¹ Dafit kal bat nba tuta, nan kobi, nan kpanbala waas kul. ² K Dafit yet Islael niib kul, lii tie ki la k l ŋan, k laan l nyi kaagbenu, t yennu, tintu loka kul po t yualb nba bial buol Islael Digbanyalt ni, nan binba tie nann tieb, nanLefiit tieb buol, nan digbana nba k bunko gubia be, nna k bikul n laan nant. ³ Nna k tin je t yennu lakl, k naan t mɔk saaul saak. ⁴ K niib kul tuo suol a li tie nna, k naan bona tie boŋanne niib kul buol. ⁵ Dafiit taan Islael kul, la jiiSiisol Ejipt nan Amaat kuanu, Kiljat siialim k jenan yennu lakl. ⁶ K Dafit nan Islael kul duo baala, Kiljat Siilim, nba be Siida, a bin donn leŋ yennu lakl, siannba k b sii dot kaagbenu sann maalaka nba baa mɔk kpinkpant na sinsuk ni. ⁷ K b jii saan nanndaabi naa daal ŋaak: Usaa nan Ajo bo kan tob lol na. ⁸ Dafit nan Islael kul waa yennu ni nan b panŋ kul, k yin yani, k faa biat, k pieb yeli, k faa gingann biit, gungɔnnduuni nan katkai. ⁹ Ba baal giidon yial niŋ, Usaa tant nuu k suol lakl na, kimaan nei bu te k l gben. ¹⁰ Kkaagbenu faau kimaan u bo tant nuu lakl paak . k Usaa kpo leŋ yennu nunŋ ni. ¹¹ K Dafit pal k manŋ nan kaagbenu nba tien Usaa bianŋinba na. L buol k b ji yii l buol Usaa kunbuol. ¹² K Jaŋmaani suol Dafit l daal, k u yet, n tien nle k kun nan yennu lakl na n ŋaapo? ¹³ Dafit din k nyin lakl k bilu ŋaapo, Dafit yet ni, ŋaan saan nann Obet Edom ŋaak gat. ¹⁴ Yennu lakl bial Obet Edom ŋaak ŋmaali ŋanta, u ŋaak ni. k kaagbenu yal u yet ŋamm Odom ŋaak nan linba kul k u mɔk.