1 L puolpo, k Amon tieb kpanbal, Nsaas, kpo, k u bija gaal u baa naan manŋ k dia. 2 K Daafiit yet a: N saa ŋanm wan n lom nan Anun, Nasaas bija na, k maan u baa bo wann u lom nan nin ma. K Daafiit tun namaat tieb a bin kaan u pal u baa kaalin po. Yuonba k Daafiit tuntunna baal Amon tieb duo ni Anun buol, a bin kaan u pal. 3 K Amon tieb saakab yet Anun a: A malii nan a baa colint paak-e k Daafiit tuun, palmaan danm a buol ii ? U l luon k wun ŋanm bann duo kaa k fit k biil l, k jii bonna nba be duo ni na paak kaa k u tuun u tuntunna a buuk na? 4 Ŋann nae k Anun suol Daafiit tuuntunna na, k kulib , k bia pat b tiaat kalpaak k tan dien panna buol. ŋaan bel kunnib. 5 K b wann Daafiit lin nba tienn u niib, k u tuun niib k b tokib, k maan b yan din ŋmate; k kpanbal yet a: Ii biel ki be Jeliko ka-kaa nan ii tiaanii yaan tan saa piaa, k yin ji jen. 6 Amon waas nba bann nan bi tun biil Daafit, k Anun nan Amon waas tun nan liklii kpeiu tutl Silii tieb nba be Mesopotammi na nan Silii tieb nba be Maaka nan Tsobaa na buol a bin gaal taantdlt nan taanjaklaa. 7 B din gaal l paak taantolt tuutaa pintaa nan ŋanle nan Maakaa kpanbal nan u niib, binba din baal dual Medebaa num po. Amon waas din nyii b doii ni k taan lieb, k som saa kunkɔnn. 8 Daafit yaan gbat l labaal yuonba, k u tun soab nan sejem kul, nan jab nba ban kɔnn kul k b tokb. 9 K Amon waas nyii, k bobin kɔnn duo na kunkuan buol; k kpanbalaa nba din baal tɔkin jiak-jiak duo na ni. 10 K Soab ji bann nan u saa kɔn nan nunm po nan puol pokul. K u ji lukt Islael niib nba ban ŋanm ban kɔnn, k b took Silii tieb; 11 k ji u ninja Abisaai k tiennɔ niib nba bial na kul ŋmaktɔ, a bin tol gaal Amon waas. 12 K yet a: Lii tie k siili tieb mɔk panŋ k cien, fin baal taanin, k lii tie k Amon waas mɔk panŋ k ciaa, N saa baal k taan naa. 13 A suol a mɔnŋ, k tin wann ŋmibl nba k t mɔk t niib paak nan t yennu doii, k kangbennu n tuun linba ŋan k tulɔ ! 14 Soab, nan u niib, nakii a bin kɔn nan Silii tieb, k b tien lii u nunmpo. 15 Amon waas nba mun la k silii tieb ciaal na, k b mun ciaal Soab ninja, Abisaai nunm po, k saan kua duo ni. K soab tunn jen selusalem . 16 Silii tieb yaan la nan Islael tieb paakib na, k b tun a bin saan kpaan Silii tieb nba be puol na; K Adaalesel sejem saakua, din tie b saakua. 17 K b wan Daafiit, k u taan Islael ku, k b tɔkin sodin, k bobin b mɔnŋ, a bin cetib k kɔnnanm. K Daafiit bobin kunkɔnn a wun kɔn nan Silii tieb. Ŋaan Silii tieb yaan la k u kɔn nanm k paakb k b ciaal Islael num ni. 18 K Daafiit kpii b niib nba diaa taantdl tutaa ŋanlole nan niib nba som taatinŋ tutaa pinnan, k bia kpi b sejem saakua Sofaas. 19 K Adaalesel tuuntunna mun yaan la, k Islael tieb paak b, k b to Daafiit maanm k manŋ nan nɔ. K Silii tieb ji din luon bin baal taan Amon waas na.