¹ Mawu Mavɔmavɔ ɖe gbe ná Mɔyizi ɖɔmɔɖé, jɛ ali, bó tɔnsin fi, hwi kpó togun xe a ɖe tɔ́n sin Ejipu ɖé kpó togun xe a ɖe tɔ̀n sin Ejipu ɖé kpó; bó yi to xe sin akpá un dó ná ablaxámu, Izáki kpó Jakɔbu kpó ɖɔ un ná ná kúnkan yétɔn lɛ́ ɖémɛ. ² Un ná zɔ́n awɛnsagun ce ɖohlán, bɔ é ná nɔ nukɔn ná mi, bó ná nya kana vi lɛ́, Amɔliti lɛ́, hititilɛ́, Pɛlizitilɛ̀, Hiviti lɛ́ kpó. ³ Mi ɖió tó nɛ mɛ; anyibúnɔsin kpó wiinsin kpó nɔ́ bɔxá ɖo dɔn. Vɔlɔ́, un ká na nɔ mi mɛ a, Un ná wá mɛ́ we vlavo do alixo, do ahi tó tánlán. ⁴ Gaxemɛ togun lɔ́ se adán nɛ ɔ́ xe Mawu Mavɔmavɔ gblɔn n'ɛ ɖé, awu kú i, kaka bɔ amɛ ɖékpékpé ká din acɔ́ ba a. ⁵ xónugbo mɛ lɔ́ Mawu Mavɔmavɔ ko ɖɔ ná Mɔyizi ɖɔ mɔ ɖé nɛ ɖɔ ná Izlayɛli vi lɛ́ ɖɔ: Mi hi tó, nà un nɔ mi mɛ kpɛvi ɖé ɔ́, un ná ɖibla hu mi. Hún mi bo ɖe acɔ́ɖónú nɛlɛ́ bi nyi gbé. Nɛ gi do mɛ ɔ un ná nyɔ alexe e na wa nú mitɔn gbɔnɛ ɖé. ⁶ Nɛ́ lɔ́, bɛsin Holɛ́bu só lɔ́ kɔn lɔ́, Izlayɛli vi lɛ́ ɖe acɔ́ɖónú yétɔn lɛ́ bi. ⁷ Hwenu xe ná Izlayɛli vi lɛ́ ɖo goxɔ xe mɛ yé nâ nɔ ɖe bló ɖé ɔ́, Mɔyizi sɔ goxɔ untɔ́n, bó tɔ́n sin fi xe ye té ɖé bó nɔ vlɔ́n ɛ, bɔ é dɛ́ndó fi lɔ́ kpɛ́ɖé. E nɔ ylɔ́ goxɔ lɔ́ ɖɔ goxɔ xe mɛ Mawu Mavɔmavɔ ná nɔ́ dógo xɛ togun lɔ́ té ɖé. Amɛ xe jló ná kán nǔ byɔ́ Mawu Mavɔmavɔ lɛ́ ɖé bi xwii nɔ́ tɔ́n sin fi xe yě ɖó sɔ́nu ɖó ɖé, bó nɔ ɖidó goxɔ lɔ́ kɔ́n. ⁸ Ná Mɔyizi xwe goxɔ lɔ́ kɔ́n lɔ́, togun lɔ́ bi nɔ́ site, bɔ amɛ ɖokpo nɔ́ nɔ té ɖo goxɔ úlɔ́su tɔ́n sin alinu, bó nɔ ɖo mɔyizi kpɔ́n ɖóhlán kaka bɔ e nɔ byɔ́ goxɔ xe mɛ mawu Mavɔmavɔ ná nɔ́ dógo togun lɔ́ té ɖé mɛ. ⁹ Mɔyizi byɔ́ goxɔ lɔ́ mɛ ɔ, azizɔ nɔ́ jɛté wá alihɛ́nnú goxɔ lɔ́ tɔ́n, bɔ Mawu Mavɔmavɔ nɔ ɖo xó ɖɔ xɛ́ Mɔyizi. ¹⁰ Ná Izlayɛli vi lɛ́ mɔ azizɔ lɔ́ ale hóló ɔ, amɛ bi nɔ́ si te bo nɔ dónudo kpó sisi kpó, ɖo goxɔ utɔ́n lɔ́sú sin alihɛ́nnú. ¹¹ Mawu Mavɔmavɔ kpó Mɔyizi kpó nɔ́ ɖɔ xó nukún mɛ kpó nukúnmɛ kpó, alexená xɔ́ntɔ́n xɔ́ntɔ́n lɛ́ nɔ kpan nukɔn yéɖeké lɛ́ kɔ wá fi xe yé ɖó sɔ́nu ɖó ɖé, lo bɔ, azɔnzɔ́nvi untɔ́n Jozuwé nuni viɔ́ ci goxɔ xe mɛ Mawu Mavɔmavɔ nɔ wá dó go togun lɔ́ té ɖé mɛ. ¹² Mɔyizi ɖɔ ná Mawu Mavɔmavɔ ɖɔmɔɖé: uɖié, a ɖɔ ná un ɖɔ nyɛ nɛ kplán togunxe hɛn yi! A ma ka ɖɔ amɛ xe a na zɔ́n ɖóhlán bɔ é ná gɔ́ alɔ ná un ɖé a. Hwɛcógan a ɖɔ ná un ɖɔmɔɖé wé nyɔnyɛ nyi ganji bó a mɔ hwɛsɔkɛ́ ɖo dali e. ¹³ Din ɔ, a kpɔn alɛnu ná un nugbo janwɛ́ lɔ́, wa gbɔn ɖe nyi nɛ ma nyɔ́ támɛbulu towe lɛ́ nyi; nɛ ɔ́ un ná ɖigesi we nugbo nugbo tɔ́n, bɔ un ná lɛ́ mɔ hwɛsɔkɛ́ deji kéba. Nɔ́kpɔ́n a wɔn ɖɔ wétɔ́n wɛ nyi togun xe lɔ́ bo. ¹⁴ Mawu Mavɔmavɔ gblɔn ná Mɔyizi ɖɔmɔɖé: Nyɛ lɔsú kpó wɛ xwenyigbé, nɔ́kpɔ́n a ɖi bu bo, un ná ná we gbɔjɛ́. ¹⁵ Mɔyizi ɖɔ nɛ́ ɖɔ: enyi hwi lɔ́sú kpó mi kpó ma na zɔ́n yi a lɔ́, nɔkpɔ́n a ɖɔ ná mǐ ɖɔmɔɖé mi nɛ yi bo. ¹⁶ Ɖó hwi lɔsú kpó mi kpó ma zɔn a lɔ, nakɛ e ka na nywɛ nyi ɖɔ, a sɔ hwɛ kɛ nyɛ kpó togun towe kpó gbɔn ɛ. Nɛ a ɖo kpɔ xɛ́ miɔ wɛ́ ɖe xlɛ ɖɔ mi gbɔn vo ná togun ɖe lɛ́ xe ɖo anyigba ji lɛ́ ɖe. ¹⁷ Mawu Mavɔmavɔ ka yi gbe ná Mɔyizi ɖɔmɔɖé: un ná bló nǔ xe a ɖɔ din ɖé ga; ɖó a mɔ hwɛsɔkɛ ɖo die ɖó hwi wɛ nyi amɛ xe un ɖi gesi tawun ɖé. ¹⁸ Mɔyizi yi gbe bo ɖɔ: Bo dó súsú towe xlɛ́ un. ¹⁹ Bɔ Mawu Mavɔmavɔ ɖɔ n'ɛ́ ɖɔ: Un ná dó xomɛnyinyɔ ce bǐ xlɛ́ ɖo nukɔn towe, bó ná jlá nyɛ Mawu Mavɔmavɔ sin nyikɔ ɖo nukɔn towe. Un nɔ sɔ ahwɛ sɔ kɛ amɛ xe jló un ɖé, bó nɔ́ kpɔ́n alɛnú ná amɛ xe jló un ɖé. ²⁰ É lɛ́ ɖɔ ná Mɔyizi ɖɔmɔɖé: Nǔ ɖo mɔhá có akpewú mɔ nukún cé mɛ a, ɖó amɛ ɖékpékpé kɔ́n nɔ mɔ nukún cé mɛ bo nɔ gán a. ²¹ Mawu Mavɔmavɔ ɖɔ: atɛ́nmɛ ɖokpo ɖie ɖo akpa cé fi, zannú gidigbaja wɛ bɔ a ná nɔ flɛnji. ²² Hwenu xe un ná wa ɖó yi súsú ce mɛ ɖe ɔ, un ná sɔ we hwlà ɖo zannú gidigbaja lɔ́ gblamɛ, bó ná cɔ́n alɔ ji we kaka bó ná din. ²³ Hwenu xe un ná ɖe alɔ ce siin ɖe, a ná mɔ gidómɛ ce ɖohlán; a ka mɔ nukún ce a.