¹ Mawu mavɔmavɔ ɖɔ na Mɔyizi ɖɔ mɔ ɖé kpa zannu tɛ awe ɖi hwɛtɛtɛ tɔn lɛ ɖɔhun un na wlan xo xe ɖe zannutɛ hwɛtɛtɛ tɔn xe a hɛn gba lɛ ji ɖé ɖo yé ji. ² Sɔ nu ɖanyi na sɔ zanvlun a na fɔn zan bo na xɛ si na yi so lɔ ji bɔa na nɔté kpɔn un ɖo flɛn . ³ Nɔkpɔn amɛɖé na xodo we bo é ma ka na mɔ amɛɖe ɖo so lɔ ji e ka na mɔ kanlin ɖe ɖo flɛn a nɔkpɔn gbo kpo anyibu kpo ɖe na wa ɖu nu ɖo so lɔ kpa bo. ⁴ Mɔyizi kpa zannutɛ awe ɖi hwɛtɛtɛtɔn lɛ ɖɔhun é fɔn zan bo xɛ so lɔ ji alexe Mawu mavɔmavɔ ɖɔ gbɔn ɛ nɛ ɖe é hɛn zannutɛ awe lɛ alɔ mɛ. ⁵ Mawu mavɔmavɔ jɛ té ɖo azizɔ mɛ bo wa nɔ té ɖo akpa untɔn bo ɖɔ amɛ xe e nyi ɖé na Mɔyizi . ⁶ Bɔ Mawu mavɔmavɔ nɔ gbɔn nukɔn Mɔyizi bo nɔ ɖɔ un nyi Mawu mavɔmavɔ un nyi Mawu alnukpɔnnamɛtɔ Mawu xomɛfatɔ un kɔn nɔ ya wu sin xomɛ a un nyi Mawu xomɛnyɔtɔ un nyi Mawu gbe ji nɔtɔ. ⁷ Un nɔ nyɔ xomɛ agbɛtɔ lɛ wu kaka yi jijimɛ afatɔn 1000 ji un nɔ sɔ nu nylanyla xe é wa tonu xe é ma se a lɛ kpo ahwɛ xe é hu lɛ kpo kɛ amɛ un ka nɔ mɔ amɛ xe hu ahwɛ ɖé sɔ mɔ ahwɛjijɔnɔ a ahwɛ xe vi tɔ lɛ hu ɖé ɔ vi yétɔɔn lɛ na sun asin untɔn vivu yétɔn lɛɛ vitikli yetɔn kpo kpaba yetɔn lɛ kpo na sun asin untɔn. ⁸ Tlololo haɖokpo ɔ mɔyizi yi klo ji bo nu do. ⁹ Bo ɖɔmɔɖé aklunɔ enyi a na un fɛnu towe nugbo ɔ hunto ɖo kuku ɖiɖé mɛ ɔ bo wa nɔ mimɛ togun xe ɔ totlitɔ wɛ e nyi vɔ lɔ sɔ ahwɛ xe mi hu lɛ ɖé kpo nu xe mi wa nyi do lɛ ɖé kpo kɛ mi bo yi mi sɔ togun towe. ¹⁰ Mawu mavɔmavɔ ɖéwu ɖɔmɔɖé kpɔn fi un na jɛ akɔ xɛ mi un na blo nudobu lɛ ɖo togun lɔ kpoo nukun mɛ nudobu xe e na mɔ kpɔnn ɖo fi ɖékpékpé ɖo anyigba lɔ ji kpɔn gbeɖé a bo ma ka mɔ ɖo akɔ ta ékpékpé mɛ kpɔn gbeé a wɛ un na blo nɛ togun xe mɛ a te ɖé ɔ na mɔ nyɛ Mawu mavɔmavɔ lɔ sin nuwiwa lɛ hwi ji wɛ un ka na blo azɔn do bu nɛ lɛ gbɔn . ¹¹ A sɔ ayi ɖo nu xe un ɖɔ na wé yé ɖé ji ganji ɔ un na nya Amɔliti lɛ kana vi lɛ hititi lɛ Pɛliziti lɛ hiviti lɛ kpo jebuzinu lɛ kpo do nukɔn towe. ¹² Cɔ aɖeké wé nɔkpɔn a do gbɛ xɛ to xé mɛ na byɔ a te ɖe mɛ nu lɛ bo vlavoɔ ye na nyi mɔ srɛsrɛ na we. ¹³ E nu mɔ bé mi na cɔ nukun mɛ anyi na vɔsakpe yetɔn lɛ mi na gba zannu xe ye dodo bo nɔ sɛn lɛ ɖé bo na sɛn atinmɛ lɛgba ye tɔn lɛ nyi gbe. ¹⁴ A ka na donudo na votun ɖe ba a ɖo Mawu mavɔmavɔ sin nyikɔ nɔ nyi asisiwiwa Mawu asisiwatɔ wɛ é nyi. ¹⁵ Cɔ aɖeké wé na nɔkɔn a do gbɛ xɛ to lɔ mɛ nu lɛ bo na vlavo ye na yi dɔn mi bɔ mi na bɛ votun yetɔn lɛ sɛn gbé nu bo na nɔ sa na Mawu yetɔn lɛ bo na nɔ ɖu kanlin xe ye hu na votun lɛ ɖe sin lan. ¹⁶ Vlavo mi na wa da nyɔnuvi yetɔn lɛ na sunnuvi mitɔn lɛ bɔ na nyɔnuvi yétɔn lɛ ɖo votun yetɔn lɛ sɛn bé ye na dɔn sunnuvi mii lɛ bɔ ye na sɛn votun lɛ xɛ yé. ¹⁷ Aka na lolo gan bo na blo votun ɖe nyi bo na sɛn kpɔn a. ¹⁸ Mi na ɖu ablo xe mɛ é ma do levɛn a ɖe xwé zan canwe wɛ e sɔ ɖo té ɖo liyasun xe e nɔ ylɔ ɖɔ abibu sun ɖé mɛ bɔ mi na sɔ ɖo xwé lɔ nyi mina ɖɖu akpomɛblo xe mɛ e ma do levɛn a ɖé alexe un ɖɔ na mi gbɔn ɛ ɖé Do abibu sun lɔ mɛ wɛ mi tɔnsin ejipu. ¹⁹ Hwɛ hwɛvi sunnu lɛ kpo wɛ nyi cé. hwɛhwɛvi asu kanlin mitɔn lɛ tɔn can dé mɛ anyibu gbɔgbɔɛ alo alɛngbɔ sin hwɛhwɛvi asu lɛ bi wɛ é na sɔ ɖo vo na un. ²⁰ Nɛ é nyi hwɛhwɛvi sɔ tɔn wɛ lɔ mi na sɔ alɛngbɔ vi huzui nɛ mi ma ka huzu i a mi na gba azogido nɛ bo hui hwɛhwɛvi sunnuxe ɖo mi mɛ lɛ ɖé mi na xɔ agbɛ na yé mi ka zɔn asigba alɔgba bo na wa dali e a . ²¹ A na n wa azɔn na azan ayizɛn lobɔ azan canwe gɔɔ gbe ɔ a na gbɔjɛ e bo nyi aglehwenu alo ajinukun yi ya hwenu lɔ mi na gbɔjɛ. ²² Mi na ɖu pantekotuxwe lɔ ɖo ble hwɛ tɛtɛtɔɔn lɔ ya hwenu bɔƥ xwé fifo lɔ mi na ɖu ajinukun yiya xwe. ²³ Agba atɔn ɖo xwe ɖokpo mɛ wɛ sunnu xe ɖo togun lɔ mɛ lɛ ɖé na wa Mawu mavɔmavɔ Mawu Izlayɛli tɔn nukun mɛ . ²⁴ Do un na nya akɔta lɛ ɖo nnukɔn na we bɔ un na gblo ada na togun towe lɛ yi nukɔn bɔ amɛɖ e ka na kla jɛ to mitɔn nu hwenu xe a nɔ wa Mawu mavɔmavɔ Mawu towe nukun mɛ agba atɔn ɖo xwe ɖokpo mɛ ɖe a. ²⁵ A ka na sɔ akpomɛblo kpé ahun kanlin xe e hu na un ɖé tɔn bo sa vɔ un ɖo dindinwaxwe lɔ utu ɖé ɖe na kpo bɔ anyi na hɔn do a. ²⁶ Mi na sɔ nukun hwɛtɛtɛ tɔn xe agle mitɔn na ɖé sɔ wa Mawu mavɔmavɔ xwégbe A ka na ɖa gbɔvi ɖo anɔsin nɔnɔɔ tɔn mɛ a. ²⁷ Mawu mavɔmavɔ ɖɔ na Mɔyizi ke ba ɖɔmɔɖé wlan xo nɛlɛ do xo nɛ lɛ wɛ un na xodo bo na nu alɛ xɛ hwi kpo Izlayɛli kpo . ²⁸ Mɔyizi nɔ flɛn xɛ Mawu mavɔmavɔ xɔ kle kanɖé szan kanɖé nu ma ɖu asin ma nu bɔ Mawu mavɔmavɔ wlan sɛn wo lɛ ɖo zannnutɛ lɛ ji nu xe ji alɛnnu lɔ flɛn ɖé nɛ. ²⁹ Mɔyizi jɛ té sin si na yii so lɔ ji bo hɛn zannutɛɛ alɛnnu tɔn awe lɛ alɔ mɛ xe na é fan xɛ Mawu mavɔmavɔ ɖé ɔ nukun mɛɛ untɔn ɖo klin co bɔ é ka nywɛ a. ³⁰ Aalɔɔn kpo Izlayɛli vi lɛ bi kpo mɔ ɖɔ Mɔyizi nukun mɛ ɖo klini nɛ wutu wɛ yé ka kisiya ɛ a . ³¹ Mɔyizi ylɔ yé bɔ Aalɔɔn kpo gan xé ɖo togun lɔ nu lɛ ɖé bi kpo wa ɛ wa ɛ de bɔ é ɖɔ xo na ye. ³² Nɛ gido ɔ Izlayɛlivi ɖe lɛ bi wa ɛ de bɔ é ɖɔ nu xe Mawu mavɔmavɔ ɖɔ nɛ ɖo so lɔ ji lɛ ɖé bi na yé. ³³ Xé na mɔyizi ɖɔ xo na yé vɔ ɖe é sɔ avɔ cɔn nukun mɛ. ³⁴ Nɛ mɔyizi xwe Mawu mavɔmavɔ nukɔn bo na ɖɔ xo xɛ ɔ é nɔ ɖe avɔ lɔ sin nukun mɛ nɛ e lɛ kɔ sin Mawu mavɔmavɔ de bo ɖo nu xe Mawu mavɔmavɔ ɖɔ yé nɛ wa ɖɖé wlé ɖɔ na Izlayɛli vi lɛ wɛ bé . ³⁵ Ye nɔ ɖo klin xé nukun mɛ untɔn ɖo klin ɖé kpɔn nɛ gido mɛɔ e nɔ sɔ avɔ cɔn nukun mɛ bo nɔ nɔ mɔha kaka jɔ gbe e gbe é na lɛ kɔ yi ɖɔ xo xɛ Mawu mavɔmavɔ ɖé.