¹ L puolpo, k Dafiit kon nan Fiilist tieb k paakib, k fat Gaat nan digbanna nba kook k linbtb. ² U bia din kon nan Moab tieb paakb, k tiennɔ. ³ Daafiit bia din kon nan Tsooba kpanbaal, Adaalesel, amaat yakl po, kyonba k u din luon k wun jii yial nba kpaia nan Eflaat kpenu na k tien u yial. ⁴ Dafiit din fat u taantlit tutl, nan taanjaklaa tutaa piinle, k lukt taanni nba sa fit jii taantolt na kobk, ŋaan konn-konn bin ba bial na kul taa. ⁵ K silii tieb nba be Daamas baal a bin a bin taan Tsooba kpanbal Adaalesel, k Dafiit kpii silii tieb tutaa piinle nan ŋanle. ⁶ K Dafiit ji caan seje kanŋ Daamas silii tieb duo ni. K silii tieb ji tien u yab kpa lanpo k tiennɔ. Kaagbennuk din guu Dfiit siannin ba kul k u saa. ⁷ Dafiit din jii likmɔnna nagbankɔnnŋaa nba k Adaalesel kunkɔnkɔnna din mɔk na k kunnann Selusaalem. ⁸ Dafiit bia din fat kut monnaa bonciann Adaalesel doi nba tie tibsaat nan kunn k tien kutbuuk, k tien bon taata, nan kutmɔnt bondiakaa, k l be yennu ŋasaakak ni. ⁹ Amaat kpanbaal, toou gbat nan Dafiit paak Tsooba kpanbal Adaalesel. ¹⁰ K u tun u bija, adoolam, kpanbaal Dafiit buol a wun fuontɔ, k tiennɔ baalk nan waa lek Adaalesel k bia paakɔ na. K maan Toou manŋ nan Adaalesel din saak konn paak e. U din baal nan likmɔnnaa bonciann nan liklii, nan kutmɔnnaa k pe Dafiit piinii. ¹¹ Kpanbal Dafiit din jii k k tul kaagbennuk, nan bliklii nan likmɔnnaa nba kul k u din jii Edoom, nan moab da ni, nan Amon waas buol, nan fiilist tieb buol, nan Amalek buol na. ¹² K Tseluja bija, Abisaaii, kpii Edom tieb tutaa piik nan ŋaannien yaalin baok ni. ¹³ K din senn seje kanŋ Edom duo ni, k Edom tieb kul dintɔ Dafiit niib. Kaagbennuk din guu Dafiit sianni nba kul k u saa. ¹⁴ Dafiit din diaa Islael tieb kul, k tunun linba ŋan k bia took, k tien u niib yokul. ¹⁵ Tseluja bija, Soab, din tie kunkonkonna sakua, k Asiilub bija, Sosaafat golii kadaat paak. ¹⁶ K Asiitub nan Abiimel, wunba tie Abiataal bija na bija, Tsaadok tie mantuɔ, K saafsa tie kada diantuɔ. ¹⁷ Seosadaa bija, benajaa, tie kele tieb nan pele tieb saakua; k Dfiit was tie u toontunnaa saakab kpanbal buol.