¹ A na ɖo vɔsakpo ɖokpo xé ji wɛ̂ a na nɔ mɛ̂ nunyɔ́wan tê, akasiya tin wɛ a na sɔ blo e; ² Gáɖiɖi mɛ untɔn na nyi mɛtá ɖokpo, bɔ gli mɛ untɔn nanyi mɛtá ɖokpo; gáɖiɖi kpo gli mɛ untɔn kpo na nyi ɖokpo è lɛ, bɔ té mɛ untɔn na nyi mɛtá awe. A na blo azô lɛ bɔ yé na tɔn sin vɔsa kpo lɔ mɛ. ³ A na sɔ siká xe wɛ̂ mɛ̀ gánji ɖé bo na sɔ cɔ́ do,tá mɛ n'ɛ, akpa untɔn xwe ɛnɛn lɛ kpo azò lɛ kpo, bɔ a na sɔ siká bo sɔ ɖo nu gbɔn tó nɛ́ lɛ̀dó. ⁴ Nu xe asɔ ɖo tó nɛ lɛ̀do ɖé sin do lɔ ana ɖo siká ganvi awe awe do akpa untɔn awe lɛ xwe; a na do e ɖo akpa untɔn xwe awe nɛ̀, bɔ e na ná b.ɔ e na kpewu wlé kpewu wlé gánn lɛ bo na ná alibɔ yé na nɔ sɔ zê bi hɛn ⁵ A na sɔ akásiya tin bo na sɔ blo sɔ blo kpotin gblɛlɛ lɛ nyi, bɔ a na sɔ sika sɔ búdó yé. ⁶ Vɔsakpo lɔ ɔ a na lii ɖo nunkɔn na avɔ xe wɛ do nunkɔn na núbláɖáká kúnnuɖidé tɔn lɔ ɖé, jɛ nunkɔn na klanjɛmimɛ sin aten mɛ lɔ xe ɖo támɛ na kúnnuɖiɖé sin anaka lɔ ɖé, bo nyi afi xe wɛ un na nɔ wa dógóxɛ́wé tê ɖé. ⁷ Flɛn nɛ́ wɛ́ Aalɔn na nɔ yi mɛ̂ wanɖagbe vɔsa xé wɛ̂nɔ gbá wanɖagbé kɔnnyi anyi ganji ɖé; e na nɔ́ mɛ̂ ɖo zanfúnnu, ɖo gáxemɛ na e na nɔ jla kanlingbɛn lɛ ɖo ɖé. ⁸ Ena mɛ̂ ɖo gbada hwenu awe lɛ sin atɛnten mɛ, ɖo gáxemɛ wɛ ena ɖo kanlingbɛ lɛ sɛ́ɖo ɖé. Ɖo mɔ́ yé na nɔ mɛ̂ wannyinyɔ vɔsá lɔ gbɔn ɖo nunkɔn na Mavɔmavɔɖo jijimɛvi mitɔn lɛ mɛ káká sɔ yi. ⁹ Mi ká ná yi sɔ nunyɔ́wan amɛjlo tɔn ɖéɖò vɔsakpo ce ji a, alo vɔsa fiwɔ fiwɔ, alo nunnana ɖéa, bɔ mika na na sɔ ¹⁰ Agbá ɖokpo ɖo xwê ɖokpo mɛ ɔ, lánzô vɔsakpo tɔn lɛ ji wê Aalɔn na nɔ́ blo vɔsa tôdindɔ́n ahwɛ́ tɔn lɛ té, kpo ahun tôdindɔn vɔsanu lɔ tɔn kpo, Agba ɖokpo gée ɖo xwê ɖo kpo mɛ wɛ mi na nɔ blo vɔsa tódindɔn agɔjijɛtɔn ɖo mi wu kpo jijimɛvi mitɔn lɛ kpo mɛ, bɔ xé ɔ na nyi na nyi nuwiwa mimɛ̀ táwun ɖé ɖo nukunmɛ ná Mawu mavɔmavɔ. ¹¹ Mavɔmavɔ ɖɔ na Aalɔn, bo ɖɔ: ¹² Gáxemɛ na ana wa xya susumɛ izlayɛ́livi lɛ tɔn ɖé ɔ, ɖokpo ɖokpo yétɔn lɛ na sú lɛ̀vɔ́xɔ́ sin akwɛ́ na Mavɔmavɔ ɖo tâ yétɔn lɔ. Sú mɛ, na nɔ́kpɔn ná mlɛn sin bá ɖé máwá xô mi do amɛxyaxya xé wutu o. ¹³ Nunxé lɛ̀ na amɛ xe lɛ̀ wɛ̀ mi ɖo na xya lɛ̀ ɖo na ná lɛ̀ ɖé ɖi é : akwɛ ganɛmɛ tɔn sin mámámɛ, ɖi akwɛ xé wɛ yi nɔ́ ɖû ɖo adɛ́xoxɔ lɔ mɛ ɖé, Gélá dônú-ko wɛ nyi akwɛ xé wɛ yé ná yi ɖé; akwɛ xé lɔ sin mamamɛ̀ wɛ nyi núnniná Mawutɔn xé yé ná ɖé sɔ ná Mavɔmavɔ ɖé. ¹⁴ Amɛ ɖé kpékpé xé yé nywɛnyi bo xya ɖo amɛ xyaxya lɛ̀ mɛ̀ ɖé lɔ, bɛ sin xwé ko jɛ́ ɛ ji, ná súú nunniná xé wɛ yé ɖé bo nyi Mavɔmavɔ tɔn ɖé. ¹⁵ Akwɛtɔ́nɔ́ ká ná súu zɛ́ɛ ù a, bɔ wámámɔ́vɔ́ ká ná ɖé untɔn cán kpo siin akwɛ mámám̀ xé yé ɖo na ná ɖo na ná ɖé mɛ a, ɖi nun xé yé ɖé bo násɔná Mavɔmavɔ ɖé ɖɔ un, bɔ na kpewu vɔ́ xɔ̂ amɛ nyi nyi yétɔn lɛ nyi. ¹⁶ A ná yi tâ lɛ vɔʘ́ xɔ̂ sin akwɛ ɖo izlayɛ́livi lɛ sin, bo ná sɔ ɛ̀ sɔ́ wa azɔ́ nyi ɖo kplékplétɛn sin xɔ̌ lɔ wu; bɔ xé ɔ na nyi nukún ɖo núji ɖé na Izlayɛlivi ɖo Mavɔmavɔsin nukunmɛ na tâ xixɔ̌ na yé lɔsu tɔn. ¹⁷ Mavɔmavɔ ɖɔ ná Mɔyizi, bo ɖɔ: ¹⁸ A na sɔ gánmun sɔ blo zɛn, bɔ gánmun wɛ́ na nɔ glɔ̂ nɛ, ná awútú klɔklɔ zɛn; a na sɔɛ́ sɔ ɖo glaglamɛ na kpékpétɛn xɔ̌ lɔ kpo vɔ́sákpo lɔ kpo, bɔ ana nɔ yi asǐn kɔ́ dé mɛ, ¹⁹ Ú wɛ́ Aalɔ́n kpo súnnuvi untɔn lɛ kpo ná nɔ sɔ klɔ alɔ kpo afɔ yêtɔn lɛ nyi kpo. ²⁰ Co yé na byɔ kplékpléxɔ lɔ mɛ lɔ́, yé na nɔ̂ kplɔ awutú kpo asin xé kpo hwɛ̂, na nɔkpɔn yé ná kú bó; mɔ́ ké co bɔ yé na yi vɔ́sákpo kɔ̂ lɔ, bo bo na yi sɛ́n bo na lɛ sávɔ lɛ ná Mavɔmavɔ. ²¹ Yé na nɔ̌ klɔ́ kpo afɔ́ yêtɔn lɛ kpo hwɛ́, na kɔ́kpɔn yé na kú bo. Xé ɔ nyi sɛ́ndido tɛ́gbɛ́ tɔn Aalɔn, kpo súnnuvi lɛ kpo jijimɛvi unton lɛ kpo. ²² Mavɔmavɔ ɖɔ xó ná Mɔyizi, bo ɖɔ: ²³ Sɔ́ ɔ ami nyɔwan gánji lɛ, a ná sɔ milami xé dágán kilóo atɔ́ɔ́n ɖé, sinnamɔmi xé nyɔ wan ɖagbé ɖé bo dagán kilóo awe kǔfán ɖé. Kanɛ́lu xé ɖo wán ɖagbé ɖé bo dagán kilo awe-kǔfan ɖé. ²⁴ Kasi xé dágan kilo atɔ́ɔ́; di gandanǔ xé wɛ̌ yé nɔ zan ɖo mawu xwegbé ɖé ɖɔ un. Oliwumi lita ayizen ná jɛ ji. ²⁵ A ná sɔ nuxé lɛ̀ bo ná sɔ ɖa ami xé wɛ́ yé nɔ si ná amɛ xe yé ɖé do vo lɛ́ ɖé. Ami xé ɔ xé wê enyɔwɛnɖa tɔ lɛ́ wɛ́ nɔ ɖa ɛ ɖe, bɔ e nɔ nyi ami amɛ ɖé do vo tɔn. ²⁶ A na kɔn ami nɛ do adɛ́xoxɔ wu& kpo akɔjijɛgba lɔ wú kpo. ²⁷ Kplɔn lɔ kpo núzizan lɛ́ bi kpo wú, kánlingbɛn hɛntin kpo nú xé lɛ́ bɔdéwú lɛ ɖé kpo, kpo vɔ́sakpo mámáttɛ wan ɖagbé tɔn kpo, ²⁸ Vɔsakpo vɔsafiyɔfiyɔ te tɔn kpo nǔ xé bɔ́lɛdo e lɛ́ ɖékpo, asinzɛ́n lɔ kpo nú xé ɖo do nɛ ɖé kpo. ²⁹ A na húzǔ xé lɛjɛ́ mimɛ blébúté, bɔ nú ɖé kpé kpé xe na ɖá alɔ́ ɛ wú dé ɔ na yi klan jɛ mimɛ ³⁰ A na sii ami na Aalɔn kpo súnnuvi untɔn lɛ kpo, bɔ a na klan yé do mimɛ, nɛ yé na na nyi azɔsɔvi ce lɛ̀ na un ɖo vɔsasɔxléun tɛ̀n mɛ. ³¹ A na nɔ ɖɔ na izlayɛ́livi lɛ, bɔ na nɔ ɖɔ; ami sisii mi mɛ wɛ́, ɖo jijimɛ mitɔn lɛ ten tɛn. ³² Yé ka na nɔ sɔ ɛ kɔnnyi awutu na amɛ ɖé a, alo mi na jlo bo na blo nû ci alɔkpa nɛ na ɖɔ un ɖé a, xé na din na vlɛ́ ú ha ɖé a, nû mimɛ wɛ́ ényi, bɔ mi na nɔ ɖo kpɔnɛn ɖo nù mimɛ ji. ³³ Amɛ ɖé kpékpé xé na mankpɔn bo na blo ú ɖɔ un ha ɖé ɔ, alo bo na sɔɛ ɖo amɛjlo ɖéji ha ɖé ɔ, yé na nyɛɛn tɔn siin togun untɔn mɛ. ³⁴ Mavɔmavɔ ɖɔ na Mɔyizi ɖɔ: sɔ ami nyɔwan gánji lɛ́ɛ, atin sin ahɔnhɔn, onisi kpo galubanumu kpó bo sɔ zálinkpɔ́n akúakú sɔ kpée. Nú xé lɛ́ɛ ɖé ka na húgan ɖé a. ³⁵ A na sɔnú xé lɛɛ bi kplé bo nasɔ ɖá nyi ɖi enyɔwɛn ɖetɔ sin a lɔ wɛ́ ɖɛɛ ɖɔ pɛ́ɛpɛ́ɛ, ena do jɛ́ɛ mɛ, bo na nyi nú mimɛ. ³⁶ A na lii bɔ e na mɛ kpɔɖɔkpɔɖɔ, bɔ ana sɔ ɛ ɖo nǔkɔn ná akɔjijɛ sin a ɖáká lɔ, do kplékpléxɔ lɔ mɛ, afi xé wɛ un na nɔ wa dogo xɛ wete ɖe. Bɔ xe na nyi nǔ mimɛ tá un ɖé ná mi. ³⁷ Mi ka ɖo na blo mamahe ɖé di xé ɔ wa ɖé ɖɔ un kpɔn a, ɖo jlɛ ɖo kpo e mɛ haá́; mi ɖo na nɔ kpɔn ɛn ɖo nú mimɛ wɛ́ enyi ji, xé ɔ nyi mavɔmavɔ tɔn. ³⁸ Amɛɖékpékpé ka na blo nɛ ɔ haáá, bo na hwlɛn kpɔn gbéɖé a, enyi mɔ lɔ hun yé na nyɛn tɔnɛn sin togun untɔn mɛ.