¹ K binn nba waa na ni, yuo nba k kpanbal bobint tob faanu na, K Suob tie sejem kanŋ nba mɔk panŋ na saak k b saan kon paak Amon waas , k bia lek laabaa. Ŋaan Daafiit din bial be selusalem-e. Suab kon k paak laabaa k biilɔ. ² K Daafiit yit kpanbal na foklik, k l kpeii tie nan likmɔnn yenn. Foklik manŋ b din jii tansaakin ŋnignilaa: K b jii yilin Daafiit yul paak, k u kpen nan tɔb faanu ni bonnanna u duo ni. ³ U din yninn doo manŋ niib k bɔkt-bɔkt b k te k b tuon nan kpanpintaa jukii, nan kua, nan pajalaa; U bia din tien Amon waas duo n nae. Daafiit ji din tuunn selusaalem e nan u niib ⁴ L puol po, k b kon nan Fiilis tieb Gesel duo ni. ŋan na k u saa jua, Sibekaai, kpii siipaai, Raafa waas ni yennɔ. K Fiilis tieb dii feii. ⁵ K kunkonn bia baal ŋam nan Fiilis tieb. K Saiil bija, Elkaanan, kpii Goliat ninja, laasminba be Gaat duo ni na, k u din mɔk kpann nba k l daaɔk din naan daɔk nba k b dia luu Cabaa na. ⁶ K kunkon lieb bia baal Gaat duo ni. L buol din mɔk jafuok n na, ku mɔk niibla ŋanlob-lob taal kul, k l kul taan tie piinle nan ŋannan, k u din nyii Raafaa ŋaak ninŋe mun. ⁷ K u sukii Islael tieb, k siimea bija, Daafiit walɔ, sona tan kpiiu. ⁸ L jab din tie Raafaa waas e Gaat duo ni. Daafiit nan u tuotunna ii din kpii b kul nan b nii.