nan , tanbinyinyila nba daaɔk paal , nan tanjab kala , nan tanpie na , nan tanbuolu kul k l yab bonciann ³ Maa lek lon linba na, ŋaan bia nyinn salinpiena nan salinmɔna n tiɔŋ jafaa ni k pukin , k maan n mɔk lonm nan yennu ŋasaa kak na paak . ⁴ Salima nba ŋan tusa ŋan taa, nan salipiena tu sa ŋanlole a lin jii ŋann yennu ŋasaakak dikpina ⁵ Nan salinmɔna , nan salinpiena nba k tuontunna saa jii k nanmae mun bobin ŋ bona . I ŋmee mun bobin nan wun jii u piini k tul yennu dinna? ⁶ ŋanne k naakuut saakab , nan buolu na saakab , nan kunkɔnna saakab , nan saakab nba goli kpanbal mɔkint na tul nan b pala kul ⁷ B din tul linba nae a lin maa yennu ŋasaakak salinmɔnkuna tusaa ŋanmu. nan salinpie na tusaa piik , nan kutmɔnt tusaa piik , nan kut laana tusaa piik nan ŋanniin. ⁸ Binba din mɔk tanbinyinyila nba daaɔk paal na din jii tul wunba goli kagbenu ŋasaakak likiiliie, k b yiu jehiel , k u tie Liifi buolu k nyii Gelsonn naakuk ni na ⁹ Niib na din tul nan b pala kule , k mɔk palpienn linba k b tul kagbenu k l yab na paak . kpanbal Dafit mun bia din kpanme . ¹⁰ Niib na kul tuanne k kpanbal Daafit din pak kaagbenu k yet a: dontil tie a yale mɔk mɔk nan mɔk mɔk ¹¹ Kaagbennu fine tie yenjaann , k mɔk yii ko , k a baakl yab , ka mɔk nyannu nan ŋant bonciann. fine yen tingbɔnŋ nan sanpaak kul , k tie kpanbal gbenŋil nba dia bona kul . ¹² Mɔkint nan sanŋann kul nyi a buole , k a dia bona kul nan a panŋ nan a yii ko , k a fit dont nilɔ ku tie nijaann , k mɔk panŋ ¹³ Mɔtaa na , yennu , t tiena nii puok , k dont a sann nba tie baakl na . ¹⁴ kin tie ŋmee k n niib man laa me k saa fit tula siali nan t yanbuati? bonn kul nyi a buole k t gaan linba ka tient nan a ŋant nuu na k ŋmat k tien a . ¹⁵ T tie saame a nintual ni k be nan t baanba nba din be na Tman ful tinŋ na paak tie tiik maa su na e k dindann k be ¹⁶ kaagbennu , t yennu , a nuu nie k mɔkint na kul nyi k t bobin a tin maa a jiantu ŋaak a sanŋanŋ paak k bont kul tie a yale ¹⁷ N mi nan fin yennu bikint sua kul pal , k mɔk palpienn nan binba mɔk binbenŋ . Bona nba na kul , n tula nan n pal kul nan balmɔniie , k mɔtaana nji la palpienn nba k niib na mɔk nan baa tula b piinii nan b pala kul na wa. ¹⁸ kaagbennu nba tie Ablattaam nan Isak nan islael t yaajanm , ŋaant k lom na buolu . ii be a nii b pala ni mɔk mɔk nan mɔk mɔk , k te k b mɔk mɔsaku nanna ¹⁹ Tulin n bija salomon pal nba k u sii luon wuu saak sennu nba k n tien siil nanna . ²⁰ Tɔn k Daafit yet niib na kul ''pakin i kaagbennu wunba tie b yaajanm yomdaanua yennu na . k baa fabin tinŋ ni k tul yennu baakl , k bia tul kpanbal na baakl ²¹ Laa yent sannyiɔk , k b baal nan bonkobt k mann : najai tutl nan pejai tutl , nan pegana tutl nan bonnyunyuut yenpiinii , nan yenpiinlia nba be kul , k l janŋ islael tieb kul paak . ²² L daal b din mɔk palpienn bonciann k dii k bia nyuu tuann B din muant taal munlee-e nan salomon tie kpanbal , Daafit bjia . yennu sannie k b din muant kpan u paak nan ŋua e b kpanbal , k bia muant kpan sadok paak k u tie manntua ²³ Salomon din kal kaagbennu kok paak k ji gaal u baa Daafit sienu k tie kpanbal , nan yennu nba wann biaŋinba na . u din tie kpanbal nba laat nyannue , k islaael tieb kul , saak u mɔk . ²⁴ kunkɔnkɔnna saakab kul , nan nijaana kul , nan kpanbal Daafit bonjai kul din sat mɔk nan b saa sikin b mɔnŋ kii waa kpanbal solomon . ²⁵ kagbennu din te k islael tieb kul tiin solomon , k baak tua k gal islaael kpanbal lia nba tuu diab . ²⁶ Daafit wunba Isai bija din dii naan k dia Islael tieb kul ²⁷ U din dia Islaael tieb bina piinna . Heblon dua , k u dia bina ŋan lole . k kal jelusalem bina piinta nan ŋantaa ²⁸ U din tan kpete wa k kpo . u din din dii manu u manfuol ni k mɔk mɔk kint , k bia la baakl niib buol , k u bija salomon din gaal u kok u yial niŋ . ²⁹ kpanbal Daafid bisin ni k tan tuu u kpetuk labaal din yennu sɔkiniinba bantaa na gbant ni ŋanmetie samuel nan Natann nan Gad . ³⁰ U labaal manŋ want waa din dia duo bianŋinba , nan waa paal biaŋinbae . nan linba kul baal , k bia baal islael tieb nan digbana nba kul kpiab .