¹ Mawu mavɔmavɔ ɖɔ na mɔyizi ɖɔmɔɖe : Nɛ ɖɔna Alɔɔn ɖɔ nɛ drɛn alɔ untɔn xɛ kpotin untɔn ɖo tɔsisalɛ ji , tɔdolɛ ji , kpo tanlɛ kpo ji bona kinkan agobeselɛ ɖo Ejipu tolɔ mɛ . ² Aalɔn drɛn alɔ untɔn ɖo tɔ ejipu tɔnlɛ ji bɔ agobeselɛ xozin bocɔn Ejipu sin anyigbalɔ bi ji . ³ Vɔ ɔ majikiblotɔlɛ can blo alexe enyɔ na yee gbwɛn ɖe . Ye blo bɔ aglobese cɔn Ejipu tolɔ bisese . ⁴ Falawɔn ylɔ mɔyizi kpo Aalɔn kpo bo ɖɔ mi fan kwe na mawu mavɔmavɔ na nɛnyan agobeselɛ sin daliye kpo togun ce kpo bɔ un na jo mido bɔ mi nayi bo nayi savɔ na mawu mavɔmavɔ . ⁵ Mɔyizi ɖɔna falawɔn ɖɔmɔɖe hwi ɔ ko gblɛ na gbe mii kpowun . Hwenu ɖevo ɖe kana nyi ɖiɖo cobɔ mawu mavɔmavɔ nayi kwefan ce bo na kpɔn alɛnu nawe bonakpɔn alɛnu na azɔnwavi towelɛ kpo togun towe kpo bɔ e na bɛ agobeselɛ yi ada na hwi kpo xwedo towelɛ kpo ; bɔ tɔlɛ mɛ jan agobese nakpo te . ⁶ E ɖewu ɖɔmɔɖe e jɛ sɔ be aablo Mɔyizi ɖɔ na ɛ ɖɔmɔɖe e nawa cicɛmɛ nɛlo ɔ a na nywɛnyiɖɔ nuɖekpekpe ka sɔxɛ mavɔmavɔ mitɔn ă . ⁷ Agobeselɛ nabu sin xwe towelɛ gbe , azɔnwavi towelɛ xwegbe kpo togun towe bi kpo mɛ , tɔlɛ mɛ jan e nakpo te . ⁸ Mɔyizi kpo Aalɔn kpo tɔnsin Falawɔn xwegbe Mɔyizi daxwa ylɔ mawu mavɔmavɔ na agobese esɔ doyanyi na Falawɔn ɖe . ⁹ Mawu mavɔmavɔ blo nuxe mɔyizi byɔ ɛ ɖe bɔ agobeselɛ bi ku ɖo xwelɛ gbe tɔlɛ mɛ kpo aglelɛ kpo gbe . ¹⁰ Ye sɛ ye e kple ɖo sonu sonu bɔ tolɔ bi gble kpo wan kpo . ¹¹ Falawɔn ɖɔ agobese hwan klɔn bolɛ bɛ ta syɛn syɛn bɔ kasɔ ɖo to ɖo Mɔyizi kpo Alɔn kpo sɔgbɔn xo xe mawu mavɔmavɔ ɖɔ san ɖe wu bă . ¹² Mawu mavɔmavɔ ɖɔna Mɔyizi ɖɔmɔɖe ɖɔna Aalɔn ɖɔ nɛdrɛn kpotin untɔn bo do e kɔwungudu mɛ kɔwungudulɔ nahuzu jɔ ɖo Ejipu tolɔ bi mɛ . ¹³ Ye blo gbɔn mɔ. Alɔɔn drɛn alɔ untɔn xɛ kpotin untɔn bo do kɔwungudu mɛ ɖo anyigba bɔ e huzu jɔ ɖo agbɛtɔlɛ kpo lanlɛ kpo wu kɔwungudulɔ bi huzu jɔ ɖo Ejipu toxolɔ bi mɛ . ¹⁴ Majikiblotɔlɛ can blo majiki na jɔlɛ natɔn vɔ ɔ ye ka kpewu ă jɔlɛ ɖo agbɛtɔ kpo lan kpo wu . ¹⁵ Majikiblotɔlɛ ɖɔna Falawɔn ɖɔmɔɖe alɔvi mawu tɔn wɛ . Falawɔn sin xomɛ bɔ e kaɖoto Mɔyizi kpo Alɔɔn kpo ă ɖo nuxe mawu mavɔmavɔ ɖɔ san ɖe . ¹⁶ Mawu mavɔmavɔ ɖɔna Mɔyizi ɖɔmɔɖe : fɔn zanflun tɛɛn boyi Falawɔn de e na tɔn kpanta asin kɔn. A na ɖɔ na ɛ ɖɔmɔɖe : xo xe mawu mavɔmavɔ ɖɔ ɖe ɖye ɖegbe na togun ce na e ayi sɛnwun . ¹⁷ Nɛ a majo togun ce do bɔ e yi ă lɔ un nazɔn sukpɔ aɖinɔlɛ ɖohlan we , azɔnwavi towelɛ , togun towe kpo xwe towelɛ , Ejipu bi sin xwegbe nagɔ kpo sukpɔ kpo , anyigbalɔ ji bi nanyi sukpɔ kɛɖɛɛ . ¹⁸ Vɔ ɔ un na xla goceni fixe togun ce te ɖe ɖo gbenɛgbe , bɔ sukpɔ ɖekpekpe ka nă ɖo flɛn ă nɛ a na nywɛnyi ɖɔmɔɖe nyɛ mawu mavɔmavɔ un ɖo to xe mɛ . ¹⁹ Un na do vogbingbɔn togun towe kpo ce kpo mɛ nu nɛlɛ najɛ ɖo sɔ . ²⁰ Mawu mavɔmavɔ blo gbɔn mɔ . Sukpɔ aɖinɔ wɔbu wɔbu ɖe wa Falawɔn kpo azɔnwavi untɔnlɛ kpo sin xwegbe bɔ Ejipu tolɔ mɛ bi wɛ gble kpo sukpɔ kpo . ²¹ Falawɔn ylɔ mɔyizi kpo Alɔɔn kpo bo ɖɔmɔɖe mi yi mi sa vɔ na mawu mitɔn ɖo tolɔ mɛ fi . ²² Mɔyizi ɖewu ɖɔmɔɖe : E ka nyɔ bɔ mi na blo mɔ ă ; ɖo mi nɔ savɔ na mawu mavɔmavɔ mitɔn xɛ vɔsanu xe nyi suɖunu ɖo EJIPUNULɛ nukunmɛ nɛ mi savɔ xɛ vɔsanulɛ ɖo nukun yetɔnmɛ aleha ɖe , ye ka ă nyihwan do mi i ă e ? ²³ Mi na zinzɔnlin na ayihinhɔn atɔn ɖo zogbelɔ ji bɔ mi na yi na vɔsanu ɖeelɛ mawu mavɔmavɔ mawu mitɔn ɖi alexe e na ɖɔ na mi i gbwɛn ɖe . ²⁴ Falawɔn ɖɔ : un na jo mido bɔ mi na yi , bo na yi na vɔsa mawu mavɔmavɔ mitɔn ɖo zogbelɔ ji , lo ɔ nɔkpɔn mi a yi fi dindɛn bo mi xo aɖɛ nawun . ²⁵ Mɔyizi ka ɖɔ na ɛ ɖɔmɔɖe : Un na tɔnsin xwe towe gbe , bɔ un na fankwe na mawu mavɔmavɔ . Sɔ lɔ sukpɔlɛ nabu sin hwi kpo azɔnwavi towelɛ kpo togun towe mɛ . Vɔɔlɔ nɔkpɔn Falawɔn naflu amɛ babo, na gbe togunlɔ jo e do nɛ e a yi na vɔsanu mawu mavɔmavɔ . ²⁶ Mɔyizi tɔnsin Falawɔn xwegbe bo fankwe na mawu mavɔmavɔ . ²⁷ Mawu mavɔmavɔ blo nuxe mɔyizi byɔ ɛ ɖe bɔ sukpɔlɛ xotɛ sin Falawɔn , azɔnwavi untɔnlɛ , kpo togunlɔ kpo de . E ka kpo kunɖokpo ă . ²⁸ Falaɔn ɖɔmɔɖe un na ǰomido bɔ mi na yi sa vɔ na Mavɔmavɔ Mawu mitɔn ɖo zogbe lɔ ǰi vɔ lɔ mi zɔn kpɔ mɛ bo yi nɛ mi ɖo yi lɔ mi xo aɖɛ na un, ²⁹ Mɔyizi yi gbe bo ɖɔ un na tɔnsin xwe towe gbe bɔ un na xo aɖɛ na Mawu Mavɔmavɔ sɔ lɔ sukpɔ lɛ na sɛsin Falaɔn de azɔnzɔnvi untɔn lɛ kpo to gun untɔn kpo vɔlɔ nɔkpɔ Falaɔn na flu amɛ ba bo na gbɛ ɖɔ wé ka na ǰo togun lɔ do bɔ e na yi sa vɔ lɛ na Mawu Mavɔ mavɔƥ bo, ³⁰ Mɔyizi tɔnsin Falaɔn xwe gbe bo xo aɖɛ na Mavɔ mavɔ, ³¹ Mawu mavɔ mavɔ blo nu xe Mɔyizi byɔ ɛ ɖe bɔ sukpɔ lɛ tɔnsin Falaɔn kpon azɔnzɔnvi untɔn lɛ kpo togun untɔn kpo de dokpo lɔsun ka kpo a, ³² Cobɔ Falaɔn lɛ tli ǰi keba bɔ e ka ǰo togun lɔ do bɔ e yi a,