¹ "Fala ba kua yaaba n fiini mi yenyiema bila" O Diedo ñɔbonli n yeni. Bi bobni bi yanjaga, kaa faami npo, bi loli bi ŋantaado yeni i nilanbuoli, ama bi naa ŋɔdi n yantiali, lanwani ii, bi tiendi ti tuonbiadi, ki dogindi tiyadi po. ² Bi juogi bi siiga nni, ki bobni ki ba jiidi ki gedi Ejipti diema po, bi naa waani nni, ki ba gbadi n gadi. Bi lingi u wuonkaanu Faarahɔn kani, ki ba sani ki ban deni Ejipti sɔngu. ³ Lanya po i, ke Faarahɔn kani wuonkaanu ba tua bipo fee, Ejipti sɔngu mo ń tua bipo fee yeni laadi, ⁴ Bá yeni i badijaba ń pundi Sowani, ke bi tonda mo gedi Hanesi po. ⁵ Bi ba di i fee, kelima li nibuolu kan fidi ki todi ba, bi kan mindi bipo bá pu, bi kan fidi ki todi ba, baa go pia bipo fuomaba kuli mo, li nan yaa tie fee yeni laadi baba yaaka." ⁶ Ban pua ya sawali, niganu po yandi po: Bi tugindi bi ŋalmani i ŋunbi yeni ti yuoyuodi po, ki pɔndi li yubɔnli yeni li pabɔnli diema, li waalabli yeni o bonfuodbiado yua n yugi yeni ń ye naani, bi nanli ya nibuolu n ki pia todmaba kuli bipo n yeni. ⁷ Kelima, Ejipti todma ki pia mayuli, fanma baba i; Lanya po i, ke n tiani ki yedi, "Japaadanba baba, bi kan sedi kannyendu. ⁸ To, mɔla, cua ki diani bi nintuali, a tanpaba po, lani n tie lan tua kasiedi tigbabkaali yaali n ba waagi ki ye, hali yeni ya yognu kuli. ⁹ kelima, bi tie yaaba n fiini mi yenyiema, mi tofaama bila i, ya bila n yie, kaa bua ban gbadi O Diedo tundi i. ¹⁰ Bi ŋua ki tua yaaba n nua saala po, "Da lingi mani;" ki tua bi sawlpuaba mo, "Da pua mani tipo ya sawali n tiegi; ya bɔndi ti mani, ya pua mani tipo ya sawali n baa mangdi ti pala. ¹¹ Da ŋua mani u sanu, jadi mani ki taa santianu; Cedi mani Israyeli Tienu yua n gagdi ki ŋani yeni, ń ji da maadi ti nintuali." ¹² Lanya po i, ke Israyeli Tienu yua n gagdi ki ŋani yeni, yedi ya maama ne, "Nani yin yie n maama yeni, ki faadi ku tugtongu yeni i janbi, ki dugi lani yapo yeni, ¹³ lanwani ii, lanya tagli baa tie ipo nani ya bilinguonli n tɔni i yiani yeni i, li yiani n ba tuadi ya bilnu n kpedi, un ŋmadi ki baa yenma yeni." ¹⁴ U ba baa ki mumudi yomyomi nani o tiamaalo tiagu yeni i, ku kan sieni bá pu, bá ciciaga lan padi mukuanli, bá ya ciciaga n ba kabi ñima ñinbuogu nni. ¹⁵ Kelima N Diedo, O Diedo, Israyeli Tienu yua n gagdi ki ŋani yeni, yedi ya maama ne, "I ya lebdi i pala, ki guani O Diedo kani, i ba la mi faabma, i ya duani i yama, ki dugi npo, lani n baa tie i gbanmanu. Ama, i naa bua yeni! ¹⁶ I yedi, 'N n, yeni ka, ti ba jagi i taami i, ki sani,' lani n yeni, i ba sani mo; i go tua, 'Ti ba jagi ya taami n tiini tonma,' ama, lani ncedi ke yaaba n ŋua ki deli yi yeni, baa kagi ki cie yi. ¹⁷ Jakɔndyendo ba deli niba tudli, ban sani; niba mu ya deli yi, i ba sani ikuli, ki ban sieni nani ya daafagdigu n caa li juali po yeni, bii, nani ya tuudcabli n ye li juali yuli po yeni." ¹⁸ Lani n cedi ke O Diedo guu ki ba tieni ipo li ŋanbli, lanya po i, ke o bua fii, ki gbadi i niñima. Kelima, O Diedo tie ya Tienu n tiegi i; mi yedŋanma ye yeni yaaba n dugi opo. ¹⁹ Kelima, fini ya nibuolu n kaa Siyɔn, Jerusalema dogu nni, a ji kan buudi hali bada. A ya yigni ya yognu, o ba gbadi a yigni yeni a niñima, ki jiini a. ²⁰ Yeni i pabiidli yognu kuli, O Diedo ba puni yi mi jiema, u ñinkpankpagu yognu, o ba puni yi mi ñima, Yaaba n tundi yi ji kan pɔdi ki sedi, ama, i ba la i tundka yeni i nuni i. ²¹ I ya bua gɔgdi gani po, bii, jienu po, i tuba baa gbia mi maama, ke mi tua, "U sanu n ne, tɔgni mani uni" ²² I ba nɔnli ki sua ke yin duadi ya buli yeni ya nannana yeni ŋanjilfa, bii, yeni wula yeni jɔgni boncianla. I ba lu likuli hali fagma, nani yaali n jɔgni ki kandi yeni, ki yedi, "Fuadi mani, ña mani nekanba." ²³ O ba puni yi ki taaga kan nii i kuani nni bonbulkaali po, i kuani nni jiema baa yabi, ki go mani boncianla. Lanyognu, i yandi ba baa ya yankpaakaanu n ŋani, ki ya ŋmani ti muasɔngiŋandi. ²⁴ A naakpakuola yeni ya ŋunbi n ko, baa baadi ya muadi n ŋmadi yeni mi yaama, ban lendi ke yaali n ŋɔdi ku fengu. ²⁵ Mi janjanbiadma daali, ya diefagirdi n ba baa ki mudi, ba bili ya bɔndi yeni ya ñinsani n baa jɔgni a juana yeni a gbangbana kuli. ²⁶ Li daali o ŋmaalo baa yieni nani u yienu yeni i, u yienu mo ya yenma ba yendi ki pugni taalma lele, li baa yieni nani dana lele ya yenma yeni i. O Doedo ba tebi o buolu nala, ki ŋanbi ki buu ban den pua ki duoli ba ki ŋa ya yiadi bipo. ²⁷ Diidi, O Diedo wani obá n ñani hali fagma, yeni o pabienli, ki li co umu, ki ŋubi ku muñiigu. O ñɔgbana mɔno dɔgdi ki wangi o pabiencianli, ke o lanbu tie nani ya mu n bolindi yeni. ²⁸ O fuoma tie nani ya kpenu n gbie, ki duodi, ki yili, ki ba pundi u tulu yeni, o ba yogi, ki jiá i nibuoli, ki bolni bi nibiadba. O ba kpali i nibuoli ti tankpadi, ki kpibni bi ñɔbu nni ki tanbiaga, ki pua ba ban yaadi, ki bodi. ²⁹ I ba yiini i yani nani mi jaancianma ñiagu yeni, i pala baa mani nani yua cuoni yeni ki yelga, ki do O Diedo juali po, ki caa Israyeli tanciangu kani yeni. ³⁰ O Diedo ba duoni o bali nialu, ban gbadi, ki waani o nuu paaciamu; o ba dɔgdi o pabiencianli mu ń co u mupienu maama, yeni ku faaciangu, ku taafaaciangu yeni a taatana kuli. ³¹ Kelima, Asiiri ya gbadi O Diedo nialu, ti jawaanciandi ba cuo o; O Diedo ba pua ba yeni o gbadunduli. ³² O Diedo ya pua ba o gbiamu ya yognu, i ba gbadi ke mu lonmu yeni ti kogirdi pua, o baa fungi i nui yeni mi jama, ki kɔni yeni ba. ³³ Kelima, bi tuodi ki bobni u juukaanu ki bili hali yogu. Bi bobni li kaanu o bado mo yapo i, U Tien bobni li buogu ke gu pia, ki go ñua. Bi bobni, ki dogni likani ya daadi n yabi, mi juuma po. O Diedo ñɔbu faawaama n ba cuoni li daadi nani kpiadtanli yeni, tin ga u mu.