¹ Mawu mavɔmavɔ ɖɔna mɔyizi ɖɔ : yi Falawɔn de ɖo un na tasyɛn ulɔsu kpo azɔnvi untɔnlɛ kpo bi bona klɔnnu sin nudogesi celɛ ji ɖo yee tntɛn . ² Na hwilɔsu a nakpewu wa sa na viwelɛ kpo tɔgboylɔvi towelɛ kpo naxe un wa Ejipunulɛ sin nu xwe ɖe kpo nudobu xe un wa ɖoyee tɛntɛn e kpo bɔ mi na nywɛnyi ɖɔ nyɛ wɛ nyi mavɔmavɔ . ³ Mɔyizi kpo Alɔn kpo yi Falawɔn de bo ɖɔ na ɛ ɖɔ : uɖye mavɔmavɔ mawu Eblelɛ tɔn ɖɔ kaka jɛ ganɔmɛ wɛ a na gbɛ ɖɔ we kana yido nawun ă ? jo togun ce do na ye a yi sɛnwun . ⁴ nɛ a gbɛ ɖɔ we mana jo togunlɔ do ă lɔ uɖye un na blo bɔ bɔsukle nagɔ togun towe bi mɛ . ⁵ E na gɔ anyigba lɔ ji bi kakaa amɛɖe kakpewu namɔ anyigba vɔnu lɔ bă yenahɛn nuxe glɛli jodo na mi boma hɛngble ă lɛ ɖe bi gble ye naɖu atin xe ɖowu ɖo gbelɛmɛlɛ ɖe bi sin ama . ⁶ Ye nagɔ hwi kpo azɔnvi towelɛ bi kpo sin xwegbe Ejipu tolɔ bimɛ wɛna gɔ sin tɔgbowelɛ , atɔwelɛ hwenu kaka wajɛ yelɔ nunɛhaa kajɔ kpɔn ă . Mɔyizi lɛkɔ botɔnsin Falawɔn de . ⁷ Azɔnvi Falawɔn tɔnlɛ ɖɔ na ɛ ɖɔ kaka jɛ ganɔmɛ wɛ dawe xe nanyi mɔɖiɖo na mii jɛ ? jo yeedo na yenɛyi boyi sɛn mavɔmavɔ mawu yetɔn a kaɖo mɔɖɔ Ejipu tolɔ ɖo viva deji hu ă e ? ⁸ Ye wayi kplan Mɔyizi kpo Alɔn kpo wa Falawɔn de e ɖɔ na yee ɖɔ mi yi sɛn mavɔmavɔ mawu mitɔn amɛnɔɔlɛ kɛ năyi ? ⁹ Mɔyizi yigbe na ɛ bo ɖɔ : mi ɖoyi kpo vi mitɔnlɛ nyɔɖaxo mitɔnlɛ , vi sunnu kpo nyɔnu kpo , alɛngbɔ , kpo anyibu mitɔnlɛ kpo ɖo xwe ɖaxo ɖe wɛ e nyi na mii bɔ mi nasɔ susu na mavɔmavɔ lɔ . ¹⁰ Falawɔn ɖɔ na yee ɖɔ : Mavɔmavɔ lɔ nɛnɔ kpɔ xɛ mi , ɖi naxe un najo miivilɛ kpo miilɔsulɛ kpo do xwe ɖe lɔ mi nɔ aceji ɖo gblegble ɖo nukɔn na mi . ¹¹ Ewo ewo mi sunnulɛ miyi boyi sɛn mavɔmavɔ ɖo nuxe mibyɔ ɖe nɛ bɔ ye nya yee tɔnsin Falawɔn nukɔn ¹² Mavɔmavɔ lɔ ɖɔ na Mɔyizi ɖɔ : drɛn alɔ towe ɖo ejiputolɔ ji na bɔsukle nɛgɔ ejiputolɔ boɖu gbelɛ bi ɖo anyigbalɔ ji kpo xe glɛli jodo lɛ ɖe bi kpo . ¹³ Mɔyizi drɛn kpotin untɔn ɖo Ejiputolɔ ji bɔ Mavɔmavɔ na jɛhɔn ɖaxo ɖe jɛ nyinyi ji sin hwezɛtɛn ɖo kle kpo zan gbenɛgbe tɔn kpo bɔ xe anyihɔn zanflun ɖe lɔ hwezɛtɛn jɛhɔn lɔ bɛ bɔsuklelɛ li hɛnwa . ¹⁴ Bɔsuklelɛ lɛgɔ Ejipu sin togunlɔ bimɛ ye gbɔn filɛ bi xwii ɖo Ejipu nyigbalɔ ji ye su ɖo tolɔ mɛ kaka bɔ amɛɖe kamɔ nɛhaa kpɔn ă mɔhake ka nă lɛ tiin kpɔn gbeɖe ă . ¹⁵ Yesu anyigbalɔ bi nukunmɛ bɔ anyigbalɔ ji bi do zɛnflun . Yeɖu atinkunsinsɛnlɛ kpo amalɛ bi kpo xe glɛlilɛ jodo sanlɛ can ɖe bi wɛ vɔ amamu ɖekpekpe kasɔ kpo ɖo atinlɛji bă kpo gbelɛkpo ji ɖo Ejipu nyigba lɔ ji ă ¹⁶ Trolo haɖokpo Falawɔn ylɔ Mɔyizi kpo alɔn kpo boɖɔ: un jɛ agɔ do mavɔmavɔ mawu mitɔn kpo miilɔsu kpo . ¹⁷ Din lɔ misɔ agɔjijɛ celɛ sɔkɛwun boxo aɖɛ boylɔ mavɔmavɔ mawu mitɔn na nɛdɔn kumlɛ xe yi zɔgaa nawun . ¹⁸ Mɔyizi tɔnsin Falawɔn de boxo aɖɛ bo ylɔ mavɔmavɔ lɔ ¹⁹ Mavɔmavɔ na bɔ jɛhɔn ɖaxo ɖe nyi sin hweyixɔ bokplɔ bɔsuklelɛ bi sin in bo kplɔ yee kɔnnyi axu vɛɛ lɔ mɛ bɔ kakpo bɔsukle ɖokpo gee lɔsu ɖo Ejipu nyigbalɔ ji bă . ²⁰ Mavɔmavɔ lɔ syɛn ji na Falawɔn bɔ falawɔn kajo Izlayɛlivilɛ do bɔ yeyi ă ²¹ Mavɔmavɔ ɖɔna Mɔyizi ɖɔ : drɛn alɔ towe ɖohlan ji na zɛnflun nado ɖo Ejiputolɔ bi mɛ zɛnflunlɔ nakpɛn bɔ e hɛn lɔ e na tɔ alɔ ɛ . ²² Mɔyizi drɛn alɔ ɖohlan ji bɔ zɛnflun pinpɛn ɖe do ɖo Ejipu to lɔ bi mɛ na azan atɔn . ²³ Amɛɖe kakpewu ɖo awegɔɔ untɔn mɔ ă amɛɖe kakpewu fɔn sin atɛn untɔn mɛ ă kaka na azan atɔn bɔ hinhɔn ɖo Izlayɛlivilɛ sin nɔtɛn . ²⁴ Falawɔn ylɔ Mɔyizi bo ɖɔ : Mɔyizi mi yi sɛn Mavɔmavɔ lɔ alɛngbɔ mitɔnlɛ kpo anyibu mitɔnlɛ kpo kɛɖɛ wɛ na ci anyi miivilɛ hɛnlɔ ye na xodo mi . ²⁵ Mɔyizi yigbe bo ɖɔ : hwi lɔsu a na sɔ vɔsanulɛ kpo nudomyɔ vɔsanulɛ kpo do alɔ mitɔn mɛ bɔ mi na sɔyi savɔ nyi na mavɔmavɔ mitɔn . ²⁶ Kanlinkpo mitɔnlɛ bi nayi xɛ mii afɛnvi ɖokpo lɔsu kana ci anyi ă ɖo yeemɛ wɛ minɔ sɔ te bo nɔ sɛn mavɔmavɔ mawu mitɔn kaka jɛ hwenu xe minawa ɖe lɔ mi kanyɔ nuxe mi na sɔ bona savɔ na mavɔmavɔ ɖe nyi ă ²⁷ Mavɔmavɔ lɔ syɛn ji na Falawɔn bɔ Falawɔn kadin najo yeedo bɔ ye na yi ă . ²⁸ Falawɔn ɖɔna Mɔyizi ɖɔ : tɔnsin dalye kpɔn aɖekewe ji ganji naxo nɛlɛ haa ɖiɖɔ ɖo dalye ɖo gbexegbe a nawa dalyie ɖe anaku azan nɛgbe . ²⁹ Mɔyizi yigbe nɛ ɛ ɖɔ a ɖɔmɔ pɛɛ un ka nawa daliwe bă .