¹ MAVɔMAVɔ ɖɔna Mɔyizi ɖɔ : yi axɔsu Ejipu tɔn de bo ɖɔ na ɛ ɖɔ : naxe mawu mavɔmavɔ Eblelɛ tɔn ɖɔ ɖe ɖye : jo togun ce do na ye nayi sɛwun . ² Enyi a gbɛ enyi a gbɛ yee jodo bolɛ hɛn yeewu keelɔ . ³ WUɖye alɔ mavɔmavɔ tɔn najɛ kanlin towe xeɖo gbemɛlɛ ɖewu e najɛ sɔlɛ wu e najɛ sɔ akɛtɛlɛ wu e najɛ ahwansɔlɛ wu e najɛ anyibulɛ kpo alɛngbɔlɛ kpo wu bɔ nukuku naɖo kpɔ . ⁴ Mavɔmavɔ naɖe Izlayɛli sin kanlinlɛ ɖovo na Ejipunulɛ tɔn bɔ Izlayɛlivilɛ tɔn ɖe kana ku ă ⁵ Mavɔmavɔ ɖɔ gan xemɛ nulɔ năjɔ ɖe boɖɔ sɔ mavɔmavɔ nablo mɔha ɖo tolɔ mɛ . ⁶ XE anyihɔn ale tlolo ɖe ɔ mavɔmavɔ blo nuxena e ɖɔ ɖe bɔ kanlin Ejipunulɛ tɔn bi ku bɔ kahu gbɔ ɖekpekpe ɖo Izlayɛlivilɛ sin kanlinlɛ mɛ ă . ⁷ FALAWɔN se nuxe jɔ ɖo tolɔ mɛ ɖe ; bɔ amɛlɛ wa ɖɔ na ɛ ɖɔ kanlin ɖokpo lɔsu kaku ɖo izlayɛlivilɛ tɔn mɛ ă Falawɔn se mɔ co bolɛ syɛn ayixa bɔ kajo Izlayɛlivilɛ do bɔ ye nayi ă . ⁸ Mavɔmavɔ ɖɔna Mɔyizi kpo alɔn kpo ɖɔ : mibɛ afinfin ɖo alɔmɛ na mɔyizi a nyii ɖo ji ɖo Falawɔn sin nukunmɛ . ⁹ Bɔ e nanyi kɔwungudu bona gɔ Ejipu tolɔ bimɛ bonazɔn bɔ nutitɛ natɔn ɖo agbɛtɔ kpo kanlin kpo bi wu ɖo Ejipu tolɔ bimɛ nutitɛlɛ nado asin bonawɔ bona blo mlɛ . ¹⁰ Bɔ ye sɔ afinfin boyi Falawɔn nukɔn bɔ Mɔyizi nyiido ji bɔ afinfinlɔ zɔn bɔ agbɛtɔlɛkpo kanlinlɛ kpo bi jɛ nutitɛ bɔ nutitɛlɛ wɔ bonyi mlɛ . ¹¹ majiki blotɔ Ejipu tɔnlɛ ka kpewu bonawa Mɔyizi de ă ɖo nuxe wutuwɛ ɖelɔ mlɛ ɖo yeelɔsulɛ wu ɖi amɛɖelɛ ɖɔwun . ¹² Mavɔmavɔ hɛn ayixa Falawɔ tɔn syɛn bɔ falawɔn kaɖoto Mɔyizi kpo Alɔn kpo ă ɖi naxe mavɔmavɔ ko ɖɔna mɔyizi xwe ɖanyi ɖe ɖɔwun . ¹³ Mavɔmavɔ ɖɔna Mɔyizi ɖɔ fɔn zanflun tɛɛn boyi Falawɔn de bo ɖɔ na ɛ ɖɔ mavɔmavɔ mawu Eblelɛ tɔn ɖɔ jo togun ce do na ye nayi sɛnwun . ¹⁴ ɖo dinlɔ un naɖo nunylanyla xe ɖo asyelɛ ɖe bi ɖohlan : hwilɔsu, amɛsɛntɔ towelɛ kpo togun towe kpo bɔ a na nywɛnyiɖɔ amɛɖe ka sɔwun ɖo anyigba lɔ bi ji ă . ¹⁵ Na un drɛn alɔ ce bosɔ ku sɔxo hwi kpo togun towe kpo nyilɔ e na bawekpo sin anyigbalɔ ji . ¹⁶ Amɔ un jowedo bɔ a kpoɖo agbɛ na a namɔ hlɔnhlɔn ce bɔ e najla unkɔ ce gbɔn agbɛlɔ bimɛ . ¹⁷ Enyi a site ɖó togun ce ji bɔ a majo yeedo bɔ ye yi ă lɔ . ¹⁸ Wuɖye un nablo bɔ sɔ ɖo gan xehaa mɛ pɛpɛpɛ lɔ un naja akɛnji bɔ enasyɛn tawun bɔ nujijɔ mɔhatɔn Kako jɔ ɖo Ejipu kpɔn sin hwenu xe tolɔ jɔ kaka jɛ din ɖe ă . ¹⁹ Dinlɔ a na xotɛ kanlin towelɛ kpo nuxe nyi towe bo ɖo gbemɛlɛ ɖe kpo bi ɖo akɛnji naja kɔnnyi agbɛtɔ kpo kanlin xe ɖo gbemɛlɛ ɖe kpo kanlin xe e makpewu bo glɔn ɖo xwegbelɛ ă ɖe kpo ji bɔ ye naku . ²⁰ Falawɔn sin amɛsɛntɔ xe nɔ ɖibusi mawulɛ ɖe sɔ amɛsɛntɔ yetɔnlɛ kpo kanlin yetɔnlɛ kpo ɖo xwe yetɔnlɛ gbe . ²¹ Vɔɔlɔ amɛsɛntɔ xe mayi mawuxolɔ ɖo ayixa yetɔnlɛ mɛ lɛ ă ɖe jo kanlin yetɔnlɛ kpo amɛsentɔlɛ kpo do nyi gbemɛ . ²² Mavɔmavɔ ɖɔna Mɔyizi ɖɔ drɛn alɔ towe doji na akɛnji naja ɖo kanlinlɛ kpo ama xeɖo gbemɛlɛ ɖe kpo agbɛtɔlɛ bi kpo ji ɖo Ejipu tolɔmɛ . ²³ Mɔyizi drɛn kpotin untɔn ɖoji bɔ mavɔmavɔ na jidogbe bɔ akɛnji ja bɔ myɔn nɔdangbɔn anyigbalɔ ji mavɔmavɔ ja akɛnji ɖo Ejipu tomɛ . ²⁴ Akɛnji ja bɔ myɔn kpo akɛnjilɔ kpo nɔcaka bɔ esyɛn tawun bɔ nu nɛha kajɔ kpɔn gbeɖe sin hwenu xe tolɔ kojɔ ɖe ă . ²⁵ Akɛnjilɔ ja ɖo Ejipu tolɔ bimɛ boxo nuxe koɖo gbemɛlɛ ɖe bi sin agbɛtɔlɛ ji kaka jɛ kanlinlɛ kpooji bɔ biku E lɛja kɔnnyi ama xeɖo gbemɛlɛ ɖeji bogudu atinlɛ ɖo gbemɛ . ²⁶ ɖo GOCENI tomɛ fixena mawuvilɛ te ɖe kɛɖɛ jɛnwɛ akɛnjilɔ maja te ă . ²⁷ Falawɔn ylɔ Mɔyizi kpo Alɔn kpo boɖɔ dinlɔ un hu hwɛ mavɔmavɔ wɛnyi amɛjlɔjlɔ bɔ nyɛ kpo togun ce kpo minyi ahwɛhutɔ . ²⁸ Mixo aɖɛ boylɔ mavɔmavɔ na nɛɖo jidogbelɔ kpo akɛnjilɔ kpo te na majomido na mi a yi un kanasɔ hɛnmi ɖote bă . ^{29 30} 29 Mɔyizi ɖɔ na ɛ ɖɔ : Un tɔnsin tolɔmɛ vɔlɔ un nadrɛn alɔ celɛ ɖohlan mavɔmavɔ bɔ jidogbelɔ kpo akɛnjilɔ kpo nanɔte gannɛmɛ wɛ a nanywɛnyi ɖɔ mawu tɔn wɛnyi anyigbalɔ . 30 Vɔɔlɔ un nywɛnyi ɖɔ hwi kpo amɛsɛntɔ towelɛ kpo lɔ mikako ɖo si na mavɔmavɔ ă . ³¹ Akɛnjilɔ hɛn ajinukunlɛ bi gble e lɛhɛn ajinukuntinlɛ bi gble ɖó ajinukunlɛ ko sɛn bɔ ajinukuntinlɛ ko xo asɛ . ³² Akɛnjilɔ kawa nuɖe na ajinukun xe e nɔylɔɖɔ ble ɖe kpo xe e nɔ ylɔɖɔ Epotru ɖe kpo ă ɖo ye kɔnɔ yawu sɛn ă . ³³ Mɔyizi tɔnsin Falawɔn de bo tɔnsin tolɔ mɛ bodrɛn alɔ untɔnlɛ ɖohlan mavɔmavɔ bɔ jidogbelɔ kpo akɛnjilɔ kpo ɖote bɔ ji kasɔ jakɔnnyi anyigbalɔ ji bă . ³⁴ Falawɔn mɔɖɔ akɛnjilɔ kpo jidogbelɔ kpo ɖote bɔ Falawɔn jɛ danu wa ji bojɛ ayixa syɛn ji ulɔsu kpo amɛsɛntɔ untɔnlɛ kpo . ³⁵ Falawɔn syɛn ayixa bɔ kajo izlayɛlivilɛ do bɔ yetɔnsin tolɔ mɛ ɖi naxe mavɔmavɔ ɖɔ gbɔn Mɔyizi ji xwe ɖe ɖɔwun ă .