¹ Gotl binba saan Dafit buol tsiiklak, yuo nba k u fɔk nan sɔl daann na, kilis bik. b bopukin jab nba guant na po ku bu tu mal b soml tɔb yuo. ² B bu tie tabantualu, k lunn tana nuujetu nan nuuganŋ, ŋaan yiek piini nan b talbanna b bu tie sanbian saul nijam kan ni. ³ Bat Asesal nan suut Semaa bik, k tie gibea buolu; sesel, nan pelat Amafet bik; Belaka; Seiu, Danaatuot; ⁴ Sismaja, gabaon nilɔ, ku nyuun niib piinta bat nba piinta ni, Selemi; Saseel; Sosaanann; Sosaabaat, gedna nilɔ; ⁵ Elusaai; Selimɔt, bialia; Samaalia; sefaatia, Alof nilɔ; ⁶ Elekaana Sitsija, Asaalael, seasal nan setsabeam kalemit; ⁷ suoela nan sebadia selosam bik, gedol nilɔ. ⁸ Gadit nba ninŋ, bi nba k guant na saan Dafiit buol palanpieonŋ fɔbik, k sajem lek yabi tab ni, k lua naagbankonŋa k dia kpana, k naan yanɔɔla, k bia kaki na k bakpela na jual paak. ⁹ Esel, bat; Abolis, wun nba paa banle paak; Eliab banta paak. ¹⁰ Mismaana, bannan; Selemi, banmu paak; ¹¹ Ataai banluob paak; Aliel, banlole; ¹² Sosaana banniin Alesaabat, banyia paat; ¹³ selemi, piikpaak, makbaania, piik nan yenn. ¹⁴ B tie Gad waate, sajem saakua; yennɔ kua bunbikpo waa fit lek jab kobk, k saakua po saa fit lek jab tutl. ¹⁵ Gotl linba gal mɔkl niŋ ŋaacincin, yuo nba gaal l mɔka kpini k b bu biel bi nba kul kua baat ni, puol nan nintual. ¹⁶ Sanbian waat nan suda waat b kul bu saan Dafiit buol fɔbik na ni. ¹⁷ K Dafiit nyii b buol, k pak maan k teb, k yaa: i baal nan duduk ŋant a yien fatn n pal saa taan nani; ŋaan li tie kii yaa bont n k tul min n dataai e, li tie k n don wutuol t baa nba yennu n la k kunn mɔni! ¹⁸ Amasai Sajem saakua yennɔ, k yenfoŋanme sik u buuk, k yet: t be a ni, Dafiit, nan fi Asaai! laafia laafia a paak, nan laafia i be binba fialu paak. k maan a yennu futa a! k Dafiit gaalb, k kuam bat yial ni. ¹⁹ Maanase jab baal Dafiit buol, yuo nba k b saa kɔn nan saaul nan filist tieb. ŋaan b k tot filist tieb; k maan yuo nba k la Filist tieb kpanbala waat kpanbala waat tun Dafiit, k yaa: u saa kokin u tunitua k dukin t kun paak. ²⁰ Ba tunn tisi klak, gotl menaase yab baal u buol: Adenas, Sosabaat, sediel, Mekael, Sosabaat , Eliu nan tisiltai, bat nba tuta tuta nba be menaase. ²¹ B bu boi Dafiit somil b kɔn Amelecit kunkɔnkɔnna, k maan b kul bu tie binba guant, b bu tie bat nba sajem ni. ²² Daal n tu daal kul nii bu tu baal Dafiit buol a bin somɔ, ka ka nan wa tan la kansaakal, nan yennu kanŋ na. ²³ Gotl niib nba bo jan k dia kɔnkɔn saan Dafiit Ebien, k lua b gaal sɔl naan k te u, nan yennu nba laa banu nba. ²⁴ Suda waat, lia naagbekɔnŋa nan kpann, niib tutu ŋanluob nan kobiŋiin dia jatiat k saa kɔnn. ²⁵ Semeon Waat, kunkɔnkɔnna nba k guant kɔnn niŋ, niib tuta ŋanlole. ²⁶ Lefi waat, niib tuta ŋnannan nan kobiŋanlob; ²⁷ K seosaada, kpanbal bija nba be Alaon, ku tɔ nan niib tutaŋanta nan kobiŋanlole; ²⁸ K tsaadɔk, maasimɔ nba k guant, nan u baa ŋaak bat nba piinle nan banle. ²⁹ Sambian waat, saaul ninjam, niib tuta ŋanta; jaan nan mɔtana b niŋ suab be ŋant niŋ, sɔl ŋaak ni. ³⁰ Eflayim waat, niib tuta piinle nan kabi ŋanniin, b nba k guant, sann niib nan b baa ŋaa i na. ³¹ Nan menaase buolu bɔktin, niib tuta piik nan ŋanniin, k b niŋ k b lukt b k saa saan k kaan kpanbal Dafiit. ³² Isaakal waat, k mɔk bann na yui nba k Islael saa tun, bat nba kobinle, k nijam kul tuot b mob. ³³ Abiilon yab niib tuta piinmu bu saan sajet, k dia kunkɔnn paak kunkɔn tiat nba saa saan tɔb kul, k tuo nan b kɔn nan b pul kul. ³⁴ Aftaali niib, bat nba tutl, k b mɔk niib tuta piinta nan ŋanlole, k b lia naagbekɔnŋa nan kpann. ³⁵ Damiit nba, k b bobn kunkɔnn, niib tutu piinle nan ŋanniin nan kobi ŋanlob. ³⁶ Daslel buolu, bu saan sajet k tuo saa kɔn kɔnn: niib tuta piinnan. ³⁷ K surdin potl, libaanit nba, gadiit nba, nan menaase buolu boktin, nan b tɔb kunkɔntiat kul, niib tuta kob nan piinle. ³⁸ Niib manŋ kul, kunkɔnn niib, tuo k saa kɔn, ba baal cbl on k cie pala a bin kaan Dafiit Islael yet kul ni. Islael buolu nba kul bu bial tuo a bin kaan Dafiit. ³⁹ K b tien daa ŋanta nan Dafiit, k di k nyu k maan b ninjam ba bobn b jet a. ⁴⁰ Nan binba bu kua k kpia kaka Isaakal, nan saabiilom, nan naftali, baat nan jiet nan bomi, nan yuyukte, nan tilmɔna daan nan nei, nan kpan nan tilian kɔnna, nan pei boncian, k naan Islael din be palmunn ni.