¹ Nisan hando ra, bonkoono Artasersiz mayra jiiri warankantara, duvan go gisi a jiine, ay na duvaŋo sambu ga no bonkoono se. Ay man bay ga kay a jiine bine-hasaraw ra. ² Bonkoono ne ay se:" Ifo se no ni na ni monduma haw? Manti yamo ni sinda baani no, a ga hin ga te bine saray day no." Alwaato din ay hamburu gumo. ³ Ay tu mo bonkoono se," bonkoono ma funa hal'abada! Mate no ay ga te ga jan ga ay monduma haw, alwaati Kan kwara kan ra ay kaayey saareyey go, halci, a fu-meyey mo danji n'i ŋwa." ⁴ bonkoono mo ne ay se:" Ifo no ni ga ba ay ma te?" Ay binde na adduwa te beeney irkoyo ga. ⁵ Ay tu mo bonkoono se :" Da day a kaanu bonkoono se, da day mo a goytero du sabu a jiine, m'ay donton Yahuda, kwaara Kan ra ay kaayey saareyey go, hal ay ma cina." ⁶ bonkoono wondo go goro a jarga, kala bonkoono n'ay se: alwaati marje no ni naaruma gate? waati fo no ni ga ye ga kaa?" A kaanu bonkoono se a ma nan ay ma dira, ay mo na no alwaati. ⁷ Ga ay ne bonkoono se :" Da'a kaanu bonkoono se, Ay ga ba i m'ay no wasika yan isa daŋanta goufernerey se, kan ga nan i ma ay nan ay ma bisa ga furo Yahuda laabo ra. ⁸ Da mo wasika fo Asaf se, ŋga kan ga ti bonkoono tuuri-ŋyaŋey batu il, Kan ga nan a m'ay no bundunyan wongu-fu beero meyey se kan go windo jarga. kwaara kwasarey yaŋo se, da mo fuwo Kan ra ay ga goro se." bonkoono na ay ni wasikey din, zama ay irkoyo kambe hanna g'ay bon. ⁹ I koy isa daŋanta goufernerey do, ay na bonkoono wasikey no i se, bonkoono nan nga wongu soojey jiine boorey da bari-karuyan na ay dum. ¹⁰ Waato Kan Samballat honori bora nda Tobiya amonanca goytero ma'a ra, i man ma kaani ba kayna da kan borofo goono ga ka ga gaa Kan go israyla izey banni ceci. ¹¹ Ay ka ga to Ursalima, Ay te mo cirbi hinza. ¹² Woodin banda ay tun ciini haray nda borofo yan. Ay man ci mo borokul se haha kan Ay irkoyo daŋ ay bina ra ay ma te Ursalima se. Alman kul mo si ay bande, da manti wo kan bon ay go. ¹³ Ay fatta ciini ra haray, gooro meyo fonda do haray Ay go ga koy zoŋo dayo do haray, fonda Kan ga koy birji fu-meyo do haray, ay di Ursalima kwasareyey kan yan kan, ay go ga lasaabu mo a fu-meyey kan danjo ŋwa din yan ga. ¹⁴ Ay bisa haro-meyo ga nda bonkoono bongo jarga. Ba nongu mo sino kan ay almano ga bisa. ¹⁵ Ciino din ra ay kaaru gooro do haray ay di mo kwasareyey, Woodin banda ay ye ga gana gooro meyo do haray ga ye ga ka fu. ¹⁶ Mayray koyey si bay nan kan ay koy wala haykan Ay te, kala alwaato wo, ay man ne yahudancey se haykulu, ba sargay tekay, ba alberey, ba mayraykoyey, wala mo borey kan ga hagoy da goyey din ra afo. ¹⁷ Ga no ay ne i se :" aran go ga di alhali lala kan ra iri go, i na Ursalima halci, a fu-meyey mo danjo ni ŋwa! wa ka iri ma ye ga Ursalima kwosara ciina , ga no, iri si ye ga ciya wowi hari koyne." ¹⁸ Ga no ay deede i se mate kan cine no ay Irkoy kamba hanna goro ay bande, da mo sanney kan yan bonkoono te ay se. Ga i ne: wa tun ga kay iri ma cina! I binde na ngey bon gaabandi sanka hanna din ra. ¹⁹ Waato kan Samballat haroni bora, da Tobiya amonanca goytero, nda Gesem laarabo ma laabaro, i sobay ga iri hahara, ga donda iri mo. Hala i ne :" Ifo no aran go ga te wo? Aran go ga ture Bonkoono sanney ga no?" ²⁰ Ay mo tu i se :" Beeney irkoyo ga iri no zama yan. Iri kan yan ga ti a goyterey, iri ga tun ga kay, iri ga cina mo. Amma aran wo , aran sinda baa, wala Fondo, wala fongu yan hari Ursalima ra."