¹ Eliyasib alfaga beero tun nga nda nga gna-ize alfagey, ga feeji meyo cina. I na hannandi ga me daabirjey mo daŋ, zaa zangu cinari kuuko do j'ai hananeyel cinari kuuko do. ² Yeriko alborey cina Eliyasib jarega, i jarega koyne Zakkur Imri izo cina. ³ Hassenah izey na hamisa meyo cina. I na kaataakay sinji, i n'a me daabirjey daŋ, d'a hawyan harey , d'a karangaley mo daŋ. ⁴ I jarga Meremot Uriya izo na hanseyan jarey te. Uriah Hakkoz bora izo no. I jarga Mesullam go ta hanse. Bereciya izo no, Mesezabel ize. I jarga mo Zadok Baana izo n'a hanseyan goy te. ⁵ A banda koyne tekowa Jordy na hanseyan goy te, ngey kan yan laabu koyey wanji i alberey goyo. ⁶ Yoyada Paseya izo nga nda Mesullam Besdeya izo mo na me zeena hanse. I n'a kaatakey sinji, g'a medaabirjey daŋ, g'a hawyaŋ harey d'a karangaley mo daŋ. ⁷ I jarga mo Melatiya jibeyon bora, da Yadon Merono bora, nda Jibeyon borey, da Mizpa borey kan yan gati isa daŋanta goufernerey waney. ⁸ I jarga Uzziyed Harhaya izo, zamo fo ira, a jarga mo hanania turaare koyey ra afo. I na Ursalima cina kal kosara taafa'a gaa. ⁹ I jarga Refaya Hur izo hanse. Ursalima jara jine bora no. ¹⁰ I jarga Yedaya Harumafa izo go ga nga windo jarga hanse. A jarga mo Hattus Hasabneya izo na hanseyan te. ¹¹ Malkiya Harim izo nda Hasub Pahat-Mowab na nongu fo hanse da feema cinari kuuko mo. ¹² I jarga Sallum Hallohes izo, Ursalima jara jine bora,hanse, nga nda nga ize wayey. ¹³ Hanun nda Zanowa gorokey na gooru meyo do harey hanse. I n'a cina g'a me daabirjey daŋ, g'a hawyaŋ harey d'a karangaley daŋ. I na kambe-kar zambar fo cinari cina ga koy hal birji meyo do. ¹⁴ Malcia Rekab izo kan go ga Bayt-Hakerem laabo may, na birji fu meyo hanse. A n'a cina, a n'a me- daabirjo daŋ, d'à hawyan harey, d'à guurey kan ga'a daabu. ¹⁵ Sallun, kol-Hoz izo, kan go ga Mitspa laabo may na hari-zuuro fu meyo daabirjo cina. A n'a cina, a n'a daabu, a n'a daabirjey mo daŋ, da hawyan haray, da guurey kan g'a daabu. A na Siloe bango cinaro mo te, bonkoono kalo jarga, kala'a ma koy Karimi haray, kan ga fun ga zumbu Dauda kwaara ga. ¹⁶ A banda,Nehemiya Azbuk izo , kan go ga Bet-Zur laabo jara may, n'a nga kamba daŋ goyora kala nangay kan go Dauda saaray do, ga koy kala bango kan i cina, da yaarukonay windo ga. ¹⁷ A banda, lawitey no go ga goy, Rehum, Bani izo mo go ga goy, a jarga mo Hasabia, Keila laabo jara jine bora, goy nga laabo se. ¹⁸ A banda i gna-izey goy, Banayi Henadad izo Keila laabo jara jine bora ; ¹⁹ A jarga mo Ezer , Yasuwa izo, Mispa jine bora, nga mo na kosara jare fo hanse, nango kan go guna wangu-ciney fuwo zijanta do haray, carawo ra. ²⁰ A banda, Baruk Zabayi izo nã himma dan ga kosara kambu fa hanse, Zaa carawo ga kala Eliasib, alfaga beero, fuwo me. ²¹ A banda Meremot, Uri izo, Hakkos izo, na kamba fa cina zaa Eliasib fu meyo ga kala bananta me. ²² A banda, alfagay kan yan fun Ursalima windanta go ga goy. ²³ I banda Benyamin nda Hasub go ga goy ngay fuwey jine. I banda Azariya Maseya izo, Ananiya izo, goy nga fuwo jarga. ²⁴ A banda Binuyi, Henadad izo, na kambu fa hanse, zaa Azariya fuwo do kala carawo ra da lokota ra. ²⁵ Uzayi izo Palala, go ga goy cinaro carawo nda cinari kuuko kan go ga salle bonkoono windo beene fuwo ga, kasu-garo batama jarga. A banda mo Pedaja Pareok izo go ga goy. ²⁶ Netinamancey kan yan go toondi-daaro boŋ mo go ga goy hari-fu meyo jarga, kan ga fun wayna-funay haray, da cinaro kan go salle do haray. ²⁷ I banda no Tekowa borey na kambu fo hanse, wokan go cinari kuuko kan go salle do haray ga koy kala toondi kuuko cinaro gaa. ²⁸ Beene, bariyey fuwo boŋ, alfagay no go ga goy, boro kulu nga fuwo me. ²⁹ I banda, Sadok Immer izo go ga goy nga du meyo ga. A banda Sekaniya izo Semaya kan ga ti wayna-funay fu meyo batuka no go ga goy. ³⁰ A banda Hanania Semeliya izo nda Hanun Salaf ize iddanta ngey mo na cinaro kambu fo hanse. I banda Mesullam Berekiya izo goy nga fuwo jine. ³¹ A banda mo, Malkija, urã-zamay ra a fo, go ga goy kalla Netinancey nda fatawci-izey fuwey do, Mifkad fuwo me ga koy kala beene-fuwo lokota ra. ³² Ura-tekoy nda fatawci-izey mo go ga goy beene-fuwo lokota ra nda feejey fu-meyo gama ra.