¹ Na xé na a na blo na alɔɔn kpodo sunnuvi untɔn lɛɛ kpo bo na sɔ yé do vo bɔ yé na nɔ wa avɔsanamawutɔ sin azɔn gbwɛn nawun ɖé ɖie sɔ anyi bu xé ɖo ɖékajɛ mɛ ɖe ɖokpo bo sɔ agbo xé na blo ɖékpékpé ma dewu a ɖe awe . ² A na lɛɛ sɔ blelinfin bo sɔ ɖa kpɔnnɔ xé mɛ e kaa do levɛɛn mɛɛ a ɖe nyi a na sɔ ami bo sɔ nua blelinfin nyi bo sɔ tɔ ata xé e kaa do le do lewɛn mɛ ɖe nyi bo na si ami do é . ³ A na bɛ nu xé a ɖa lɛɛ ɖe do kisi mɛ bo na sɔ ɛ kpo anyi busu ɖé kajɛ lɔ kpodo agbo awe lɛɛ kpo wa xwé cé gbe. ⁴ A na kplan alɔɔn sunnuvi lɛɛ wa cɔixɔ lɔ nukɔn bo na sla wu na yé kpo asin kpo. ⁵ A na sɔ awu lɛɛ do na alɔɔn awu lɛɛ ɖie awu ɖaxo lɔ awu gaa do tɔn efodu lɔ kpo do akɔntago kpo bo wa sin efodukan lɔ. ⁶ A na sɔ ta blanu lɔ bo sɔ ɖo ta nɛ bo na sɔ sikanu xé wu é wlan amɛ can ɖo vo Mawu tɔn lɛɛ do ɖe sɔ ɖe wu. ⁷ A na sɔ ami lɔ bo kɔn do ta nɛ bo na sɔ ɛ ɖo vo. ⁸ A na ylɔ sunnuvi lɛɛ wa daliwe bo na do awu gaa lɔ na yé . ⁹ A na sin gokpannu yétɔn lɛɛ na yé bo na cɔn kuku yetɔn lɛɛ na yé bɛ sin gblɛngbe lɔ yé na nyi vɔ sa na matɔ kaa sɔ hɛn yi ɖi na xé na e ko ɖɔ gbwɔn ɛ ɖe. ¹¹ A na sɔ anyibusu lɔ hɛn wa cɔcixɔ lɔ nukɔn bɔ alɔɔn kpodo sunnuvi untɔn lɛɛ kpo na sɔ alɔ yétɔn lɛɛ sɔ ɖo ta nɛ . ¹⁰ A na gbo hlo na anyibusu lɔ ɖo mavɔmavɔ nukɔn ɖo cɔcixɔ lɔ lihlɛn nu. ¹² A na yi anyibusu lɔ sin ahun ɖé bo na sɔ alɔvi dé mɛ bo sdido avɔsagba xé ɖo scixɔ lɔ nukun ɖi sin azo lɛɛ wu bo na huzu ahun xé kpo ɖé kɔn nyi avɔsagba lɔ sin afɔtin lɔ wu. ¹³ Ana ɖe ami xé ɖo kanlin lɔ xomɛnu lɛɛ wu ɖe bi bo na kan ago nu lɔ susu kpodo ayikun awe lɛɛ kpo bo na do bi myɔ ɖo avɔsagba lɔ nukɔn. ¹⁴ Amɔ kanlin lɔ sin lan lɔ kpodo agbasa untɔn kpo kpodo mi untɔn kpo lɔ a na ɖée din fi xé mi jɛ agban do ɖé bo na do e myɔ e na nyi ahwɛ sɔ kɛ amɛ sin avɔsisa . ¹⁵ Do nɛ gido lɔ a na sɔ agbo lɛɛ ɖokpo bɔ alɔɔn kpodo sunnuvi untɔn lɛɛ kpo na alɔ ɖo ta nɛ. ¹⁶ Bɔ a na gbo hlo na agbo lɔ a na yi ahun untɔn bo na mimi lilɛ do avɔsagba lɔ. ¹⁷ A na ja agbo lɔ a na klɔ xomɛnu lɛɛ kpodo afɔ lɛɛ kpo vo na wa bɛ do lan lɔ kpo ta lɔ kpo ji. ¹⁸ A na do bi myɔ ɖo avɔsagba lɔ ji avɔ xé e nɔ do myɔ nawun ɖé wɛ avɔsisa de wɛ e nyi bɔ wan untɔn nɔ nywɛ se na nyɛ mavɔmavɔ . ¹⁹ Nɛ gido lɔ a na sɔ agbo awegɔɔ lɔ bɔ alɔɔn kpodo sunnuvi untɔn lɛɛ kpo na sɔ alɔ ɖo ta nɛ . ²⁰ A na do bi myɔ ɖo avɔsagba lɔ ji avɔ xé e nɔ do myɔ nawun ɖé wɛ avɔsisa de wɛ e nyi bɔ wan untɔn nɔ nywɛ se na nyɛ mavɔmavɔ . ²¹ Nɛ gido lɔ a na ba ahun xé ɖo avɔsagba lɔ ji ɖé kpodo ami xé e nɔ kɔn do ta na amɛ ɖé kpo kpɛɖe kpɛɖe bo na mimi kpɔn nyi alɔɔn kpo vi untɔn lɛɛ kpo sin awu wu na xe na sɔ alɔɔn kpodo vi untɔn lɛɛ kpo kpodo awu yetɔn lɛɛ kpo ɖo vo na nyɛ mavɔmavɔ gbwɛn ɖe nɛ. ²² Din lɔ agbo awe gɔɔ xé e hu ɖe na do xlɛ ɖɔ avɔsamawutɔ lɛɛ bɛ azɔn a na sɛn agbo nɛ lɔ sin asigbé kpo ami xé dé wu ɖe kpo ami xé ɖo xomɛnu lɛɛ . wu ɖe ago sin nuvinu ayikun awe lɛ kpodo ami xé lilɛ do ye lɛɛ ɖé kpo bo na ɖe asa aɖi xwe tɔn dé ji. ²³ A na lɛɛ sɔ kpɔnnnɔ xé mɛ e ma do levɛɛ mɛ a ɖokpo ata ɖokpo acɔm ɖokpo do kisi xé ɖo nyɛ mavɔmavɔ sin. ²⁴ A na bɛ nu nɛ lɛɛ bi do alɔɔn kpodo sunnuvi untɔn lɛɛ kpo sin alɔ mɛ bo na ɖɔ na yé bo ɖɔ yé nɛ sɔ nu lɛɛ sɔ xwle un ɖi na xé na e nɔ sɔ avɔsisanu xwle un gbɔn ɖe. ²⁵ Nɛ gido lɔ a na yi nu lɛɛɛ sin alɔ yetɔn lɛ ɛbo na sɔ ɖo avɔsa xé e nɔ do myɔ lɔ ɖé ji ɖo vɔsagba lɔ ji bo do é myɔ avɔsanu wɛ é nyi bɔ wan untɔn n ɔnywɛ sé na wun . ²⁶ A na sɔ agbo a we gɔ lɔ sin akɔn bo na sɔ xwle un a le xé na e nɔ sɔ avɔsisanu xwle un gbwɛn ɖe bɔ nɛ lɔ na nyi akaanta twe. ²⁷ A na sɔ do xlɛ ɖɔ agbo lɔ sin akɔn kpodo asa untɔn kpo xé yé ɖé ɖe bo sɔ xwlé maɔmavɔ gbɔn mɔ nyi ɖé ɔ lan xé e sɔ ɖo vo nawun ɖé wɛ. ²⁸ Nɛ wutu wɛ izlayɛlivi lɛɛ na nɔ ɖe akpa nɛ lɛɛ xwé sin kanlin xé ye sɔ sa ɖokpo nyinyi vɔ nawun lɛɛ ɖe wu hwe lɛɛ bi nu bo na nɔ sɔ na alɔɔn kpodo vo untɔn lɛɛn kpo . ²⁹ Na alɔɔn wa ku lɔ e na bɛ avɔsanamawutɔ sin awu untɔn lɛɛ bo na sɔ na sunnuvi untɔn lɛɛ bɔ hwenu xé na e na kpɔn ami do ta amɛ ɖokpo ɖo yé mɛ ɖe bo na sɔ avɔsamawutɔ si, azɔn do alɔ untɔn mɛ de lɔ e na do é . ³⁰ Vi xé na jɛ atɛn untɔn mɛ bo na jɛ avɔsanamawutɔ zɔn wa ji ɖé ɔ na do awu lɛɛ na azan canwe hwenu xé e na byɔ cɔixɔ lɔ mɛ bo na wa avɔsanamawutɔ zɔn ɖo atɛn wiwé lɔ mɛ ɖé. ³¹ A na sɔ agbo awe gɔɔ xé e sɔ wa avɔsana mawutɔ zɔn nyi na yé ɖe ɔ bo na ɖqa lan untɔn ɖo atɛn wiwé mɛ. ³² Bɔ alɔɔn kpodo sunnuvi untɔn lɛɛ kpo na ɖu lan untɔn kpodo kpɔnnɔ xé ɖo kisi lɔ mɛ ɖo cɔcixɔ xé mɛ unte ɖe sin xɔ lihlɛnnu. ³³ Ye kɛɖɛ wɛ na ɖu nu nɛ lɛɛ ɖo nu nɛ lɛɛ wɛ é zan bo sɔ sunsun nylafdo yetɔn lɛɛ nyi bɔ sɔ ye ɖo vo bo sɔ avɔ sanamawutɔ zɔn lɔ do alɔ mɛ na yé amɛ ɖévo ɖé ka na ɖu a ɖo nu wiwé wɛ. ³⁴ Na e kpo lan lɔ ɖé kpo bɔ anyi hɔn do lɔ a na tɔ myɔ ɛ bɔ é kaa ɖu ba ɖo wi wé wɛ . ³⁵ A na zinzɔn lin do nu nɛ lɛɛ ɛ xé un ɖɔ na we do alɔɔn kpodo sunuvi untɔn lɛɛ kpo wu lɛɛ ɖe bi azan canwe wɛ a na sɔ ɖo te bo na sɔ can yé avɔsa namawutɔ. ³⁶ A na sɔ anyi busu ɖokpo sɔ sa avɔ nyi nawun gbé ɖokpo ka kaa na azan canwe lɛɛ bo na mɔ agɔsɔkɛ yi a na blo mɔ bo sɔ sla wu nyi na avɔdsa gba lɔ nɛ gido lɔ a na kɔn ami de ji bo sɔ ɛ ɖo vo n'awun. ³⁷ A zan canwe wɛ a a sla wu na avɔsagba lɔ xɔ bo na sɔ ɛ ɖo vo n'awun bɔ avɔsagba lɔ na nyi wiwé bɔ nu ɖé kpékpé xé tɔ avɔsagba lɔ ɖe ɔ na nɔ huzu nu wiwé. ³⁸ Anyihɔn tɛgbɛɛ ɖo hwe lɛɛ bi nu lɔ a na nɔ sɔ alɛngbɔvi xé ɖo xwé ɖokpo ɖe awe bo na nɔ sɔ sa avɔ nyi ɖo avɔsagba lɔ ji kaa sɔ hɛn yi. ³⁹ A na nɔ sɔ alɛngbɔvi lɔ ɖokpo bo sɔ sa avɔ nyi zanflun lɛɛ bo na sa ɖokpo gbadanu lɛɛ. ⁴⁰ Alɛngbɔvi zanflun tɔn lɔ linfin nyi nya towungoɖo atɔn olivu sin ami lirta ɖo kpo kufan kpodo vɛɛn lita ɖokpo kufan kpo bɔ a na sɔ xwle un a na sɔ vɛɛn lita ɖokpo kufan bo na ba. ⁴¹ Nu ɖokpo lɔ lɛɛ wɛ na jɛ alɛngbɔvi xé a na sɔ xwle un gbada nu ɖé ji avɔsisqa xé e nɔ do myɔ lɛɛ ɖe wɛ bɔ wan yetɔn nywɛ sé na nyɛ mavɔmavɔ. ⁴² Bɛ din kaka bo sɔ hɛn yi lɔ é ka na nɔ gbɔ avɔ xé e nɔ do myɔ ɖé n'awun ɖo cɔcixɔ xé mɛ un te ɖe nukɔn gbéɖé a flɛn wɛ un na nɔ wa dogo ye te bo na nɔ ɖɔ xo na we te ɖe. ⁴³ Un na nɔ wa dogo Izlayɛlivi lɛɛ ɖo flɛn bɔ atɛn nɛ lɔ na huzu atɛn wiwé ɖo gigo ce wutu. ⁴⁴ Un na sɔ cɔcixɔ lɔ kpodo avɔsa gba lɔ kpo ɖo vo un na sɔ alɔɔn kpodo sunnu vi untɔn lɛɛ kpo ɖo vo bɔ yé na nɔ wa avɔsamawutɔ sin azɔn nawun. ⁴⁵ Un na nɔ Izlayɛlivi lɛɛ tɛntɛn bo na nyi Mawu yétɔn. ⁴⁶ Yé na nywɛnyi ɖɔ nyɛ wɛ nyi mavɔmavɔ Mawu yétɔn xé ɖé yetwɛn sin ejipu bo na nɔ yé tɛntɛn ɖe mavɔmavɔ yetɔn wɛ un nyi.