¹ Bi niteginkaaba kpenli, ama, oba kuli ki faami bipo, B i taa ya niba n ŋua n ŋantaado sanu, ki yaadi yeni ba, oba kuli naa bani yaali n cedi ke bi yaadi yeni bi niteginkaaba, ke mi biadma po n cedi ke bi yaadi yeni bi niteginkaaba. ² Ya niba n ŋua mi teginma ba baa mi yanduanma, bi ba duani bi duani po, ki guani bi yama nni. ³ Ama, yinba ya pua n bu ti jabaadi bijaba, cua mani na, yinba li jaconconli yeni li pococonli ń taani ki mali ya bila yeni. ⁴ I laa ki ñuadi ŋma i? I miani ŋma i, i ñɔna, ki keeri yeni i lanbu? Yii tie biyenyieda ka aa, mi tofaama bila ka aa? ⁵ I fiindi i gbani, ki dua ki taagi yeni yaba i ticiandi kani, yeni ya tiidi n bundi ñiana tiipo, yinba yaaba n kodi i bila ti jualɔndi nni, yeni a juatanmaba nni. ⁶ I ŋalmano ye ku jualɔngu tankpilma nni i, i biinu mo ye lankani i. I cabni a ñincaba lanya tana po i, ki puuni i jiema paabu, ki padi a padjuukaana kuli, lankani i. I maali ke n ba fidi ki baagi n yuli lanya bona kuli po yo oo? ⁷ I bobni ki bili i duanu ya juali n kpedi po; i go do ki caa lanpo i, ki puuni i paabu, ki padi i pada. ⁸ I jɔni i ñɔgtila i bulñɔkpiani puoli po i; i sani ki ŋa nni, ki yiedi ki ŋa i ula mubili, ki doni, ki bobni ki ladi i duanu. I loli ŋantaadi yeni ba, ki faadi bi duani, ki gbeli ki go ñuadi ban wuondi ya gbannandi. ⁹ I yi fii ki jiidi ki gedi o buciamo, Moleki kani yeni mi kpama, ki pugni tulaale. I sɔni i tonda hali fagma; ki tudi ki jiindi, ki diindi ba bi tinkpiba diema nni. ¹⁰ Hali ŋan ñani naankani yeni, a cuoni ki cɔgi, ama, a kan yedi, "Laa ji pia mayuli." I li bii ki pia u paalu, kelima i paadi i cɔgindi. ¹¹ I den yagni i yama ŋma ya po i? I den jie ŋma i, ki bɔndi nni, hali kaa tiadi npo, ke laa puni yi, ke yin kuani i maalma npo mɔno oo? Nani min den ŋmini, ke li waagi yeni, yii ji jie nni mɔko. ¹² N ba dɔgdi, ki waani i teginma yeni yin sɔni ya tuona kuli, ama, li naa pia todmaba kuli ipo. ¹³ I ya buudi ki yigni ya yognu, yin cedi i buli yii n ki waa yeni, ń faabi yi. U faali ba tugi li buli kuli, ki yaadi yeni yi. mi fawaama mo ba taa yi, ki yaadi. Ama yua n sani ki wuoni n kani, o ba di li faali mi diema nni, ki do ki kali n juagagdiŋanli po. ¹⁴ O ba yedi, "piini piini mani ti buodi! Sondi mani u sanu! Ñani mani bontuudikaali kuli n buolu sanu po!" ¹⁵ Kelima, yua n ye hali mi tanpojoma, wani yua n ye hali yognu kuli, yua ya yeli n gagdi ki ŋani yedi ya maama ne, "N ye mi gagdiŋanma nni yeni ya kaanu n kpedi boncianla nni, ama, n go ye yeni ban mabindi yua, yeni yua n ye yani li pabiidli, ki go faabdi yaaba n laadi fala, ki ye yeni ti yanyagdi. ¹⁶ N kan ya kɔni yeni ba yognu kuli, N go kan ya biendi n pali yognu kuli ka, kelima, min tagi ya bonfuoda, ke a pia miali kuli ba bodi. ¹⁷ Kelima, Israyeli yaaba yiekandikaama po, n pali den beni, ke N pua ba, n pabiencianli nni, N den wuoni n yuli, ama bi den bii ki ŋua bi pali ń taa ya yiema sanu. ¹⁸ N den la bi sanu yeni bi tɔgu, ama yeni lankuli, N ba paagi ba. N ba gobdi ba, ki baagi bani yeni yaaba nden ye mi kuuma pabɔnli nni kuli, ¹⁹ N ba kuani ti pagdi bi ñɔna nni. mi yanduanma, mi yanduanma, yaaba n ye fagma yeni yaaba n ye kɔma nni kuli; O Diedo n yedi yeni, N ba paagi bi kuli. ²⁰ Ama, bi nibiadba wani tie nani ya ñincianma n lengidi yeni i, yaama n kan fidi ki duani suo, mani ya ñima n fiindi ti bɔgdi yeni li ŋɔbli kuli yeni. ²¹ Yanduanmaba kuli ki ye bi nibiadba po; U Tienu n yedi yeni."