¹ Waato kan cine Samballat du baaru kan iri go ga kosara cina, a bina bi, a furo ml futay laalo ra. ² A donda yahudancey, hal a ne nga gna-izey nda Samaria sojey jine:"goy fo duma no yahudance yoglantey wo go ga te? Ir ga moo dan g'i guna? I ga tondiyan kan fiji laabo ra , kan yan danji ŋa noo fundi no? ³ Tobiya amonanca go ga kay a jarga, nga mo ne :" i ma sobay day ga cina, baa day zoɲo no zuru ga ka a ga i tondi kosara zeeri. ⁴ Maa ya iri irkoyo mate kan i go ga donda iri, ma nan i wawey ma kan i boŋey bon, ma nan mo i ma ciya laabu fo wangu arzaka. ⁵ Ma si i tegoy-laaley yaafa, i zunubey mo, i ma si i tuusu ga ka ni jine, zama i na taali te borey kan yan go ga cina se. ⁶ Iri ye ga kossara cina, kan ban nango kulu haray kala a kuyaŋo bindora. Jamaa mo na goyo di da bine fo. ⁷ Amma Samballat, Tobiya, laarabey, amonancey da Asdod borey futu gumo kan i du laabari kan kosaray cina-yaŋo go ga koy da jina,hala kosara kottuyaŋey do sintin ga daabu. ⁸ Care bande i kulu te me fo hala i ma ka ga Ursalima wongu ga hasaraw te noodin. ⁹ Iri na adduwa te iri irkoyo ga, iri na batukoy yan dan ciini nda zaari i ma du ga tangam iri se. ¹⁰ Amma Yahuda kunda borey go ga ne :" gaabi gaze borey kan yan gonda jaraw se, fiso mo ga ba gumo, iri si hin ga kosara cina." ¹¹ Iri ibarey mo go ga ne :" i si ma haykulu, i si di mo haykulu, kala nda i di iri i gama ta iri mi wi mo, ga du ga goyo gayi. ¹² A ciya binde yahudancey kan yan go baafunay i jare ga, kaa hal soro way g'iri ka baafunay nda nonŋay kulu kan do harey i go ga fun ga ka iri do. ¹³ Woodin de no ay na kunda dan boro kulu nga almiyalo ra, nangay kan yan ga guusu ga bisa cinaro banda nda batama kogay ra, i kulu mo gonda takuba yan, yaji yan d'i birawey. ¹⁴ Ay goono ga guna, gaa ay tun ga kay ay bonga, ay ne alberey, ciitikoyey nda kunda boro jarey kulu se :" Wa si hamburay! Wa fongu Rabbi, nga kan ga beeri, kan ga hamburandi mo, aran ma tangam aran gna-izey se, aran ize aray nda aran ize wayay se, aran wandey nda aran windey se." ¹⁵ Waato kan iri ibarey maa kan iri du baaro, Irkoy n'i saawara sara, iri mo ye ga ye kosara do, boro kulu nga goyo ra. ¹⁶ Zaa handin zaaro, ay goyteri jarey go ga goy, jarey mo go ga wangu jiney gayi, yaajey, nda korey, nda birawey, nda guuru kwayey. Jiine borey mo go Yahuda dumo kulu banda. ¹⁷ Borey kan yan go ga kosara cina, nda borey kan yan go ga tinay jare, boro kulu go ga goy nda kambe fo, kambe fo mo go ga wongu-jina gaayi. ¹⁸ I ra a fo kulu go ga goy, takuba go ga haw canta ga. Bora kan ga hillo funsu mo go ga kay ay jarga. ¹⁹ Ay ne alberey nda ciitikoyey nda kunda boro jarey se :" Goyo go ga baa gumo, a ga beeri mo, iri fay-fay mo kosara boŋ, iri mooru care. ²⁰ Waati kan hillo hẽ, aran kulu ma margu iri jarga, nango kan haray aran maa heno; iri irkoyo ga tangam iri se." ²¹ Yadin cine no iri konda goyo da jine, iri boro cindo ga yaaji gaayi zaa mo-boyan kala waatikan handariyey fatta. ²² Alwaati follonka din ra, ay ye ga ne jama se :" boro kulu nda nga goytero ma ciino te Ursalima ra, iri ma batu ciino ra, zaaro ra mo iri ma goy." ²³ Ba iri bankaray iri man i la, zaa ay, zaa ay gna-izey, zaa iri goyterey, zaa batukoyey kan yan go ga ay gana, boro kulu sinda kala nga wangu jiney kal hari.