¹ Mavɔmavɔ ɖɔ xo na Mɔyizi, bo ɖɔ: ² Nyɔwɛnyi ɖɔ un cinyan ɓɛsalɛli, uli sin vi súnnu, vivú na húu xéjɔ ɖo judáa sin akɔtá mɛ ɖé. ³ Un gɔ ɛ kpo gbigbɔn Mawutɔn kpo, núnywɛn, domɔnanú, bo ɖo nukúnmɔjɛ azɔ wiwa alɔkpa lɛ ɖékpékpé mɛ́. ⁴ Un sɔɛ blo amɛ xé nɛ́ kpéwú ɖée nú yɔyɔ tɔn ɛn, bo na wa azɔ kpo si ká kpo, bo na sɔ akwɛ kpo gánmun kpo bo na sɔ blo azɔ ɖé nyi, ⁵ Bo nyɔ́ kpɛn ɖagbé ɖagbé lɛ kpa bo nɔ to e bo nɔ sɔ blo nǔ ɖagbé ɖagbé lɛ nyi, bo nɔ̌ sɔ atin sɔ tá nú ɖagbé ɖagbé lɛ nyi, bo lɛ blo nù alɔkpa alɔkpa ɖée vó lɛ́ nyi ⁶ Ú ɖie, un, sɔ oholiabu ɖɛɛn bɔ ena nɔ̌ gɔ́ ɔ alɔ́ nɛ, Ahisamaki sin vi súnnu wɛ enyi, bo jɔ sin Dán sin akɔtá mɛ. Un sɔ númɔjɛnumɛ do gbigbɔ na yé wu mɛ bi xé lɛ wɛ ɖo bibi ɖé, nɛ yé na kpéwu blo do nú xé lɛ̀ wɛ́ un zɔ́ we lɛ ɖé bi: ⁷ Kplékpléxɔ lɔ, akɔjijɛ sin aɖáká lɔ, núsú untɔn xé na sútámɛ nɛ́ ɖé, kpo núzizan lɛ kpo bi xé ɖo aɖɛxoxɔ lɔ mɛ ɖé; ⁸ Kplɔn kpo nǔzizan untɔn lɛ kpo, kanlin gbɛnhɛn tin sika lɔ́sú tɔn kpo nǔzizan untɔn lɛ kpo bi; ⁹ Vɔ̀sakpo mamahɛ lɛ tɔn, vɔ́sakpo xé ji yé nɔ fiyɔ vɔ́sá té lɛ ɖé kpo núzizan untɔn lɛ kpo bi, asinzɛn lɔ kpo núxé ɖo do nɛ ɖé kpo ¹⁰ Azɔ́watɔ lɛ sin awu lɛ, awuxé lɛ wu búbu sɔ na tê na vɔ́sa-xwlémawutɔ Aalɔn tɔn, awu na súnnuvi untɔn lɛ na sinsɛnzɔ wiwa lɛ ɖo Mawu xwegbé; ¹¹ Ami ɖé ɖo vo tɔn, kpo mamahɛ̀ wanɖagbénɔ na aɖɛxoxɔ lɔ mɛ tɔn. Yé na sɔ gbé ɖo mɔ ɖɔ un ɖi aléxéna un ɖo ena we lɛ ɖe pɛɛ. ¹² Mavɔmavɔ wa ɖɔ na Moyizi, bo ɖɔ: ¹³ Ɖɔ xo na Izlayɛlivi lɛ, bo ɖɔ na yé ɖɔ: mi ka na nɔ ma wlénukun do gbɔjɛzan gbé ce wu kpɔn a, do nú wɛ enyi do nyen kpo mi wu lɛ kpo tɛntɛn, bo tiin kpo jijimɛvi mi tɔn lɛ kpo, gésido ɖé xé ná bɔ yé nywɛnyi ɖɔ nyen Mavɔmavɔ wɛ́ nɔ lɛ́ mi wé. ¹⁴ Mi na wlénukun do gbɛjɛzan lɔwu, ɖo númimɛ ɖé enyi na mi. amɛ xé wɛ́ na do vɔ na gbɔjɛzan ce ɖé ɔ, kú sin tó wɛ yé dɔn nɛ́; amɛ ye na wa azɔ ɖé ɖo azan nɛ̀ gbé ɖé ɔ, yé na nyɛn tɔn sin togun untɔn mɛ. ¹⁵ Yé na wa azɔ na azan ayizɛn; amɔ azan canwé gɔɔ lɔ gbé ɔ nyi gbɔjɛzan, azangbɔjɛ gbé tɔn,, xé nyi gbɔjɛzan, azan gbɔjɛ gbé tɔn, xé nyi Mavɔmavɔ tɔn ɖé. Amɛ ɖé kpekpé xé wɛ na wa azɔ ɖé ɖo gbɔjɛzan lɔ ji ɖé ɔ, kú sin tó wɛ́ yé na dɔn n'ɛ. ¹⁶ Izlayɛlivi lɛ nɔ wlénukun do gbɔjɛzan lɔ wu, bo nɔ sɛn Mawu Mavɔmavɔ lɔ, yée kpo jijimɛvi yétɔn lɛ kpo, ɖi akɔjijɛ tɛ́gbɛ́ tɔn ɖéɖɔ un. ¹⁷ Xé ɔ na nyi gesidonú ɖé ɖo atɛntɛn na nyɛ kpo izlayʒli kpo xé wɛ́ na tiin kaka yi ɖé; ɖo ɖó azan ayizɛn mɛ ɔ Mavɔmavɔ blo jixwé kpo ayigba kpo, bɔ ɖo azan canwe gɔɔlɔ gbé ɔ e ɖo azɔwiwa un tɔn tê bɔ egbɔjɛ. ¹⁸ Xé na Mavɔmavɔ ɖo xo ɖi ɖɔ untɔn té xɛ Mɔyizi ɖo sinayi só lɔ ji ɖé ɔ, esɔ kplɔn kúnnun ɖiɖé tɔn awé lɛ sɔ nɛɛn, kplɔn ɖé xe nyi kpɛn tɔn, xé ji wɛ Mawu sin alɔ́vi lɛ wɛ̀ wlan ɖé.