¹ Ya binli ke Asiiri bado, Sargɔn den sɔni o jakɔndciamo, bi guudkaaba yudaano, Taritan, ke o gedi Acidodi, Filisiti diema nni ki ban pua ki paadi li dogu, ki diedi u yeni. ² Li yognu, O Diedo den maadi yeni Esaayi, ki yedi o, "Gedi ki ban gbindi ki ñani ya pabɔntiadi n luoli a ciaga nni, ki pidi a taacaadi." O den tieni yeni, ki cuoni mubili yeni taapiena, kaa pili taacaadi mo. ³ O Diedo den yedi, "Nani N naaciemo, Esaayi ń cuoni mubili maama, kaa pili taacaadi mo hali bina taa yeni, li tie maalma ki go tie ya bonwaankaali n nua Ejipti yeni Etiyopi yaaba; ⁴ Li ba tua yeni i, Asiiri bado ba pigi Ejipti kpaada yeni Etiyopi yonbi, bi ni paanba yeni a nikpela kuli, mubili yeni taapiena, ke bi mugbana nua, ke li tie fee, Ejipti po. ⁵ Ti jawaanciandi ba kua ba, ban di i fee, kelima Etiyopi yua n tie candaano, yeni Ejipti yua n tie bi seli yeni bi kpiagdi. ⁶ Kpenpuoli po yaaba ba yedi landaali, "Diidi mani ban tiendi tin den dugi yaaba ya po, ki tiini ki miadi mi todma, ke ban faabi ti Asiiri bado nui nni yeni, to, mɔlane, timo ba tieni ledi i ki baa gapo oo?'"