¹ Yesu gbe yi dexó xɔ deka í amǝdeka ke alɔ kusǝ nǝa le lena ɗɛ. ² Amǝɗekawo le kpɔ dɔŋu kpɔ be ateŋun adadɔ nɛ le Sabbat ye ŋkeke jia, ne woa cɔ enyɔ de ŋun. ³ Yesu nu nɛ ŋucu esǝ kukunɔa be:"Co, í na nɔntǝ de doŋdomǝ le la." ⁴ Seyijia, Yesu nu nǝ amǝawo be:"Wo na ǝgbe be woa wɔ enu nyɔŋgbi enuvɔɛn le sabbat ye ŋkeke jia, be woaxɔ amǝ de agbǝ, alo woa tacidɛ nǝ a ku a?" vɔa, wo viŋ xuĩ. ⁵ É trɔ kpɔwo kidé xomǝfiɛn í se vèvè de wojí sɛŋuwo nu, í nu nǝ amǝa be:"vru tɔ lɔwo" i ivrui, í Yesu dadɔ ne ye lɔwo. ⁶ Akaakaa, Pharisitɔwo do, í wɔ bɔbɔ kide Heroditɔwo, í wo brásǝ deŋun be woa wui. ⁷ Seyijia, Yesu kide ye dekprɔviwo yi axutó, í amǝ sugbɔwo co Galile, Yude. ⁸ kide Yerusalem, yude kide Idume duganwo mǝ, kide ye Yordan ye ŋgbe, kide Tir, Sidon nutotrowo mǝ ke amǝ sugbɔwo se enuke yi le wɔ woa, va gbɔ. ⁹ Yesu nu nǝ ye dekprɔviwo be woaji akro cukuvi deka ne ye cagbe nǝ amǝ sugboawo ŋka tú emɔ nɛ ye o. ¹⁰ Ɗo éle dadɔ nǝ amǝ sugbɔwo, kékédɔn nɔnwo lé ji be woa tebɔɛ, í cɔ alɔ tɔɛ. ¹¹ Ké gbɔngbɔn makɔ-makɔwo kpɔɛ a, wo jenǝ wkro de akɔmǝ nǝ, í na le de axa be:"E nyi Mawuvi " ¹² E de ese newo be wo ŋka na nǝ amǝwo na nya o. ¹³ E ra etó ji, e yɔ amǝke í le jiawo, í wo va gbɔ. ¹⁴ E yɔ Apostolo amǝwuive be woateŋ nɔ yegbɔ nǝ a dɔ wo yi mawunyɔ nugbǝ ¹⁵ Kide acɛkpakpa be wo a ŋa gbɔngbɔn makɔ-makɔwo. ¹⁶ E yɔ ye dekprɔvi amǝwuiveawo: Simon, ke i na ŋkɔ be Petro. ¹⁷ Yakob zebede ye vi, Yohanes Yakob ye nɔvi ke í na ŋkɔ be Boanerges, ke gɔmǝ nyibe(eciɗégbé yé viwo); ¹⁸ kide Andre, Philipu, Barthremi, Mathieu, Thomas, Yakob, Alfe ye vi, Thaddee, Simon Zelotitɔa ¹⁹ kide Yuda Iscarioti ke ká vá sá Yesu a. ²⁰ Seyijia, wo yi axomǝ, í amǝwo gbè bɔ sugbɔ kèkè i woŋka teŋun dunu kpǝté ca o. ²¹ Ke ye xomǝ se enɔa, e va be yoa kprɔ ɗó ínu be:"Etamǝ le dahɛn nǝ" ²² Wema nyatɔwo ke co Yerusalem á wo nu be:"Gbɔmgbɔn makɔ-makɔ Beelzebul lé mǝ. Ɨ yeji í tónǝ í nya nǝ gbɔngbɔn vɔɛn wo." ²³ Yesu yɔwo va ɗekia gbɔ, i dó eló nǝwó: Satana la tenŋun nyá Satana an? ²⁴ Ŋǝ efiɔduxodé có de dekia ji, efiɔduxó hina ŋka teŋun rikǝ o. ²⁵ Ŋǝ axó ɗe có de dekia ji, axó hina ŋka teŋun rikǝ o. ²⁶ Ŋe inyi be Satana co de ɗekia ji a, e máan, í ŋka teŋun gbe nɛ o, í ye tɔ ye vɔ xo nǝ. ²⁷ Ʋɔa amǝɗe ŋka teŋ ɗó amǝsɛŋu ɗe ye xómǝ, i fi ye nunyɔŋgbi wo nǝ un bra amǝsɛŋua vayixoxo o. ²⁸ Un le nu nǝ mi le enyɔdodo mǝ be:"woaco amǝwo gɔ jéjéwó se kéwo, kǝkǝ í séyi enyɔ madi enyɔwo cá ke wo nua wo. ²⁹ Gaŋke woŋka cɔ enyɔ madi enyɔ ke wó nu de Mawu ye gbɔngbɔn ŋu an í se kewó gbéɗe ó, vɔa amǝ hina jagɔ mavɔ" ³⁰ Yesu nu enǝ, ɗo wo nu nǝ be:"gbɔngbɔn makɔ makɔ dek le mǝ." ³¹ Ƴe náná kide nɔvia nucuwo va, wo nontǝ de xixenu, í do amǝ be wo a yɔɛ va, ³² Amǝ sugbɔwo kanrɛn de gbɔ, i wo nu nǝ be:"Tɔ́ɔ náná kide tɔ́ɔ nɔvi nucuwo le xixenu, i le ji wó." ³³ Yesu biɔwo se be:"Mɛwo i nyi tiŋ nánáwo kide tiŋ nɔvi nucuwo?" ³⁴ Ke í trɔ kpɔ amǝ ke bɔ dee dɛ a wo a, e nu be:"Mi kpɔ! tiŋ náná kide tiŋ nɔvi nucuwo. ³⁵ Amǝ ɗekpukpuide ke wɔ Mawu ye jijia, amǝ hina ŋi tiŋ nɔvinucu tiŋ nɔviŋɔrun kide tiŋ náná."