¹ Kpanbal Daafiit nba din kun kaal u ŋaak nii k u maat yennu soknii natan a: N be ŋnaak nba k b tie nan kpekii daat na e, k molol laakl na be lanbonŋ ni. ² K Naatan jiin Daavit a: Tient linba kul be a pal ni, k man yennu benanaa. ³ La bonn k yennu bia ŋnam yet Naatan : ⁴ Saant maat n tuntunnɔ Daavit a: kangbennuk yet a: Fin kaa sa maa ŋnaak nba k n saa tien n binbe buol. ⁵ K maan n k ban dual ŋnaak ni laa nyii daal nba k n bo nyin Islael daabsni nan dinna, ŋnaan n bentl k lebtl lanbɔnt e, k lebtl dinduɔ buul. ⁶ Ma som nan Islael siannibakul, n tan ban yet n mobonn danm nba be Islael na suɔ daanuɔ nba sii dint n niib, n ban yet a: bee tien k ii k maa n ŋnaak nan kpekii daatii? ⁷ Mɔtaana a yet n tuntunnɔ Daavit: Kangbennuk yennu yet a: N bo jii a peii puol poe, muuk ni, k tien a Islael niib kpanbal, ⁸ N tu be nannaae yuo kul, sianninba kul k a saa, n kpii a dataii kul e, k lebt a sann k l naan nigbeŋaa nba be tin na ni sanaa; ⁹ N tul n niib Islael tieb dundualbul, k sennib, k b sie kan-ken k kdam, a b dataii da fit k buotlb nan sianyuo na. ¹⁰ K l tie nan sianyuo maa bo kaan buut danm n niib Islael tieb buol na. N sinkin a dataii na kulaa . N wanta nan kaagbennu sa maa ŋnaak k tula. ¹¹ Lii suo k a danna a gbenn k a saan a yaajam buol, n saa nyinn a bonjaiin na ni yennɔ k dinnɔ naan, k te k u naan na ii mɔk panŋ. ¹² Ŋɔɔe sii tee daanɔ nba saa maa ŋaak tulin, k n saa te k u naan na ii mɔk panŋ yoo kul. ¹³ N sii tie u baa e, k u tie n bija, k n kan ban nyik u sommil, nan ma din nyik wunba gal k a baal na sommil na. ¹⁴ N saa kannɔ n ŋaak ni nan n naagbauŋ ni yoo kul, k u naan na sii mɔk panŋ yoo kul. ¹⁵ K Naatan saan wann Daafit mɔmaan manŋ nba kul k yennu fiit k wannɔ. ¹⁶ K kpanbal Daafiit saan kaagbennuk tuann po, k yet a: N tie ŋmee, kaagbennuk yennu, k n ŋaak tieb bia, k a te k linba na baal maa be sianna? ¹⁷ L tie bon bike a numni, oo yennu ! A maat linba saa baal a tuntunnɔ ŋaak yoo nba baate. K a kpaa a numm n paak nan niib na, fin nba be sanpaapo, kaagbennuk yennu! ¹⁸ A tuntunnɔ Daafiit bia sa pak bee k tula faa tulɔ yudant nba na ? A ban a tuntunnɔ. ¹⁹ Oo kaagbennuk ! Alomm nan a tuntunnɔ paak e, k a tun linba yab k wann paanu ni. ²⁰ Oo kaagbennuk ! Ta gbat linba nan t tubaa na, yennu k be pukin a po, nuɔ bia k be k namaa. ²¹ Nibuolu be tinŋ ni k naan a niib nba k yennu baal k nyinnib k tiem u niib Islael na, k mun saa fit tun baktnɔŋ tunna, nan nyinna, k bel nibul fannu a niib nba k a bo fatb Egipt na num nii? ²² A kaan a niib Islael, a wui tie a buolu yoo kul, k a mun ji tie u yennu. ²³ Mɔtaana, oo kaagbennuk! ŋaant k a maam nba kaa pak k tul a tunnɔnanu ŋaak paak na lii be be nan dulniaa gbennu, kii tɔkint a mamm ni kii tuun. ²⁴ Lii be nna, k a sann ii do yoo kul k niib ii yien a: Kaagbennu yennu , Islael yennu, tie Islael tieb yennu e ! kK a tuntunnɔ, Daafit ŋaak ii mɔk panŋ a buol ni ! ²⁵ K maan fin mɔk, oo yennu, fin nii dɔkt wann a tuntunnɔ a a saa maa u ŋaak. L paak kii te k a tuntunnɔ be a tuann k meiia ! ²⁶ Mɔtaana, oo kaagbennuk ! A tie yennue, a wann a tuntunnɔ li lomm a. ²⁷ A ji tien yet ŋaanm a tuntunnɔ ŋaak paak, k wuii be a tuann po! K maan linba k a ya yetiŋaam, oo kaagbennuk ! l tu la yetiŋaam mɔk-mɔk nan duniaa gbennu.